काठमाडौं – माइतीघर मण्डलामा सोमबार दिउँसो दुई समूहबीच तनावपूर्ण झडप भएको छ। एमाले नेता महेश बस्नेतकी पत्नी अम्बिका बस्नेत र अभियन्ता शोभा पाठकबीच विवाद चर्किँदा घम्साघम्सीको अवस्था सिर्जना भएको हो।
दिउँसो करिब १२ बजेतिर शोभा पाठक, रस्मिला धामी लगायतका युवतीहरू सुधन गुरुङको पुनर्वहालीको माग गर्दै धर्नामा बसिरहेका थिए। सोही क्रममा अम्बिका बस्नेत आफ्ना समर्थकसहित त्यहाँ पुगेपछि दुई पक्षबीच भनाभन सुरु भई झडपमा परिणत भएको प्रत्यक्षदर्शीले बताएका छन्।
स्थिति नियन्त्रणमा लिन पुगेको प्रहरीले दुवै पक्षलाई छुट्याउँदै अम्बिका बस्नेतसहित केही महिलालाई नियन्त्रणमा लिएको छ। घटनाबारे थप विवरण आउन बाँकी रहेको प्रहरीले जनाएको छ।
यसअघि शोभा पाठकले महेश बस्नेतमाथि कारबाहीको माग गर्दै अनशन बसेकी थिइन्। उनलाई तत्कालीन गृहमन्त्री सुधन गुरुङले भेटेपछि उनले अनशन तोडेकी थिइन्। अहिले भने उनी गुरुङको पुनर्वहालीको माग गर्दै पुनः आन्दोलनमा सक्रिय छिन्।
