नयाँ दिल्ली — नीट प्रश्नपत्र चुहावट प्रकरणलाई लिएर देशव्यापी रूपमा फैलिएको आन्दोलन र चौतर्फी दबाबपछि केन्द्रीय मन्त्री धमेन्द्र प्रधानले शनिबार आफ्नो पदबाट राजीनामा दिएका छन्।
कक्रोच जनता पार्टी (सीजेपी), विभिन्न विद्यार्थी संगठन र विपक्षी दलहरूको लगातारको विरोध प्रदर्शनपछि उनको राजीनामा आएको हो। आन्दोलनरत पक्षले मन्त्री प्रधानलाई केन्द्रीय मन्त्रिपरिषद्बाट हटाउनु पर्ने मुख्य माग राख्दै आएका थिए।
यसैबीच, कक्रोच जनता पार्टी (सीजेपी) र केन्द्र सरकारबीच दोस्रो चरणको वार्ता सम्पन्न भएको छ। प्रदर्शनकारीहरूका केही प्रमुख मागहरूप्रति केन्द्र सरकारले लिखित प्रतिबद्धता जनाएको बताइएको छ।
केन्द्रीय मन्त्री जेपी नड्डाले सरकारभित्र आन्दोलनरत पक्षका मागहरूको बारेमा आन्तरिक छलफल भएपछि आइतबार दिउँसो सीजेपीसँग तेस्रो चरणको वार्ता हुने जानकारी दिएका छन्।
सीजेपीका संस्थापक अभिजित् दिपकेले प्रधानको राजीनामालाई ठूलो जितको रूपमा व्याख्या गरेका छन् । प्रधानको राजीनामाको खबरसँगै जन्तरमन्तरमा प्रदर्शनकारीहरूले खुसीयाली मनाउन थालेका छन्।
उनीहरूले ‘कक्रोच जितेको छ, लोकतन्त्रले जितेको छ’ भन्दै नाराबाजी गरेका छन् दिपकेले यो परिणामले देश संविधानद्वारा चल्छ भन्ने कुरा प्रमाणित गरेको बताएका छन् । उनले थपे,’ “यो त केवल सुरुवात मात्र हो।’
