काठमाण्डौ — राष्ट्रिय स्वतन्त्र पार्टी (रास्वपा) का सभापति रवि लामिछानेले सुशासन कायम गर्ने र भ्रष्टाचार नियन्त्रण गर्ने सन्दर्भमा सरकारको तर्फबाट कुनैपनि किसिमको राजनीतिक हस्तक्षेप नहुने प्रतिवद्धता व्यक्त गर्नुभएको छ ।
हिजो राज्य व्यवस्था तथा सुशासन समितिको बैठकमा लामिछानेले सरकारले कसैप्रति पनि कुनै किसिमको आग्रह–पूर्वाग्रह नराख्ने बताउनुभएको हो ।
उहाँले प्रचलित कानूनले दिएको अधिकारलाई सदुपयोग गर्दै सुशासन प्रवर्द्धन गर्ने काममा सरकार दृढ रहेको बताउनु भयो । बैठकमा सभापति लामिछानेले अख्तियार दुरुपयोग अनुसन्धान आयोगको वर्तमान नेतृत्व अघिल्ला सरकारहरूको पालामा नियुक्त भएको स्मरण गराउनु भयो ।
कानूनले दिएको अधिकारको सदुपयोग गर्दै सुशासन कायम गर्ने काममा सरकारबाट कुनै किसिमको राजनीतिक हस्तक्षेप नहुने उहाँको भनाइ छ ।
उहाँले राज्यका जिम्मेवार निकायहरूलाई कानुनसम्मत ढंगले कार्यसम्पादन गर्न दिनुपर्नेमा जोड दिँदै त्यस्ता निकायहरूको स्वायत्ततामा राजनीतिक तहबाट कुनै हस्तक्षेप नहुने विश्वास समेत व्यक्त गर्नुभयो ।
