"हामी सबैको एउटै आवाज"

"हामी सबैको एउटै आवाज"

ट्रेन्डिङ

बालेनको गतिबाट आत्तिएपछि परम्परा र संविधानको दुहाइ

Table of Content

नेपालको राजनीतिमा अहिले एउटा अनौठो बहस चलिरहेको छ । ठूलो क्रान्तिपछि आएको सरकारका प्रमुख वालेन्द्र शाहलाई जनभावनाअनुसार आफ्नै गतिमा काम गर्न दिनुको साटो परम्पराका नाममा पुरानै असफल, परिणामहीन र बदनाम राजनीतिक नेतृत्वको अनुसरण नगरेको भन्दै आलोचनाको तारो बनाइँदै छ । भलै वालेन्द्र शाह नेतृत्वको सरकारले आफ्नो कार्यकालको डेढ महिने अवधिमै एउटा स्पष्ट सन्देश दिएको छ- अब परम्पराको नाममा प्रणालीलाई बन्धक बनाएर राख्ने दिन सकिए ।

संसदमा विपक्षी र सञ्चार माध्यममा परम्परागत दलहरुसँग हंस जोडिएका बौद्धिकहरु आलोचनाको कुनै विषय नपाएर हास्यास्पद तर्क गर्दै छन्- प्रधानमन्त्री संसद्मा नआउने, घन्टौँ संसदमा बसेर सांसदका कुरा नसुन्ने हो र जवाफका नाममा कर्मकाण्डको पालना नगर्ने हो भने लोकतन्त्र कमजोर हुन्छ । 

अब प्रश्न उठ्छ कि विगतमा परम्पराका नाममा जेजस्ता कर्मकाण्ड गरिए, त्यसले हाम्रो लोकतन्त्रलाई बलियो बनायो त ? संस्थाहरुलाई कहाँ पुर्‍यायो त्यसले ? नेपाली जनताको जीवनस्तरमा के फरक ल्यायो ? के वालेन्द्रले पनि केपी शर्मा ओली, शेरबहादुर देउवा र पुष्पकमल दाहाल प्रचण्डले जस्तै कर्मकाण्डी शैलीमै सरकार चलाउनुपर्थ्यो ?  

आलोचना गर्नेहरुले बुझेका छैनन् वा बुझेर पनि बुझ पचाएका छन्- नेपाली जनताले वालेनलाई रोजेकै नतिजाहीन कर्मकाण्डी परम्परा भत्काउनकै लागि हो । किनभने उनी धेरै बोल्दैनन्, धेरै काम गर्छन् । २६ मिनेटको चुनावी भाषणले जनमानस तरंगित बनाउने क्षमता उनले चुनावमा देखाइसकेका छन् । उनको यो कार्यशैलीलाई नीति तथा कार्यक्रमको गुणस्तरसँग जोडेर हेर्नु युक्तिसंगत हुँदैन । बरु स्वर्णिम वाग्लेजस्ता दिग्गज अर्थमन्त्रीले जवाफ दिएर प्रक्रिया, प्रणाली र विषयवस्तु सबैलाई न्याय भएको छ । गफ होइन, काममा ध्यान दिनुपर्छ र बोक्रा होइन, गुदीमा बहस गर्नुपर्छ भनेर बालेन सरकारले स्पष्ट सन्देश दिएको छ ।

सरकारले तत्काल परिवर्तनको आभास दिन र सरकारको मेसिनरीमा तत्काल हस्तक्षेप गर्न ८ वटा अध्यादेश ल्यायो । ती अध्यादेश संसदमा टेबुल भइसकेका छन् । संसदको एउटै अधिवेशनमा ४५ वटा विधेयक तयार पार्ने गरी कामको गति अघि बढाएको छ । पुराना सरकारहरूले पूरा अधिवेशनभर एउटा विधेयक पारित गर्न नसक्ने परम्परा बनाएका थिए । त्यही परम्पराको ह्याङओभरमा रहेकाहरु बालेनको तीव्र गति देखेर होसहवास भएका छन् र बालेनमा ‘दोस्रो ओली’ को रुप खोजिरहेका छन् । 

कानुन निर्माणको प्रक्रियाको गति र सरकारको कार्यगतिमा तादात्म्य मिलाउन अध्यादेश नै उत्तम विकल्प हो । यो सरकारलाई प्राप्त विशेष संवैधानिक र राजनीतिक शक्ति पनि हो । घण्टीमा भोट हालेका जनतामा यसले उत्साह र भरोसा जगाएको छ । त्यसैले सबैले बुझ्नुपर्छ कि बालेन परम्पराको निर्वाह गर्न आएका होइनन् । नतिजाहीन परम्परा भत्काउनु नै बालेनको असली परिचय हो । उनले त्यही गरिरहेका छन् । 

अब रह्यो, प्रधानन्यायाधीश नियुक्तिको कुरा । यसमा बालेनले अर्को छलाङ मारे । नेकपा एमाले र नेपाली कांग्रेसले २०९२ सम्म न्यायालयमा आफ्नो अनुकूलको ‘सेटिङ’ बनाएका थिए । उनीहरुले अदालतमा न्यायाधीश मात्र नियुक्ति गरिरहेका थिएनन्, भावी प्रधानन्यायाधीशको रोल मिलाएर दसकौँसम्मका लागि आफ्नो प्रभावक्षेत्र बनाएका थिए । त्यो सेटिङ भत्काउनैपर्ने थियो । त्यो नभत्काएसम्म मुलुकमा थिति बसाउन सम्भव थिएन । त्यसैले उनले कानुन र संविधानभित्रै रहेर सपना प्रधान मल्ल, कुमार रेग्मी र हरि फुयाललाई रोकेर १० वर्षसम्मको सेटिङ भत्काइदिए । प्रधानन्यायाधीशको रोलक्रममै नराखिएका मनोजकुमार शर्मालाई ल्याइदिए । यो पनि एउटा ‘परम्परा’ तोड्ने काम हो । जुन तोड्नैपर्ने थियो । बालेनको यस साहसिक र निर्भीक कदमले पुराना दलसँग जीविका जोडिएकाहरु अत्तालिएका छन् ।  
बरु अब आवश्यकता के हो भने राष्ट्रिय सभा र राष्ट्रपति जस्ता संरचनाहरू समयसापेक्ष पुनरवलोकन गर्ने । ती संरचनाहरू ताजा जनादेशको अवरोधक बन्ने स्पष्ट संकेत देखिइसकेको छ । तसर्थ अब यिनको खारेजी र बर्खातगीको विकल्प खुला राखेर अगाडि बढ्नु बुद्धिमानी हुनेछ ।  खासमा यो हुनुपर्नेचाहिँ गत भदौमै थियो ।

बालेन सरकारको तीव्र रफ्तारलाई जनताको अपार समर्थन छ । अब परम्पराका नाममा भुत्ते बनाइएको प्रणालीलाई चलायमान बनाउने जिम्मा पनि बालेनकै काँधमा छ ।  जवाफदेहिताको नारा जप्नेहरूले बुझून्- बालेनले नीति तथा कार्यक्रम संसद्बाहिरबाट ल्याएका छैनन्, अध्यादेश संसद्मै छन्, बजेट पनि संसद्मै आउनेछ । फरक यत्ति हो- उनले कार्यगतिबाटै परम्परालाई चुनौती दिइरहेका छन् । भुत्ते संरचनाहरुलाई नतिजाउन्मुख बनाइरहेका छन् । बालेनको गतिबाट आत्तिएकाहरु परम्परा र संविधानको दुहाइ दिँदै छन् ।

admin

admin@hamroraptifm.com https://hamroraptifm.com

Leave a Reply

Your email address will not be published. Required fields are marked *

Recent News

Trending News

Editor's Picks

राप्तीमा आइरिस इङ्लिस बोर्डिङ स्कुलको ३०औँ वार्षिकोत्सव तथा अभिभावक दिवस सम्पन्न

राप्ती, चितवन । राप्ती नगरपालिका–२, गड्यौलीस्थित आइरिस इङ्लिस बोर्डिङ स्कुलको ३०औँ वार्षिकोत्सव तथा अभिभावक दिवस कार्यक्रम सम्पन्न भएको छ। विद्यालयले हरेक वर्ष आयोजना गर्दै आएको वार्षिकोत्सव कार्यक्रम यस वर्ष पनि विविध सांस्कृतिक तथा शैक्षिक गतिविधिसहित सम्पन्न गरेको हो। कार्यक्रममा प्रमुख अतिथि मदन पुरी, विद्यालय व्यवस्थापन समिति ( बी.डी. ) का अध्यक्ष कृष्णप्रसाद नहर्की, अभिभावक शिक्षक...

स’नस’नीपूर्ण खुलासा : प्रधानमन्त्रीका सल्लाहकार कुमार बेनविरु’द्धको माइतीघर प्रद’र्शनमा कसले गर्‍यो खर्च व्यवस्थापन ? राजनीतिक कनेक्सनको चर्चा !

प्रधानमन्त्रीका सल्लाहकार कुमार बेनलाई नि’शाना बनाएर मंसिर ४ गते माइतीघर मण्डलामा गरिएको प्रद’र्शनको पर्दापछाडिको आर्थिक व्यवस्थापन र राजनीतिक सम्बन्धबारे ग’म्भीर विवरण बाहिर आएका छन्। प्राप्त विवरणअनुसार, उक्त प्रदर्शनका लागि नेपाल विद्यार्थी संघ (नेविसंघ) मार्फत पर्चा तथा पम्प्लेट तयार गरिएको थियो। त्यसको खर्च व्यवस्थापनमा नेपाली कांग्रेसका सभापति गगनकुमार थापाको सचिवालयसँग जोडिएका व्यक्तिहरूमार्फत समन्वय भएको दा’बी गरिएको...

कर्मचारीलाई चेतावनी दिँदै गृहमन्त्रीको ‘गुडमर्निङ’!

काठमाडौं : गृहमन्त्री सुधन गुरुङले शनिबार बिहान राष्ट्रसेवक कर्मचारीहरूलाई राजनीतिक दलको झोला नबोक्न र नेताको चाकडी नगर्न कडा चेतावनी दिएका छन्। शनिबार बिहान फेसबुकमा लेख्दै उनले सरकार गठन भएदेखि नै कर्मचारीको काम दलको झोला बोक्ने वा नेताको चाकडी गर्ने नभई देश र जनताको सेवा गर्ने हो भनेर स्पष्ट पारिँदै आएको उल्लेख गरेका छन्। नेता र कर्मचारी...

फाप्ला अन्तर्राष्ट्रिय क्रिकेट रंगशाला निर्माणका लागि ठेक्का आह्वान

काठमाडौं, मंसिर ५ – कैलालीको धनगढीस्थित फाप्ला अन्तर्राष्ट्रिय क्रिकेट रंगशाला निर्माण प्रक्रिया अघि बढेको छ । सुदूरपश्चिम प्रदेशको महत्त्वाकांक्षी खेल पूर्वाधार आयोजनाका रूपमा रहेको रंगशाला निर्माणका लागि सरकारले बोलपत्र आह्वान गरेको छ । भौतिक पूर्वाधारमन्त्री सुनिल लम्सालको पहलमा मंसिर ४ गते रंगशालाको पूर्वाधार निर्माणका लागि राष्ट्रिय प्रतिस्पर्धात्मक बोलपत्र (एनसीबी) आह्वान गरिएको हो । भौतिक पूर्वाधार...

एन्फा निलम्बन फुकुवाको प्रक्रिया अघि बढ्यो : खेलकुद मन्त्री पोखरेल

काठमाण्डौ – शिक्षा तथा खेलकुदमन्त्री सस्मित पोखरेलले नेपाली फुटबलमाथि अन्तरराष्ट्रिय फुटबल महासङ्घ (फिफा)ले लगाएको निलम्बन फुकुवाको प्रक्रिया अघि बढेको बताउनुभएको छ । थाइल्यान्डमा फिफा र एशियाली फुटबल महासङ्घ (एएफसी) का अध्यक्षसहितका पदाधिकारीसँग छलफल गरेर स्वदेश फर्किएका मन्त्री पोखरेलले फिफा अध्यक्ष जियानी इन्फान्टिनोलाई नेपाल भ्रमणको निम्तोसमेत दिएको जानकारी दिनुभयो । उहाँका अनुसार निलम्बन फुकुवासँगै फिफा र...

अध्यक्ष : सुभद्रा आले मगर
सम्पादक : राजु थापा
कार्यकारी सम्पादक : पुर्ण बहादुर मगर
सह सम्पादक : अशोक बहादुर परियार
ले आउट : प्रबेश देसार
सवाददाता : अनिल अधिकारी

सम्पर्क

इमेल : infohamroraotifm@gmail.com

मोबाइल : 9762345745

ठेगाना : राप्ती ५ भण्डारा, चितवन , बागमति प्रदेश , नेपाल

कम्पनी विवरणहरू

कला पाठशाला कलेज प्रा.लि द्वारा संचालित पुर्बी चितवनको सर्बाधिक सुनिने हाम्रो राप्ती 88.5 एफ एमको अनलाइन सस्करण हो !

सन्चार रजिस्ट्रारको कार्यालय दर्ता न १४०/०७९/०८०