कांग्रेस केन्द्रीय समिति बैठक आज पुनः बस्दै, शुरूमै उपसभापति शर्माले जरुरी सम्बोधन गर्ने
नेपाली कांग्रेस केन्द्रीय कार्यसमितिको बैठक आज पनि बस्दै छ । बिहान साढे ११ बजे पार्टी केन्द्रीय कार्यालय सानेपामा बैठक बस्न लागेको हो ।
आजको बैठकको शुरूआतमै उपसभापति विश्वप्रकाश शर्माले जरुरी सम्बोधन गर्ने कार्यक्रम रहेको छ। बैठक मिडियाका लागि खुला गरिने कांग्रेसले जनाएको छ ।
बिहीबार बसेको बैठकमा १८ जना केन्द्रीय सदस्यले आफ्नो धारणा राखेका थिए । हिजोको बैठकले निवर्तमान सभापति एवं पूर्वप्रधानमन्त्री शेरबहादुर देउवा स्वदेश फर्किएकोमा स्वागत गर्दै स्वास्थ्यलाभको कामना गरिएको थियो ।
यस्तै, पत्रकार किशोर श्रेष्ठको गिरफ्तारीप्रति आपत्ति जनाउँदै कांग्रेसले प्रेस स्वतन्त्रताको सम्मान गर्न सरकारको ध्यानाकर्षण गराएको थियो।
