राप्ती । चितवनको राप्ती नगरपालिकालाई सोमबार एक औपचारिक कार्यक्रमको आयोजना गरी सहयोगापेक्षी सडक मानब मुक्त नगर घोषणा गरिएको छ । जिल्ला समन्वय समितिका प्रमुख नारायण प्रसाद अधिकारीले सो नगरलाई सडक मानब मुक्त नगर घोषणा गरेका हुन् । मानबसेवा आश्रम भरतपुरसंगको सहकार्यमा आयोजित कार्यक्रममा जिल्ला समन्वय समितिका प्रमुख अधिकारीले मेयर शमशेर लामालाई राप्ती नगर सडक मानबमुक्त भएको प्रमाणपत्र हस्तान्तरण गरेका थिए । कार्यक्रममा मेयर लामा र मानसेवा आश्रमकी केन्द्रीय महासचिव शुशीला केसीले प्रतिबद्धतापत्रमा हस्ताक्षर गरेका थिए । कार्यक्रममा मानबसेवा आश्रम केन्द्रीय महासचिव केसीले चितवन जिल्लाबाट सडकमा आश्रित एक हजार १८९ जना मानिसलाई उद्दार गरिएको र ५७६ जनालाई पारिवारीक पुनर्मिलन गराइएको जानकारी दिइन् । मानब सेवा आश्रमले अहिले सम्म देशभरबाट १३ हजार १३० जना सडकमा आश्रित मानिसको उद्दार गरेको भन्दै उनले उद्दार गरिएका मध्ये ५ हजार ५३२ जनालाई पारिवारीक पुनर्मिलन तथा एक हजार ८४ जनालाई सामुदायिक पुनस्थापना गरिएको गरिएको जानकारी दिइन् । यस अघि भरतपुर महानगर, माडी र इच्छाकामना गाउँपालिकालाई सडम मानबमुक्त घोषणा गरिएको जानकारी दिइन् । कार्यक्रमका प्रमुख अतिथि जिल्ला समन्वय समितिका प्रमुख अधिकारीले मानब सेवा आश्रमले तीनै तहको सरकारसंग सहकार्य गरेर सञ्चालन गरेको अभियानले सार्थकता पाउने चरणमा रहेको बताए । मेयर लामाले सडकमा आश्रित चार जना मान्छेको उद्दार गरी मानब सेवा आश्रममा पु¥याउन सके धर्म गर्न चारधाम जानै नपर्ने मेयर बताए । कार्यक्रममा प्रमुख प्रशासकीय अधिकृत प्रदिप पौडेल, वडाअध्यक्ष सीताराम बल लगायतले मन्तव्य राखेका थिए । महिला विकास निरीक्षक लक्ष्मी आचार्यले सञ्चालन गरेको उक्त कार्यक्रममा राजनीतिक दलका प्रतिनिधि, वडाध्यक्ष, वडा सदस्य, नगरपालिकाकाका कर्मचारीहरु लगायतको उपस्थिति रहेको थियो ।
"हामी सबैको एउटै आवाज"
