"हामी सबैको एउटै आवाज"

"हामी सबैको एउटै आवाज"

ट्रेन्डिङ

सर्वोच्च अदालतकी वरिष्ठतम् न्यायाधीश सपना प्रधान मल्ल केही दिनयता विक्षिप्तजस्तै देखिए

Table of Content

सर्वोच्च अदालतकी वरिष्ठतम् न्यायाधीश सपना प्रधान मल्ल केही दिनयता विक्षिप्तजस्तै देखिएकी छन् ।

उनले आफ्नो प्रत्यक्ष सरोकार जोडिएको विषयमा सर्वोच्च प्रशासनलाई आदेश दिइन् । मनोजकुमार शर्मालाई प्रधानन्यायाधीशमा नियुक्तिको प्रक्रिया रोक्नुपर्ने माग गरिएको निवेदन दर्ता गर्न उनले दिएको आदेश सर्वोच्च प्रशासनले नै कार्यान्वयनयोग्य ठानेन । कुनै पनि कर्मचारीले उनको आदेश नटेरेपछि त्यो कागजको खोस्टोमा परिणत भयो । 

यसअघि उनले कानुन दिवसका दिन प्रधानन्यायाधीश नियुक्ति प्रक्रियामा असन्तुष्टि जनाउँदै सार्वजनिक रुपमै आक्रोश पोखिसकेकी थिइन् । उनले त्यस दिन न्यायाधीशहरुलाई विद्रोह गर्न आह्वान गरेकी थिइन् । तर उनको आह्वान कसैले सुनेन । उनको त्यो आक्रोश पनि अरण्यरोदनमा परिणत भयो । 

उनको योजना थियो कि संवैधानिक परिषद्ले अघि बढाएको नियुक्ति प्रक्रिया सर्वोच्च अदालतबाटै आदेश गरेर रोक्ने । अनि आफ्ना लागि अनुकूल वातावरण नबनेसम्म उक्त आदेश कायम राख्ने । उस्तै परे वरिष्ठताका आधारमा मात्र प्रधानन्यायाधीश नियुक्त गर्न भनेर परमादेश जारी गर्ने । यो योजनामा विफल भएपछि उनी विक्षिप्त भएकी हुन् । 

त्यसो त शर्मालाई संवैधानिक परिषद्ले सिफारिस गरेकै भोलिपल्ट उनले सर्वोच्च अदालतमा भनाभन गरेकी थिइन् । मानौँ कि यो सम्पूर्ण प्रक्रियाको दोषी शर्मा हुन् ।

उनले यति पनि हेक्का राखिनन् कि शर्मा वा अरु जोकोही न्यायाधीश भए पनि आफूले चाहेर मात्र प्रधानन्यायाधीश हुन सक्ने अवस्था थिएन । दुई तिहाइको चुनावी जनमत र गत भदौमा भएको युवा आन्दोलनको शक्तिसहित सत्तामा आएका बालेन्द्र शाहको चाहना र योजनामा यो सबै भएको हो । शर्माको ठाउँमा अर्को कोही गैरराजनीतिक र निर्विवाद न्यायाधीश हुन्थे भने पनि उनले प्रधानन्यायाधीशको अवसर पाउँथे । मल्लसँगै कुमार रेग्मी र हरि फुयालको ठाउँमा अरु कोही पार्टी कोटाका न्यायाधीश हुन्थे भने पनि उनी छुटाइन्थ्यो । यो यथार्थ मनन नगरेसम्म विक्षिप्तता थप बढ्दै जानेछ । 

मल्लले आफूलाई सर्वोच्चमा बस्न हुने गरी कुनै ठाउँ राखेकी छैनन् । हुनेवाला प्रधानन्यायाधीशसँग मुखमुखै लागिन् । शर्मालाई रोक्न अनेकन तिकडम गरिन् । राष्ट्रिय-अन्तर्राष्ट्रिय शक्ति गुहारिन् । आफैले प्रशासनिक पर्चा उठाएर न्यायिक प्रकृतिको आदेश जारी जारी गरिन् । ती कुनै पनि हतकण्डा काम नलागेपछि २० दिनको बिदा लेखेर भागिन् । आफ्नो बिदा आफैँ स्वीकृत गरेर हिँडेकी उनी संवैधानिक प्रक्रिया पूरा गरेर आएका नयाँ प्रधानन्यायाधीशको स्वागतमा पनि उपस्थित भइनन् । 
उनले यसरी आफ्नै क्रियाकलापबाट पनि प्रधानन्यायाधीशका लागि मात्र होइन, अब न्यायाधीशकै रुपमा रहन समेत अयोग्य रहेको प्रमाणित गरिसकेकी छन् । आफ्ना हकमा पार्टीले सिफारिस गर्दा पनि ठिक । अरुलाई रोकेर आफू अघिल्लो रोलक्रममा बस्दा ठिक ।

आफूले अन्तरिम आदेश दिएका पक्षका तर्फबाट छोरा वकिल बस्दा पनि ठिक । एउटा न्यायाधीशले कायम गर्नुपर्ने आत्मपरिसीमनका सबै सीमा उनले उल्लंघन गर्दै हिँड्दा पनि ठिक । पूर्वप्रधानन्यायाधीशहरुको सिन्डिकेट परिचालन गर्दा पनि ठिक । अनि आफू नहुनेबित्तिकै सबैथोक कसरी बेठिक भयो ? सपना प्रधान मल्ल र मनोजकुमार शर्माको तुलनात्मक अध्ययन गर्ने हो भने शर्मा के कुराले पछि र मल्ल के कुराले अघि हुन सक्छन् ? 

हदैसम्मको गैरव्यावसायिक आचरण प्रदर्शन गरिसकेपछि अब राजीनामा नदिएर बिदा मात्र लेखेर घर बस्ने, मौका पर्खेर बस्ने अनि न्यायालयमा संस्थापनविरुद्ध गुटबन्दी गर्ने ताक उनले हेरेको हुन सक्छ । त्यस्तो भयो भने दुई तिहाईको संसदले पनि उचित कदम चाल्न सक्नेछ ।

तसर्थ उनले केवल ठाउँ ओगट्ने, काम नगर्ने र न्यायमा बाधा अवरोध सिर्जना गर्नेतिर नलागी राजीनामा दिएर मार्गप्रशस्त गर्नु उचित हुन्छ । मुलुकको न्यायालय कुनै एक जनालाई प्रधानन्यायाधीश बनाएको वा नबनाएको कारण बन्धक बन्नु हुँदैन । अब काम नगर्ने हो भने सपनाले सिट खाली गरिदिनुपर्छ । त्यो सिटमा नयाँ काबिल र खट्न सक्ने न्यायाधीश आएर जनताका मुद्दा छिन्नेछन् ।

admin

admin@hamroraptifm.com https://hamroraptifm.com

Leave a Reply

Your email address will not be published. Required fields are marked *

Recent News

Trending News

Editor's Picks

नारायणी महोत्सवमा भोलि ७ गते कुमा सागर एण्ड द ख्वपाको कन्सर्ट हुने

चितवन । चितवनको नारायणगढस्थित नारायणी नदी किनारमा जारी दोस्रो नारायणी महोत्सव २०८३ मा भोलि मंसिर ७ गते चर्चित नेपाली सांगीतिक समूह कुमा सागर एण्ड द ख्वपाको विशेष लाइभ कन्सर्ट आयोजना हुने भएको छ । साँझ ५ बजेपछि ९ बजेसम्म उक्त कन्सर्ट हुने । महोत्सवमा दिनदिनै नारायणी कला मन्दिर नारायणगढको विभिन्न प्रस्तुति तथा आदिवासी जनजातीको साँस्कृतिक...

चितवनका सीडीओको स्टन्ट फ्लपः दुई महिनादेखि ‘राइनो क्रुज’ नारायणीमा बेवारिसे

चितवनः चितवन र नवलपुर जोड्ने नारायणी नदीको पुलमा अड्किएको नेपालकै पहिलो लक्जरी ‘राइनो क्रुज’ बेवारिस बनेको छ। नेपालको जलपर्यटन क्षेत्रमा नयाँ इतिहास रच्ने दाबीका साथ सञ्चालनमा ल्याइएको क्रुज नदीको गैँडाकोटतर्फ दुई महिनादेखि भग्न र खिया लागेको अवस्थामा लडिराखेको छ। गत असोज ११ मा नारायणी नदीमा आएको बाढीले गैँडाकोट स्टेसनबाट ६० टनको क्रुज बगाएको थियो। बाढीको...

पिठुवा सिंचाईको ३२ औं साधारणसभा: नहर संरक्षणमा उपभोक्ता आफैँ सचेत हुनुपर्छ : उपप्रमुख पाठक

रत्ननगर। रत्ननगर–१६ स्थित पिठुवा सिँचाइ जल उपभोक्ता संस्थाको ३२औँ साधारण सभा शनिवार सम्पन्न भएको छ। सभामा रत्ननगर नगरपालिकाका उपप्रमुख यादवप्रसाद पाठकले सिँचाइ नहरको संरक्षणका लागि उपभोक्ता आफैँ सचेत र जिम्मेवार बन्नुपर्ने बताउनुभएको छ। उपप्रमुख पाठकले सिंचाई नगरको छेउछाउबाट ढुंगा, गिट्टी निकाल्न सिफारिस दिने पनि पिठुवाबासी नै हुने र उत्खनन गरेर बिक्री गरी आम्दानी गर्ने पनि...

पाँच एमओयू तथा सम्झौतापत्र टुंगियो, चारवटामा छलफल जारी

काठमाडौं । प्रधानमन्त्री वालेन्द्र शाह (बालेन)को भ्रमणमा नेपाल र भारतबीच हस्ताक्षर हुने पाँचवटा समझदारी (एमओयू) तथा सम्झौतापत्रको टुंगो लागेको छ । “प्रधानमन्त्रज्यूको भारत भ्रमणमा दुई देशबीच पूर्वाधार, शिक्षा, खेलकुद, स्वास्थ्य लगायतका क्षेत्रमा पाँचवटा एमओयू तथा सम्झौतापत्रमा हस्ताक्षर हुने तय भएको छ,” परराष्ट्र मन्त्रालय स्रोतले भन्यो, “अझै थप चारवटा एमओयू तथा सम्झौतापत्रमा छलफल चलिरहेको छ ।...

चिसो बढेसँगै सगरमाथा क्षेत्रबाट बाहिरिने पर्यटकको सङ्ख्या बढ्दो

काठमाण्डौ – चिसो बढ्दै गएसँगै हवाई मार्गबाट सगरमाथा क्षेत्र छोड्ने पर्यटकको सङ्ख्या पनि बढेको छ । जिल्ला प्रहरी कार्यालय सोलुखुम्बुको साप्ताहिक तथ्याङ्कअनुसार पछिल्लो अवधिमा खुम्बु क्षेत्रमा प्रवेश गर्नेभन्दा बाहिरिने पर्यटकको सङ्ख्या दोब्बरभन्दा धेरै देखिन्छ । तथ्याङ्कअनुसार पछिल्लो एक हप्ताको अवधिमा हवाई मार्गमार्फत सगरमाथा क्षेत्र (खुम्बु)बाट १ हजार १८० पर्यटक बाहिरिएका छन् भने ५२९ पर्यटक प्रवेश...

अध्यक्ष : सुभद्रा आले मगर
सम्पादक : राजु थापा
कार्यकारी सम्पादक : पुर्ण बहादुर मगर
सह सम्पादक : अशोक बहादुर परियार
ले आउट : प्रबेश देसार
सवाददाता : अनिल अधिकारी

सम्पर्क

इमेल : infohamroraotifm@gmail.com

मोबाइल : 9762345745

ठेगाना : राप्ती ५ भण्डारा, चितवन , बागमति प्रदेश , नेपाल

कम्पनी विवरणहरू

कला पाठशाला कलेज प्रा.लि द्वारा संचालित पुर्बी चितवनको सर्बाधिक सुनिने हाम्रो राप्ती 88.5 एफ एमको अनलाइन सस्करण हो !

सन्चार रजिस्ट्रारको कार्यालय दर्ता न १४०/०७९/०८०