चितवन, भदौ १८ गते । चितवनको राप्ती ८ स्थित खुरखुरेमा रहेको नन्दिनी पार्टी प्यालेसमा रक्तदान कार्यक्रम सम्पन्न भएको छ। लायन्स क्लब अफ चितवन वीरेन्द्रनगरको आयोजनामा भएको कार्यक्रममा १११ जनाले रक्तदान गरेका छन्।
कार्यक्रम लायन्स क्लब अफ चितवन वीरेन्द्रनगरका अध्यक्ष फडिन्द्र सापकोटाको अध्यक्षतामा भएको थियो। कार्यक्रममा लायन्सका डिस्ट्रिक्ट गभर्नर प्रभाकर पण्डित प्रमुख अतिथि रहेका थिए। कार्यक्रममा राजकुमार कडेलले स्वागत मन्तव्य व्यक्त गरेका थिए।
हालैको बाढीका कारण घाइते भएकाहरूलाई आवश्यक पर्ने रगतको व्यवस्थापनमा सहयोग पु¥याउने उद्देश्यले रक्तदान कार्यक्रम आयोजना गरिएको अध्यक्ष सापकोटाले बताए। उनले विपद्को समयमा बाढीपीडितको साहारा बन्ने उद्देश्यले लायन्स क्लबले विभिन्न सहयोगका कार्यक्रम सञ्चालन गरिरहेको बताए।
लायन्सका डिस्ट्रिक्ट गभर्नर प्रभाकर पण्डितका अनुसार लायन्सले बाढीपीडितका लागि हालसम्म ७ लाख रुपैयाँ जम्मा गरिसकेको छ। संकलित राहत सामग्री तथा सहयोग लिएर लायन्सको टोली भोलि नुवाकोट जाने तयारीमा रहेको उनले जानकारी दिए।
कार्यक्रम लायन्स क्लब अफ चितवन राप्तीकी सचिव सुमिता डल्लाकोटीले सञ्चालन गरेकी थिइन्।
