चितवन–१ मा राष्ट्रिय प्रजातन्त्र पार्टी (राप्रपा) ले बलराम शर्मा खनाललाई उम्मेदवार बनाएको छ । २०२५ सालमा गोरखाको दुर्वुङमा जन्मिएका खनाल रत्ननगर नगरपालिका वडानम्बर १४ का स्थायी बासिन्दा हुन् ।
२०५३ सालमा राप्रपाको भातृ संगठन राष्ट्रिय प्रजातान्त्रिक विद्यार्थी संगठनको संस्थापक केन्द्रीय सदस्य बनेका थिए । राप्रपाको क्षेत्रीय अध्यक्ष भएर काम गरेका उनी विभिन्न सामाजिक संघसंस्थामा पनि आवद्ध छन् ।
पूर्वी चितवनमा राप्रपाको संगठनलाई बलियो बनाउन उनले भूमिका खेल्दै आएका छन् । २०७० र २०७४ सालमा भएको संविधानसभा निर्वाचनमा निकै कमजोर बनेको राप्रपालाई उनले बलियो बनाउने प्रयास गरेका छन् ।
चितवन–१ मा २०७९ को निर्वाचनमा राप्रपाले समानुपातिक तर्फ ५ हजार ८२ र प्रत्यक्षतर्फका उम्मेदवारले २ हजार ७५१ मत पाएका थिए ।
Battleground Analysis
अनुकूलता
- लामो सांगठनिक निष्ठा
- स्थानीय प्रभाव र ‘पकेट भोट’
- सामाजिक आबद्धता
प्रतिकूलता
- ‘हेभीवेट’ प्रतिस्पर्धीहरू
- समानुपातिक र प्रत्यक्ष मतको खाडल
- राष्ट्रिय शक्तिको दबाब
२०७९ मा चितवन–१ (२) बाट प्रदेश सभा सदस्य उम्मेदवार बनेर ९ हजार ४३९ मत ल्याएर तेस्रो भएका थिए । खनालको प्रभाव रत्ननगर क्षेत्रमा बलियो छ । प्रदेश सभाको उम्मेदवार बन्दा पाएको भन्दा बढी मत ल्याउने उनको दाबी छ ।
