राप्ती । हाम्रो राप्ती एफएम र विशाल न्युजले समाजका विविध क्षेत्रमा उल्लेखनीय योगदान पु¥याएका व्यक्तिहरुलाई चौथो विशाल अवार्डमार्फत सम्मान गरेको छ ।
राइजिङ मोडल विधाबाट नितेश चौधरी, राइजिङ सिङ्गर विधाबाट उत्सव ढकाल, सोसियल आइकन अफ द इयरबाट अञ्जु कार्की, युवा उद्यमी अफ द इयरबाट प्रदीप शर्मा तथा युथ आइकन अफ द इयरबाट सुमिना चौधरीलाई अवार्ड प्रदान गरिएको हो ।
यस्तै, राप्ती रत्न अवार्ड राजेन्द्रप्रसाद सिलवाल र राप्ती हिरो अवार्ड बालकृष्ण थपलियालाई प्रदान गरिएको हाम्रो राप्ती एफएमकी प्रबन्ध निर्देशक सुष्मा आलेमगरले जानकारी दिइन् । उत्कृष्ट महिला जनप्रतिनिधि विधा ग्रेस तामाङ र महिला उद्यमी अफ द इयर सीता गुरूङलाई प्रदान गरिएको उनले बताइन् ।
अवार्ड वितरण समारोहमा भूमि समस्या समाधान आयोग चितवनका अध्यक्ष इमानसिंह लामा, राप्ती नगरपालिका वडा नं–३ का अध्यक्ष शिवकान्त वली, वडा नं–५ का अध्यक्ष सीताराम बललगायत विभिन्न तहमा रहेका जनप्रतिनिधिसँगै अधिकारकर्मी एवम् शैक्षिक व्यक्तिहरुको उपस्थिति थियो ।
राप्ती नगरपालिका र हेटौँडा उपमहानगरपालिकाको प्रवद्र्धनमा भएको कार्यक्रमले आगामी दिनको यात्रा अझ सहज बनेको आलेले बताइन् । ‘आगामी दिनमा पनि समाजमा सकारात्मक योगदान पु¥याउने व्यक्तित्वहरुलाई सम्मान गर्ने यसप्रकारको कार्यक्रमले निरन्तरता पाउने छ’, उनले भनिन्, ‘किनकि समाजमा योगदान पु¥याउने व्यक्तिहरुलाई प्रोत्साहन गर्नका लागि पनि यस्ता कार्यक्रमले विशेष भूमिका खेल्ने गर्दछ ।’
