"हामी सबैको एउटै आवाज"

"हामी सबैको एउटै आवाज"

ट्रेन्डिङ

श्री राष्ट्रिय आधारभूत विद्यालय डिहिटार को ३८औँ वार्षिकोत्सव भव्य रूपमा सम्पन्न

Table of Content


श्री राष्ट्रिय आधारभूत विद्यालय डिहिटार ले आफ्नो स्थापना दिवसको अवसर पारेर शैक्षिक प्रदर्शनी मेला, अभिभावक दिवस तथा ३८औँ वार्षिकोत्सव कार्यक्रम सभ्य र भव्य रूपमा सम्पन्न गरेको छ।

एमजिएमएल (MGML) शिक्षण सिकाइ पद्धतिमा आधारित कक्षा सञ्चालन गर्दै आएको विद्यालयले श्री कालिका आधारभूत विद्यालय चात्राङ र श्री आधारभूत विद्यालय ग्लाउथोक सँगको संयुक्त सहकार्यमा शैक्षिक प्रदर्शनी मेला आयोजना गरेको हो। तीनै विद्यालयले पाठ्यक्रममा आधारित शैक्षिक सामग्री, परियोजना कार्य तथा सिर्जनात्मक सिकाइका नमुनाहरू आ–आफ्ना स्टलमार्फत प्रस्तुत गरेका थिए।

स्थानीय कृषि उपज तथा उत्पादनलाई प्रवर्द्धन गर्ने उद्देश्यले आमा समूह तथा महिला समूहले पनि स्टल सजाएका थिए। उनीहरूले कृषि उपज, हस्तकला सामग्री, स्थानीय रूपमा उत्पादित साबुन, सरफ, मह, जडीबुटी लगायतका सामग्री प्रदर्शनीमा राखेका थिए, जसले मेलालाई थप आकर्षक र जीवन्त बनाएको थियो।

कार्यक्रमअन्तर्गत विभिन्न विद्यालयमा गठित आमा समूहबीच स्वास्थ्य, सरसफाइ, पिउने पानी र पोषण विषयमा आधारित गीत प्रतियोगिता सञ्चालन गरिएको थियो। प्रतियोगितामा ग्लाउथोक महिला समूह प्रथम, बनौटी महिला समूह द्वितीय र चात्राङ महिला समूह तृतीय भएका थिए। विजेता समूहलाई वातावरण संरक्षण शिविर एक्का नेपाल ले क्रमशः पाँच हजार, तीन हजार र दुई हजार नगदसहित पुरस्कृत गरेको थियो।

सांस्कृतिक प्रस्तुतिअन्तर्गत श्री गणेश माध्यमिक विद्यालय यौरालीटार का छात्राहरूले राष्ट्रिय गीतमा मनमोहक नृत्य प्रस्तुत गरेका थिए भने आयोजक विद्यालयका बालबालिकाहरूले सामूहिक नृत्यमार्फत कार्यक्रमलाई थप रोचक बनाएका थिए।

कार्यक्रमको उद्घाटन एक्का नेपालका वरिष्ठ कार्यक्रम अधिकृत विपीन कुमार श्रेष्ठले गर्नुभएको थियो। श्री कालिका आधारभूत विद्यालय चात्राङ का प्रधानाध्यापक चन्द्रप्रसाद अधिकारीको सभापतित्वमा सम्पन्न कार्यक्रममा करिब १५० जना अभिभावक, समाजसेवी तथा शिक्षाप्रेमीहरूको उपस्थिति रहेको थियो। कार्यक्रमको सहजीकरण विद्यालयका प्रधानाध्यापक पुष्करकुमार पोखरेलले गर्नुभएको थियो।

विद्यालयले शैक्षिक गुणस्तर अभिवृद्धिसँगै समुदायसँगको सहकार्यलाई सुदृढ बनाउँदै आएको सन्देश यस कार्यक्रममार्फत दिएको छ।

admin

admin@hamroraptifm.com https://hamroraptifm.com

Leave a Reply

Your email address will not be published. Required fields are marked *

Recent News

Trending News

Editor's Picks

क्यानले भन्याे – एनपीएल फाइनलकाे टिकट केही मिनेटमै ‘साेल्ड आउट’

काठमाण्डाै – नेपाल क्रिकेट सङ्घ (क्यान) ले नेपाल प्रिमियर लिग (एनपीएल) काे फाइनल खेलकाे टिकट केही मिनेटमै साेल्ड आउट भएकाे जनाएकाे छ । क्यानका सचिव पारस खड्काले निकाल्नुभएकाे विज्ञप्तिअनुसार फाइनल खेलकाे टिकट बिक्री खुला गरिएकाे समयमा झन्डै २ लाख ई–सेवा प्रयाेगकर्ताले एकैसाथ टिकट खरिद गर्न खाेजेका थिए । तर क्रिकेट मैदानको क्षमताअनुसार टिकटको उपलब्धता सीमित...

जिल्ला ट्राफिक प्रहरी कार्यालय चितवनका अनुसार पृथ्वी राजमार्गमा भोलिदेखि दैनिक ५ घण्टा गाडी आवागमन बन्द

काठमाण्डाै – पृथ्वी राजमार्गको विभिन्न सडक खण्डमा मर्मत तथा निर्माण गर्न भोलि शनिवारदेखि दैनिक ५ घण्टा गाडीको आवागमन बन्द गरिने भएको छ । जिल्ला ट्राफिक प्रहरी कार्यालय चितवनका अनुसार घोप्टेभीरलगायत क्षेत्रमा सडक निर्माण गर्न बिहान ११ देखि दिउँसो ४ बजेसम्म अर्को सूचना नआएसम्मका लागि गाडीको आवागमन बन्द गरिने भएको हो । जिल्ला ट्राफिक प्रहरी कार्यालय...

पालिका चुनाव वैशाखमा, प्रदेशको मङ्सिरमा गर्ने आयोगको प्रस्ताव

काठमाण्डाै – निर्वाचन आयोगले पालिका चुनावको तयारीसँगै आवश्यक छलफललाई अगाडि बढाएको छ । आयोगले आज राष्ट्रिय मान्यता प्राप्त राजनीतिक दलका शीर्ष नेताहरूसँग प्रारम्भिक छलफल गरेको छ । निर्वाचन आयोगको कार्यालय कान्तिपथमा भएको छलफलमा आयोगले पालिका तहको चुनाव आउँदो वैशाखमा र प्रदेशको मङ्सिरमा गर्ने तालिका प्रस्ताव गरेको छ । आयोगको प्रस्तावित तालिकाबारे नेपाली कम्युनिस्ट पार्टी (नेकपा) का...

राप्तीमा नेपाल कम्युनिस्ट पार्टीको राष्ट्रिय जागरण अभियान शुभारम्भ

राप्ती, चितवन । नेपाल कम्युनिस्ट पार्टीको राष्ट्रिय जागरण अभियानअन्तर्गत राप्ती नगरपालिकामा अभियान शुभारम्भ कार्यक्रम सम्पन्न भएको छ। कार्यक्रम रामकुमार पण्डितको अध्यक्षतामा तथा घनश्याम दाहालको प्रमुख आतिथ्यतामा सम्पन्न भएको हो। कार्यक्रममा विशिष्ट अतिथिका रूपमा अशोक थापा, कञ्चन खनाल र संगीता भट्टराई सहभागी रहेका थिए। त्यस्तै अतिथिका रूपमा शमशेर लामा, बाबुराम पाठक, ईश्वर सापकोटा, भावना सुवेदी, डा....

विदेशी मुद्रा सञ्चिति ४१ खर्ब ६१ अर्ब रुपैयाँ पुग्याे

काठमाण्डाै – चालू आर्थिक वर्ष २०८३/८४ को तीन महिनामा नेपालकाे विदेशी मुद्रा सञ्चिति ६.८ प्रतिशतले बढेकाे छ । नेपाल राष्ट्र बैंकले सार्वजनिक गरेको ‘देशको वर्तमान आर्थिक तथा वित्तीय स्थिति’ अनुसार गएको असार मसान्तसम्म ३८ खर्ब ९७ अर्ब ६७ करोड बराबर रहेको विदेशी मुद्रा सञ्चिति बढेर ४१ खर्ब ६१ अर्ब १४ कराेड रुपैयाँ पुगेको छ ।...

अध्यक्ष : सुभद्रा आले मगर
सम्पादक : राजु थापा
कार्यकारी सम्पादक : पुर्ण बहादुर मगर
सह सम्पादक : अशोक बहादुर परियार
ले आउट : प्रबेश देसार
सवाददाता : अनिल अधिकारी

सम्पर्क

इमेल : infohamroraotifm@gmail.com

मोबाइल : 9762345745

ठेगाना : राप्ती ५ भण्डारा, चितवन , बागमति प्रदेश , नेपाल

कम्पनी विवरणहरू

कला पाठशाला कलेज प्रा.लि द्वारा संचालित पुर्बी चितवनको सर्बाधिक सुनिने हाम्रो राप्ती 88.5 एफ एमको अनलाइन सस्करण हो !

सन्चार रजिस्ट्रारको कार्यालय दर्ता न १४०/०७९/०८०