काठमाडौँ । नेपालको सर्वाधिक विश्वासिलो ब्रान्ड सिजीले यस वर्षको प्रचण्ड गर्मीलाई लक्षित गरी आफ्नो डेजर्ट कुलर श्रेणीमा अहिलेसम्मकै अत्याधुनिक र शक्तिशाली रेन्ज रोस्टलाइन बजारमा ल्याएको छ । कम्पनीको नयाँ वार्षिक अभियानअन्तर्गत सार्वजनिक गरिएको यो नयाँ सिरिजले नेपाली उपभोक्तालाई गर्मीको कष्टबाट राहत दिँदै एक आरामदायी र शीतल जीवनको अनुभव गराउने लक्ष्य राखेको छ ।
सीजीले यस वर्ष ग्राहकको अत्यधिक माग र आधुनिक घरहरुको आवश्यकतालाई ध्यानमा राख्दै आफ्नो डेजर्ट कुलर पोर्टफोलियोमा बिल्कुलै नयाँ रेन्ज थप गरेको छ । यसका प्रमुख विशेषतामा विशाल ट्याङ्की, कम बिजुली खपत, सानोदेखि ठूलो कोठा कभर गर्ने क्षमता, डबल बल बेरिङ मोटर, आइस च्याम्बर, एड्भान्स हनिकम्ब प्याड र शक्तिशाली एयर थ्रो रहेका छन् ।
नेपाली बजारमा ४० वर्षभन्दा बढी समयदेखि विश्वसनीय तथा गुणस्तरीय उत्पादनहरु उपलब्ध गराउँदै आएको सिजी इलेक्ट्रोनिक्सले देशभर रहेका २१ वटा आधुनिक शोरुमहरु र ४० वटा सेवा केन्द्रहरुमार्फत बिक्रीपछिको उत्कृष्ट सेवा सुनिश्चित गर्दै आएको छ ।
