एमालेका नेता सुरेन्द्र पाण्डे दुई पटक विजयी र एकपटक पराजित भएको यो निर्वाचन क्षेत्रमा लामा उम्मेदवार बनेका हुन् ।
नेकपा एमालेले चितवन क्षेत्र नम्बर-१ मा दावा दोर्जे लामालाई उम्मेदवार बनाएको छ । २०१६ सालमा मकवानपुरको काँकडामा जन्मिएका लामा २०३४ सालमा नेकपा (मार्क्सवादी) मा आवद्ध भएका थिए ।
२०४३ सालमा जनपक्षीय प्रधानपञ्च बनेका लामा एमालेमा आवद्ध भएर २०५४ सालमा जिविस चितवनको सदस्य बने ।
Battleground Analysis
अनुकूलता
- पाँच दशक लामाे राजनीतिक अनुभव
- विपक्षीमा गठबन्धन नहुनु
- बलियो संगठन
प्रतिकूलता
- प्रतिनिधिसभा निर्वाचनमा पहिलो प्रयास
- पुराना दलप्रति जनअसन्तुष्टि
- बलिया प्रतिस्पर्धी
२०६९ मा एमाले निकटको लोकतान्त्रिक तामाङ संघको अध्यक्ष र २०७० मा सुकुमवासी समस्या समाधान आयोग, चितवनको अध्यक्ष भए ।
२०७४ मा चितवन–१ (१) बाट प्रदेश सभा सदस्य निर्वाचित लामा फागुनमा बागमती प्रदेशको भूमि व्यवस्था कृषि तथा सहकारी मन्त्री बने । मन्त्री भएका बेला चितवनको निर्वाचन क्षेत्र नं. १ मा पूर्वाधारको काम गरेका थिए ।
२०८० मा भदौमा एमाले बागमती प्रदेश कमिटी उपाध्यक्षमा निर्वाचित लामा पहिलोपटक प्रतिनिधिसभाको उम्मेदवार बनेका छन् । यसअघि एमालेका नेता सुरेन्द्र पाण्डे दुई पटक विजयी र एकपटक पराजित भएको यो निर्वाचन क्षेत्रमा लामा उम्मेदवार बनेका हुन् ।
२०७९ सालको निर्वाचनमा रास्वपाले जितेको यो क्षेत्रमा एमालेका उम्मेदवार दोस्रो स्थानमा आएका थिए ।
समानुपातिक तर्फको मतमा पनि एमाले दोस्रो स्थानमा थियो । राष्ट्रिय स्वतन्त्र पार्टी (रास्वपा) ले ३४ हजार ६९१, एमालेले २४ हजार ६, कांग्रेसले १६ हजार ६९५, राप्रपाले ५ हजार ८२, तत्कालीन नेकपा माओवादी केन्द्रले ४ हजार ९६५ र एकीकृत समाजवादीले ३ हजार ५१८ मत प्राप्त गरेको थियो ।
बलियो संगठन, विपक्षीमा गठबन्धन नहुनु र पाँच दशक कम्युनिस्ट राजनीतिमा लाग्नु लामाका अनुकुलता हुन् । त्यस्तै, पुराना दलप्रति जनलहर नहुनु र बलिया प्रतिस्पर्धी उनका चुनौती हुन् ।
