अमेरिकी राष्ट्रपति डोनाल्ड ट्रम्पले इरानलाई पूर्णरूपमा पराजित गरेपछि स्ट्रेट अफ हर्मुजलाई अमेरिकी भूभाग घोषणा गर्ने चेतावनी दिनुभएको छ ।
न्युयोर्कमा आयोजित एक कार्यक्रममा ट्रम्पले इरान अहिले नराम्रोसँग पराजित भइरहेको दाबी गर्दै युद्ध जितेपछि अमेरिकाले हर्मुजलाई आफ्नो भूभाग बनाउने बताउनुभएको बीबीसीले जनाएको छ ।
यस्तै ट्रम्पले इरानलाई परमाणु अस्त्र हासिल गर्नबाट रोक्ने शर्तमा अमेरिकी नागरिकलाई इन्धनको उच्च मूल्य स्वीकार गर्न अनुरोध गर्नुभएको छ ।
यसैबीच ट्रम्पको चेतावनीको जवाफमा इरानका उपविदेशमन्त्री अब्बास अराघचीले हर्मुज जलमार्ग खोल्ने वा बन्द गर्न अधिकार इरानसँगमात्रै रहेको बताउनुभएको खबरमा उल्लेख छ ।
यसअघि अमेरिकी राष्ट्रपछि ट्रम्पले हर्मुजमा अमेरिकाको पूर्ण नियन्त्रण रहेको दाबी गर्नुभएको थियो । यद्यपि इरानले यो दाबीलाई अस्वीकार गरेको छ ।
हर्मुज जलमार्ग विश्वका सबैभन्दा महत्त्वपूर्ण समुद्री मार्गहरूमध्ये एक हो । विश्वको झन्डै २० प्रतिशत तेल तथा ग्यास यही मार्ग भएर आपूर्ति हुन्छ ।
इरान–अमेरिका तनावका बीच हर्मुज जलमार्गमा हुने आवतजावत गम्भीर रूपमा अवरुद्ध भएको छ जसले ऊर्जा बजार र इन्धनको मूल्यमा वृद्धिको दबाव सिर्जना गरेको छ ।
