"हामी सबैको एउटै आवाज"

"हामी सबैको एउटै आवाज"

ट्रेन्डिङ

अध्यक्ष सुदीप गिरीद्वारा पुरस्कार राशि घोषणा, दोस्रो वडा कप फुटबल प्रतियोगिता–२०८३ को खेल तालिका सार्वजनिक

Table of Content

राप्ती, चितवन । राष्ट्रको लागी खेलकुड स्वास्थ्य को लागी खेलकुड मुल नरको साथ राप्ती नगरपालिका नगर खेलकुद विकास समितिको आयोजनामा सञ्चालन हुन लागेको “दोस्रो वडा कप फुटबल प्रतियोगिता–२०८३” को खेल तालिका सार्वजनिक गरिएको छ। राप्ती नगरपालिकाको सम्भा हल्मा आयोजित पत्रकार सम्मेलनमार्फत प्रतियोगिताको खेल तालिका तथा पुरस्कार राशिको घोषणा गरिएको हो।
पत्रकार सम्मेलनमा राप्ती नगरपालिका नगर खेलकुद विकास समितिका अध्यक्ष सुदीप गिरी ले प्रतियोगिताको सम्पूर्ण तयारी पूरा भएको जानकारी दिँदै प्रतियोगिताको पुरस्कार राशिसमेत सार्वजनिक गरेका थिए। उनका अनुसार प्रतियोगिताको विजेता टोलीले नगद रु. १ लाख ६१ हजार १६१ सहित ट्रफी, मेडल र प्रमाणपत्र प्राप्त गर्नेछ भने उपविजेता टोलीले नगद रु. ६१ हजार १६१ सहित ट्रफी, मेडल र प्रमाणपत्र प्राप्त गर्नेछ।
प्रतियोगिता जेठ १९ गतेदेखि ३० गतेसम्म राप्ती नगरपालिका–१ स्थित खेल मैदानमा सञ्चालन हुनेछ। प्रतियोगितामा राप्ती नगरपालिकाका वडा नं. १, २, ३, ४, ५, ६, ७, ८, ९ र ११ गरी १० वटा वडा स्तरीय टोलीहरूको सहभागिता रहने आयोजकले जनाएको छ। प्रतियोगिताका सम्पूर्ण खेलहरू दैनिक दिउँसो ३ बजेदेखि सञ्चालन गरिनेछन्।
पत्रकार सम्मेलनका प्रमुख अतिथि राप्ती नगरपालिका वडा नं. ५ का वडा अध्यक्ष सिताराम बल रहेका थिए। कार्यक्रममा अतिथिका रूपमा शम्भु बिक, दिनेश, दिवश उप्रेती, कृष्ण पाठक, विशाल लो तथा सुरेन्द्र चौधरी लगायतको उपस्थिति रहेको थियो।
प्रतियोगितालाई थप प्रतिस्पर्धात्मक र आकर्षक बनाउन उत्कृष्ट खेलाडीहरूलाई विभिन्न विधामा पुरस्कार प्रदान गरिने आयोजकले जनाएको छ। प्रत्येक खेलको ‘म्यान अफ द म्याच’ घोषित खेलाडीलाई नगद रु. १ हजार, मेडल र प्रमाणपत्र प्रदान गरिनेछ। त्यसैगरी उत्कृष्ट गोलकिपर, उत्कृष्ट प्रशिक्षक (कोच), उत्कृष्ट खेलाडी, उत्कृष्ट फरवार्ड तथा सर्वाधिक गोल गर्ने खेलाडी लाई समेत विशेष पुरस्कार प्रदान गरिनेछ।
पत्रकार सम्मेलनमा बोल्दै अध्यक्ष गिरीले प्रतियोगिताले स्थानीय स्तरमा खेलकुदको विकास, युवाहरूमा अनुशासन र नेतृत्व क्षमताको अभिवृद्धि गर्नुका साथै वडा तहबाट खेल प्रतिभाको पहिचान र प्रोत्साहनमा महत्वपूर्ण योगदान पुर्‍याउने विश्वास व्यक्त गरे।
साथै आयोजक समितिले प्रतियोगिताका क्रममा सामान्य घाइते हुने खेलाडीहरूको उपचार खर्च आयोजक पक्षले व्यहोर्ने तथा गम्भीर प्रकृतिका घाइते खेलाडीहरूको उपचार सम्बन्धित वडाले व्यवस्थापन गर्ने जानकारी दिएको छ।
राप्ती नगरपालिकाले खेलकुद क्षेत्रको विकासलाई प्राथमिकतामा राख्दै विभिन्न खेल गतिविधिहरू सञ्चालन गर्दै आएको सन्दर्भमा दोस्रो वडा कप फुटबल प्रतियोगिताले नगरभित्र खेल संस्कृतिको विकास र खेलाडी उत्पादनमा थप टेवा पुग्ने अपेक्षा गरिएको छ।

admin

admin@hamroraptifm.com https://hamroraptifm.com

Leave a Reply

Your email address will not be published. Required fields are marked *

Recent News

Trending News

Editor's Picks

केपी ओलीको प्रश्न– ‘ओली, देउवा र प्रचण्डलाई थुन्दिन्छु रे ! हामी मजाकका पात्र हौँ ?’

काठमाडौं, मंसिर २ – नेकपा एमालेका अध्यक्ष केपी शर्मा ओलीले सरकारले आफू, नेपाली काँग्रेसका निवर्तमान पार्टी सभापति शेरबहादुर देउवा र नेपाली कम्युनिष्ट पाटीका संयोजक पुष्पकमल दाहाललाई पक्राउ गर्ने धम्की दिएको बताउनुभएको छ । पार्टीको राष्ट्रिय भेलामा सम्बोधन गर्दै उहाँले प्रहरी महानिरीक्षक (आईजीपी)ले आफूहरुलाई पक्राउ गर्ने अभिव्यक्ति दिएको आरोप लगाउनु भयो । राजनीतिक नेतृत्वलाई पक्राउ गर्ने...

चितवनमा ट्राफिक लाइट सञ्चालनको तयारी तीव्र, केही दिनभित्रै सञ्चालनमा आउने

चितवनको भरतपुर महानगरपालिकाका ६ वटा मुख्य चोकमा जडान गरिएका ट्राफिक लाइट छिट्टै सञ्चालनमा आउने भएका छन्। ट्राफिक लाइट सञ्चालनका लागि आवश्यक सडक पूर्वाधार निर्माण तथा व्यवस्थापनको काम तीव्र पारिएको छ। ट्राफिक लाइट सञ्चालनलाई व्यवस्थित बनाउन आज बुधबारदेखि ६ वटै स्थानमा लेन मार्किङ, स्टपिङ लाइन तथा जेब्रा क्रसिङलगायतका सडक रेखाङ्कन गर्ने काम सुरु गरिएको छ। दसैँ,...

इन्टरनेट सेवा प्रदायकलाई सेवा दस्तुर दाखिलासम्बन्धी विवरण १० दिनभित्र पेस गर्न निर्देशन

काठमाण्डौ – नेपाल दूरसञ्चार प्राधिकरणले दूरसञ्चार सेवा दस्तुर (टीएससी) दाखिलासम्बन्धी विवरण तथा आवश्यक कागजात १० दिनभित्र पेस गर्न निर्देशन दिएको छ । प्राधिकरणले आर्थिक ऐन, २०८३ को व्यवस्था कार्यान्वयन गर्ने क्रममा दूरसञ्चार सेवा सञ्चालन गर्न अनुमतिपत्र प्राप्त गरी सेवा प्रदान गरिरहेका सबै इन्टरनेट सेवा प्रदायकलाई निर्देशन दिएको हो । प्राधिकरणले आज सार्वजनिक सूचनामार्फत आर्थिक वर्ष...

पूर्वाधार मन्त्रालयद्वारा सात इन्जिनियर सेवाबाट बर्खास्त

काठमाडौं । पूर्वाधार विकास मन्त्रालयले सातजना इन्जिनियरलाई सेवाबाट हटाएको छ । भविष्यमा सरकारी सेवामा अयोग्य नठहरिने गरी सेवाबाट हटाइएको मन्त्रालयले जनाएको छ ।  कार्यालयमा हाजिर नभएको र बिदा स्वीकृत नगरी बिदा बसेको भन्दै मन्त्रालयले उनीहरूलाई हटाएको प्रस्ट पारेको छ ।  सेवाबाट हटाइएका इन्जिनियरहरूमा पुजन न्यौपाने, सृष्टि भुषाल, सम्योग श्रेष्ठ, आस्था आचार्य, नरेश थापा, रमेशप्रसाद पौडेल...

गुल्मीमा प्रहरी क्वार्टरभित्रै इन्स्पेक्टर मृत भेटिए

जिल्ला प्रहरी कार्यालय गुल्मीमा कार्यरत प्रहरी निरीक्षक (इन्स्पेक्टर) पर्वतकुमार केसी निवासमै मृत फेला परेका छन् । सिनियर अधिकृत निवास क्वार्टरमा बस्दै आएका केसी मंगलबार बिहान मृत फेला परेको डीएसपी विरेन्द्रवीर विश्वकर्माले लोकान्तरलाई जानकारी दिए । उनका अनुसार बिहान साढे ढिलासम्म पनि नउठेपछि प्रहरीले निवासमा गएर हेर्दा उनी अचेत अवस्थामा भेटिएका थिए । अचेत अवस्थामा भेटिएका...

अध्यक्ष : सुभद्रा आले मगर
सम्पादक : राजु थापा
कार्यकारी सम्पादक : पुर्ण बहादुर मगर
सह सम्पादक : अशोक बहादुर परियार
ले आउट : प्रबेश देसार
सवाददाता : अनिल अधिकारी

सम्पर्क

इमेल : infohamroraotifm@gmail.com

मोबाइल : 9762345745

ठेगाना : राप्ती ५ भण्डारा, चितवन , बागमति प्रदेश , नेपाल

कम्पनी विवरणहरू

कला पाठशाला कलेज प्रा.लि द्वारा संचालित पुर्बी चितवनको सर्बाधिक सुनिने हाम्रो राप्ती 88.5 एफ एमको अनलाइन सस्करण हो !

सन्चार रजिस्ट्रारको कार्यालय दर्ता न १४०/०७९/०८०