तपेटिककाबारे विवाद सिर्जना भएसँगै प्रभावित भएको कांग्रेस १५ औँ महाधिवेशन अन्तर्गत पदाधिकारीहरुको मतगणना सुरु भएको छ ।
शनिबार ढिला गरी केन्द्रीय कार्यालय सानेपामा सुरु भएको मतगणना मतपेटिकाको विवादसँगै केही समय प्रभावित भएको थियो ।
मतगणना अगाडि बढाउने बित्तिकै सिल नगरिएको मतपेटिका भेटिएपछि विवाद सुरु भएको थियो । मधेस प्रदेशको सिल नगरेको बाकस भेटिएको थियो भने मुचुल्का नगरेको पाइएको थियो ।
यसबारे निर्वाचन समितिले शुक्रबार भारी वर्षाका कारण हतारमा मतपेटिका सार्दा केही समस्या भएको हुनसक्ने जवाफ दिएपछि कुरा मिलेको समावेशीतर्फ उपसभापतिका उम्मेदवार रञ्जित कर्णले रातोपाटीलाई बताए ।
आज पहिलो चरणमा उपसभापति र महामन्त्रीको मतगणना गरिँदैछ । सभापतिको मतगणना यसअघि नै सकिएको छ भने वरिष्ठ उपभसभापति निर्विरोध निर्वाचित भएका छन् ।
