काठमाडौँ । नेपाली राष्ट्रिय क्रिकेट टोलीका ओपनिङ ब्याटर कुशल भुर्तेलले एसियन गेम्स छनोटअन्तर्गत चीनविरुद्धको खेलमा एकै ओभरमा ६ छक्का प्रहार गर्दै ऐतिहासिक कीर्तिमान कायम गरेका छन्।
भुर्तेलले इनिङ्सको नवौँ ओभरमा लगातार ६ बलमा ६ छक्का प्रहार गर्दै नेपालका लागि यस्तो उपलब्धि हासिल गर्ने दोस्रो खेलाडी बनेका छन्। यसका साथै उनी विश्व क्रिकेटमा एकै ओभरमा ६ छक्का प्रहार गर्ने छैटौँ खेलाडीका रूपमा समेत दर्ज भएका छन्।
यसअघि नेपालका अलराउन्डर दिपेन्द्र सिंह ऐरीले सन् २०२३ मा एसीसी प्रिमियर कपअन्तर्गत कतारविरुद्धको खेलमा २०औँ ओभरमा ६ छक्का प्रहार गर्दै यो कीर्तिमान बनाएका थिए।
मैदानमा आक्रामक ब्याटिङ गरिरहेका भुर्तेलले यो समाचार तयार पार्दासम्म ४२ बलमा १२९ रन बनाएर अविजित खेलिरहेका छन्। उनलाई अर्का ब्याट्सम्यान कुशल मल्लले साथ दिइरहेका छन्, जसले २७ बलमा ४२ रन बनाएर खेलिरहेका छन्।
