भरतपुर । विकासानन्द फाउन्डेसन विश्व परिवार अन्तर्गत संस्थाका संस्थापक डा. विकासानन्द गुरूदेवको विशेष उपस्थितिमा नारायणगढस्थित वैकुण्ठचोक टोल विकास संस्थाद्वारा आयोजित एक दिने मनोक्रान्ति योग, ध्यान तथा हिप्नोसिस कार्यक्रम सफलतापूर्वक सम्पन्न भएको छ ।
भरतपुर महानगरपालिका वडा नं. ४ स्थित चितवन फुड मार्ट एण्ड पार्टी प्यालेसमा आइतबार दिउँसो १२ः०० बजेदेखि ३ः०० बजेसम्म सञ्चालन भएको उक्त कार्यक्रममा २८५ जना स्थानीय टोलबासीको उत्साहजनक सहभागिता रहेको थियो ।
कार्यक्रमको समन्वयकारी भूमिका श्रीमती सुमित्रा सापकोटाले निर्वाह गरेको सो कार्यक्रमको सञ्चालन वैकुण्ठचोक टोल विकास संस्थाका सूचना तथा सञ्चार संयोजक शालिकराम आचार्यले गरेका थिए । त्यस्तै, स्वागत मन्तव्य संस्थाका उपाध्यक्ष सोमनाथ खरेलले गरेका थिए ।
कार्यक्रममा आफ्नो अमूल्य समय मिलाई गरिमामय उपस्थितिका साथ कार्यक्रमलाई सफल बनाउन सहयोग पु¥याउने डा. विकासानन्द गुरूदेव तथा गण्डकी प्रदेशका सम्माननीय सभासद प्रति संस्थाका अध्यक्ष राम गिरीले हार्दिक धन्यवाद ज्ञापन गर्दै मायाको चिनो प्रदान गरेका थिए ।
कार्यक्रम सफल बनाउन प्रत्यक्ष तथा अप्रत्यक्ष रुपमा सहयोग गर्नुहुने सम्पूर्ण महानुभाव, सहभागी सदस्य तथा शुभेच्छुकहरूप्रति वैकुण्ठचोक टोल विकास संस्था परिवार हार्दिक आभार प्रकट गर्दछ भन्दै अध्यक्ष गिरीले शुभभाव प्रकट गरेका थिए ।
