पश्चिम नवलपरासी । पश्चिम नवलपरासी सुस्ता गाँऊपालीका वडा नं. ५ का वडाअध्यक्ष लगायत ४ जना पक्राऊ परेका छन । पक्राऊ पर्नेमा सुस्ता गाँऊपालिका वडा नं. ५ का वडा अध्यक्ष प्रभुनाथ अहिर, वडासचिव सञ्जय कुमार चौधरी, सुस्ता ५ का तारिक मिया अन्सारी र सुस्ताका छोटे खाँ रहेका छन् ।
जिल्ला प्रहरी कार्यालय नवलपरासीका सुचना अधिकारी विरदत्त पन्तका अनुसार निजहरुले झुटो विवरण पेश गरि जिँऊदो मानिसको मृत्युदर्ता बनाएको आरोपमा पक्राऊ गरिएको हो ।
निजहरुलाई राष्ट्रिय परिचय पत्र तथा पञ्जिकरण ऐन, २०७६ को परिच्छेद ६ को ४१ (ग) र (च) बमोजिम झुट्टा बिबरण पेश गरी मृत्यूदर्ता प्रमाण पत्र बनाएको कसुरमा अनुसन्धानको लागि पक्राऊ गरिएको पन्तले जानकारी दिए ।
उनीहरलाई ईलाका प्रहरी कार्यालय बेलाटारीको थुनुवा कक्षमा राखिएको छ ।
