"हामी सबैको एउटै आवाज"

"हामी सबैको एउटै आवाज"

ट्रेन्डिङ

राप्तीका ३२ परिवारलाई जग्गाधनी पुर्जा वितरण : करिब दुई हजार लालपुर्जा अलपत्र

Table of Content

facebook sharing button
sharethis sharing button

– ध्रुवराज खनाल
राप्ती । भूमि समस्या समाधान आयोग चितवनले राप्ती नगरपालिकाभित्र ३२ वटा परिवारलाई जग्गाधनी पुर्जा (लालपुर्जा) वितरण गरेको छ ।

राप्ती वडा नम्बर–६, ७ र ११ का ३२ परिवारलाई सोमबार लालपुर्जा वितरण गरिएको जिल्ला आयोग अध्यक्ष इमानसिंह लामाले जानकारी दिए । उनका अनुसार राप्ती–६ को स्याउलीमा ९ वटा, राप्ती–७, सिमलबस्तीमा १४ वटा र राप्ती–११ को डुम्रेखाडीमा ९ वटा लालपुर्जा वितरण गरिएको हो । नगरप्रमुख शमशेर लामा, उपप्रमुख देवेन्द्र लामा र सम्बन्धित वडाका अध्यक्षहरुको उपस्थितिमा लालपुर्जा वितरण गरिएको हो ।

राप्ती–१ को ६७९ वटा लालपुर्जा तयारी अवस्थामा थियो । जेनजी आन्दोलनका कारण तयारी अवस्थामा रहेकोे लालपुर्जा वितरण अलपत्र परेको छ । राप्तीको १, २, ३, ५, ७, ११ नम्बर वडामा नापजाँच अन्तिम चरणमा पुगेको थियो । राप्ती नगरपालिका प्रमुख शमशेर लामाका अनुसार ज्यालादारी कर्मचारी हटाइएपछि नापजाँचको काम रोकिएको छ । तर, पछिल्लो राजनीतिक घटनाक्रमका कारण पनि यो कार्य प्रभावित भएको हो ।

आफ्नो कार्यकालमा लालपुर्जा वितरणको काम सुरू भएकोमा नगरप्रमुख लामाले खुसी व्यक्त गरे । ‘नगरले गर्नुपर्ने काम फटाफट गरेका छौँ, केही प्रगति हात परिसक्यो’, प्रमुख लामाले भने, ‘नगरभित्रका सबै सुकुमबासीहरुलाई लालपुर्जा दिलाएरै छाड्छौँ ।’ उपप्रमुख देवेन्द्र लामाले केहीको मुहारमा खुसी छाएको भन्दै सबैले लालपुर्जा प्राप्त गर्ने वातावरण बनाउँदै लैजाने बताए । राप्ती नगरपालिकाभित्र करिब १० हजार घरधुरी लालपुर्जाविहीन छन् ।

यता, जिल्ला आयोग अध्यक्ष लामाले जिल्लाभित्र करिब दुई हजारभन्दा बढी लालपुर्जा तयारी भए पनि पछिल्लो आन्दोलनले केही समय वितरण कार्य रोकिने बताए । लामाका अनुसार राप्ती–१ मा ६७९ वटा, भरतपुर–२३ मा ३५१ वटा, भरतपुर–२४ मा ७६० वटा, रत्ननगरमा ७४ वटा, खैरहनीमा ३३ वटा लालपुर्जा तयार गरिएको थियो । ‘एक–दुई हप्ताभित्र ती लालपुर्जा वितरणका लागि आफूहरु तयारी अवस्थामा रहेका थियौँ’, जिल्ला अध्यक्ष लामाले भने, ‘लालपुर्जा वितरणका लागि मुचुल्का उठाएर करिब २ हजारभन्दा बढीको तयारी गरिसकेका थियौँ, अर्को सूचना नआउँदासम्म ती लालपुर्जा अलपत्र हुने भए ।’

राप्तीमा सोमबार वितरित लालपुर्जामा पहिले नै हस्ताक्षर गरिसकेको थियो । तर, पछिल्लो निर्देशनअनुसार अब लालपुर्जामा हस्ताक्षर नगर्न भनिएको छ । आयोगका अनुसार अव्यवस्थित बसोवासीका लागि १ हजार ७५६ वटा पुर्जा तयारी अवस्थामा थियोे । अघिल्लो सरकारले इमान लामालाई जिल्ला अध्यक्षमा नियुक्त गरेपछि जिल्लामा लालपुर्जा वितरणको प्रक्रिया तीव्ररुपमा अघि बढेको थियो । लामा नेतृत्वको आयोगले भरतपुर–११, १५, १६ र २६ तथा रत्ननगर–१२ को सालघारीमा लालपुर्जा वितरण गरेको थियो ।

admin

admin@hamroraptifm.com https://hamroraptifm.com

Leave a Reply

Your email address will not be published. Required fields are marked *

Recent News

Trending News

Editor's Picks

क्यानले भन्याे – एनपीएल फाइनलकाे टिकट केही मिनेटमै ‘साेल्ड आउट’

काठमाण्डाै – नेपाल क्रिकेट सङ्घ (क्यान) ले नेपाल प्रिमियर लिग (एनपीएल) काे फाइनल खेलकाे टिकट केही मिनेटमै साेल्ड आउट भएकाे जनाएकाे छ । क्यानका सचिव पारस खड्काले निकाल्नुभएकाे विज्ञप्तिअनुसार फाइनल खेलकाे टिकट बिक्री खुला गरिएकाे समयमा झन्डै २ लाख ई–सेवा प्रयाेगकर्ताले एकैसाथ टिकट खरिद गर्न खाेजेका थिए । तर क्रिकेट मैदानको क्षमताअनुसार टिकटको उपलब्धता सीमित...

जिल्ला ट्राफिक प्रहरी कार्यालय चितवनका अनुसार पृथ्वी राजमार्गमा भोलिदेखि दैनिक ५ घण्टा गाडी आवागमन बन्द

काठमाण्डाै – पृथ्वी राजमार्गको विभिन्न सडक खण्डमा मर्मत तथा निर्माण गर्न भोलि शनिवारदेखि दैनिक ५ घण्टा गाडीको आवागमन बन्द गरिने भएको छ । जिल्ला ट्राफिक प्रहरी कार्यालय चितवनका अनुसार घोप्टेभीरलगायत क्षेत्रमा सडक निर्माण गर्न बिहान ११ देखि दिउँसो ४ बजेसम्म अर्को सूचना नआएसम्मका लागि गाडीको आवागमन बन्द गरिने भएको हो । जिल्ला ट्राफिक प्रहरी कार्यालय...

पालिका चुनाव वैशाखमा, प्रदेशको मङ्सिरमा गर्ने आयोगको प्रस्ताव

काठमाण्डाै – निर्वाचन आयोगले पालिका चुनावको तयारीसँगै आवश्यक छलफललाई अगाडि बढाएको छ । आयोगले आज राष्ट्रिय मान्यता प्राप्त राजनीतिक दलका शीर्ष नेताहरूसँग प्रारम्भिक छलफल गरेको छ । निर्वाचन आयोगको कार्यालय कान्तिपथमा भएको छलफलमा आयोगले पालिका तहको चुनाव आउँदो वैशाखमा र प्रदेशको मङ्सिरमा गर्ने तालिका प्रस्ताव गरेको छ । आयोगको प्रस्तावित तालिकाबारे नेपाली कम्युनिस्ट पार्टी (नेकपा) का...

राप्तीमा नेपाल कम्युनिस्ट पार्टीको राष्ट्रिय जागरण अभियान शुभारम्भ

राप्ती, चितवन । नेपाल कम्युनिस्ट पार्टीको राष्ट्रिय जागरण अभियानअन्तर्गत राप्ती नगरपालिकामा अभियान शुभारम्भ कार्यक्रम सम्पन्न भएको छ। कार्यक्रम रामकुमार पण्डितको अध्यक्षतामा तथा घनश्याम दाहालको प्रमुख आतिथ्यतामा सम्पन्न भएको हो। कार्यक्रममा विशिष्ट अतिथिका रूपमा अशोक थापा, कञ्चन खनाल र संगीता भट्टराई सहभागी रहेका थिए। त्यस्तै अतिथिका रूपमा शमशेर लामा, बाबुराम पाठक, ईश्वर सापकोटा, भावना सुवेदी, डा....

विदेशी मुद्रा सञ्चिति ४१ खर्ब ६१ अर्ब रुपैयाँ पुग्याे

काठमाण्डाै – चालू आर्थिक वर्ष २०८३/८४ को तीन महिनामा नेपालकाे विदेशी मुद्रा सञ्चिति ६.८ प्रतिशतले बढेकाे छ । नेपाल राष्ट्र बैंकले सार्वजनिक गरेको ‘देशको वर्तमान आर्थिक तथा वित्तीय स्थिति’ अनुसार गएको असार मसान्तसम्म ३८ खर्ब ९७ अर्ब ६७ करोड बराबर रहेको विदेशी मुद्रा सञ्चिति बढेर ४१ खर्ब ६१ अर्ब १४ कराेड रुपैयाँ पुगेको छ ।...

अध्यक्ष : सुभद्रा आले मगर
सम्पादक : राजु थापा
कार्यकारी सम्पादक : पुर्ण बहादुर मगर
सह सम्पादक : अशोक बहादुर परियार
ले आउट : प्रबेश देसार
सवाददाता : अनिल अधिकारी

सम्पर्क

इमेल : infohamroraotifm@gmail.com

मोबाइल : 9762345745

ठेगाना : राप्ती ५ भण्डारा, चितवन , बागमति प्रदेश , नेपाल

कम्पनी विवरणहरू

कला पाठशाला कलेज प्रा.लि द्वारा संचालित पुर्बी चितवनको सर्बाधिक सुनिने हाम्रो राप्ती 88.5 एफ एमको अनलाइन सस्करण हो !

सन्चार रजिस्ट्रारको कार्यालय दर्ता न १४०/०७९/०८०