चितवन । चितवन बन्दको चौतर्फी आलोचना र विरोध भएपछि विश्व हिन्दू महासंघ पछि हटेको छ। बिहीबार पत्रकार सम्मेलन गरेरै चितवन बन्दको घोषणा गरेको महासंघको विषयमा सामाजिक सञ्जालमा चर्को आलोचना भएपछि महासंघले बन्द फिर्ता गरेको हो। महासंघले बन्द फिर्ता घोषणा नगर्दै सडकमा सवारीसाधन गुडिरहेका थिए । त्यसले पनि उनीहरुलाई दबाब परेको थियो।
सार्वजनिकरुपमै सद्भाव र्याली आयोजना गर्न दबाब दिएपछि जिल्ला प्रशासन कार्यालय चितवनले शुक्रबार दिउँसो साढे ४ बजेको लागि चितवनमा बृहत् सद्भाव र्याली आयोजना गर्ने तयारी गरेको छ। मधेशमा भइरहेको आन्दोलनलाई चितवसम्म फैलिन नदिनको लागि सद्भाव र्याली आवश्यक परेको प्रमुख जिल्ला अधिकारी गणेश अर्यालले बताए।
प्रमुख जिल्ला अधिकारी अर्यालले राजनैतिक दल, नागरिक अगुवा तथा विभिन्न संघसंस्थाका प्रमुखहरुलाई बैठक बोलाएका छन्। बैठक सकिएपछि सद्भाव ¥याली निकालिने उनले बताए। ‘चितवनजस्तो शान्त र शिक्षित जिल्लाले सकारात्मक सन्देश प्रवाह गर्नुपर्छ,’ उनले भने, ‘त्यसकारण चितवनले द्वन्द्व होइन, सद्भाव देखाउनु पर्छ। भाइचारा देखाउनु पर्छ।’
उनले जिल्लामा रहेका सबैलाई सार्वजनिकरुपमै र्यालीमा सहभागी हुन अनुरोध गरेका छन्। भरतपुरको चौबीसकोठी चोकबाट पुलचोकसम्म बृहत् ¥याली निकालिने उनको भनाइ छ। ‘चौबीसकोठी चोकमा आउन सम्भव नहुनेहरुले नारायणघाटको पुलचोकसम्मको दूरीमा हिँड्दा जहाँ पायक पर्छ, त्यहीँ मिसिनु हुन अनुरोध छ,’ प्रमुख जिल्ला अधिकारी अर्यालले भने, ‘यो र्याली हामी सबैको हो। यसमा हामी सबै आयोजक हौँ,’ उनले भने, ‘चितवनमा भएको कार्यक्रमले मधेशमा भइरहेको समस्यालाई समाधान गर्ने बाटो खुलोस् भन्ने हामी चाहन्छौँ।’
