स्टार्टअप कर्जाका लागि एक हजार ३०१ परियोजनाको प्रारम्भिक सूची सार्वजनिक
काठमाण्डौ – स्टार्टअप उद्यम कर्जाका लागि एक हजार ३०१ परियोजना छनोट भएका छन् । औद्योगिक व्यवसाय विकास प्रतिष्ठानले आर्थिक वर्ष २०८२/८३ का लागि प्रारम्भिक चरणमा परियोजना छनोट गरेको हो ।
प्रारम्भिक सूचीमा समावेश भएका परियोजना प्रस्तावकले थप मूल्याङ्कनका लागि व्यावसायिक विवरण आउँदो बुधबार पेस गर्नुपर्ने प्रतिष्ठानले जनाएको छ । तोकिएको समय सीमाभित्र नपठाए प्रस्ताव स्वतः अमान्य हुनेछ । छनोट भएका कुल परियोजनामध्ये ६५ प्रतिशतभन्दा धेरै कृषि, पशुपालन, मत्स्यपालन र जडीबुटीसँग सम्बन्धित रहेको प्रतिष्ठानले जनाएको छ । प्रारम्भिक सूचीमा परेका प्रस्तावकको स्थलगत निरीक्षण, अन्तर्वार्ता र विस्तृत परियोजना प्रतिवेदनको मूल्याङ्कनपछि मात्रै अन्तिम रूपमा कर्जा दिने प्रक्रिया शुरु हुने प्रतिष्ठानका कार्यकारी निर्देशक उमेश गुप्ताले बताउनुभयो ।
चालु आर्थिक वर्ष २०८२/८३ मा कर्जा प्रदान गर्नका लागि एक अर्ब २६ करोड बजेट छ । प्रतिष्ठानका कार्यकारी निर्देशक गुप्ताले मापदण्ड पूरा गरेका ९५० देखि एक हजार परियोजनालाई स्टार्टअप उद्यम कर्जा उपलब्ध गराइने जानकारी दिनुभयो । तीन प्रतिशत ब्याजमा पाँच लाख देखि २० लाख रुपैयाँसम्मको कर्जा उपलब्ध गराइनेछ । आर्थिक वर्ष २०८०/८१ बाट कर्जा वितरण गर्न थालिएको थियो ।
सरकारले यसअघि संघीय मामिला तथा सामान्य प्रशासन मन्त्रालयमार्फत स्टार्टअप उद्यम कर्जा कार्यक्रमअन्तर्गत परियोजना प्रस्तावको स्थलगत निरीक्षण गरिदिन भन्दै पालिकालाई पत्र पठाएको थियो । भौतिक अवस्था जाँचपछि प्रतिष्ठानले प्रारम्भिक सूची सार्वजनिक गरेको हो ।
लु आर्थिक वर्ष २०८२/८३ मा कर्जा प्रदान गर्नका लागि एक अर्ब २६ करोड बजेट छ । प्रतिष्ठानका कार्यकारी निर्देशक गुप्ताले मापदण्ड पूरा गरेका ९५० देखि एक हजार परियोजनालाई स्टार्टअप उद्यम कर्जा उपलब्ध गराइने जानकारी दिनुभयो । तीन प्रतिशत ब्याजमा पाँच लाख देखि २० लाख रुपैयाँसम्मको कर्जा उपलब्ध गराइनेछ । आर्थिक वर्ष २०८०/८१ बाट कर्जा वितरण गर्न थालिएको थियो ।
सरकारले यसअघि संघीय मामिला तथा सामान्य प्रशासन मन्त्रालयमार्फत स्टार्टअप उद्यम कर्जा कार्यक्रमअन्तर्गत परियोजना प्रस्तावको स्थलगत निरीक्षण गरिदिन भन्दै पालिकालाई पत्र पठाएको थियो । भौतिक अवस्था जाँचपछि प्रतिष्ठानले प्रारम्भिक सूची सार्वजनिक गरेको हो ।
https://drive.google.com/file/d/17x_JX2y61wA6WDknRvuZnSY3P-ndkz6h/preview
