"हामी सबैको एउटै आवाज"

"हामी सबैको एउटै आवाज"

ट्रेन्डिङ

राप्ती नगरपालिका वडा नं. ८ मा पीडित सेवा संघको सामाजिक परीक्षण सम्पन्न, संस्थागत पारदर्शिता र समुदायप्रतिको प्रतिबद्धता उजागर

Table of Content

चितवन – बुधवार, राप्ती नगरपालिका वडा नं. ८ मा सहभागीमूलक अध्ययन, सामाजिक रूपान्तरण तथा जैविक विविधता संरक्षणका क्षेत्रमा क्रियाशील पीडित सेवा संघले यस आर्थिक वर्षमा सञ्चालन गरेका योजना तथा कार्यक्रमहरूको सामाजिक परीक्षण सम्पन्न गरेको छ। कार्यक्रममा सरोकारवालाहरू, स्थानीय प्रतिनिधि, सुरक्षा निकाय, लाभान्वित समूह र समुदायका सदस्यहरूको उल्लेखनीय सहभागिता रहेको थियो। कार्यक्रमको सहजिकरण पुर्ण बहादुर मगरले गर्नुभएको थियो।

सामाजिक परीक्षण मार्फत संघले आफ्नो संस्थागत पारदर्शिता, जवाफदेहिता र सुशासनप्रतिको प्रतिबद्धता स्पष्ट पारेको छ। चालु आर्थिक वर्षको बजेट व्यवस्थापनमा सुधार, स्रोतसाधनको प्रभावकारी उपयोग, दातृ निकायसँग पारदर्शी प्रस्तुति, कार्यक्रम तथा परियोजनाले लक्षित समूहमा पारेको प्रभावको मूल्याङ्कन, खर्च विवरण सार्वजनिक गर्ने लगायतका विषय उजागर भएका छन्। सामाजिक परीक्षणले समुदायसँगको संवाद, सहभागिता र लाभान्वित वर्गसँगको दोहोरो संचारमा वृद्धि भएको देखाएको छ। साथै, कार्यक्रम सञ्चालनका क्रममा आएका चुनौती, उपलब्धि र सिकाइहरू सार्वजनिक गरी भविष्यका योजना कार्यान्वयनमा पृष्ठपोषण लिने अभ्यास पनि स्थापित गरिएको छ।

यस अवसरमा वडा नं. ८ का अध्यक्ष पुर्ण प्रसाद आचार्यले संघको योगदानको प्रशंसा गर्दै भन्नुभयो, “अभिभावकविहीन, अपराध वा अन्य कारणले प्रभावित बालबालिका, महिला र ज्येष्ठ नागरिकलाई केवल आर्थिक सहयोग पर्याप्त हुँदैन, आत्मबल, विश्वास र न्यायको अनुभूति दिलाउनु आवश्यक छ। पीडित सेवा संघले यही काम गरिरहेको छ।” उहाँले आगामी दिनमा संघसँग सहकार्य गर्दै सचेतनामूलक कार्यक्रम, समुदाय सहभागिता, स्रोत व्यवस्थापन र दीर्घकालीन सामाजिक न्याय सुनिश्चित गर्ने प्रतिवद्धता व्यक्त गर्नुभयो।

महिला, बालबालिका तथा ज्येष्ठ नागरिक शाखाकी लक्ष्मी आचार्यले संघले कमजोर वर्गको संरक्षण र सशक्तीकरणमा खेलेको भूमिका महत्वपूर्ण रहेको बताउनुभयो। उहाँले पीडितलाई कानुनी सहायता, मनोसामाजिक परामर्श र पुनःस्थापना कार्यक्रममार्फत आत्मनिर्भर बनाउन संघले गरेको योगदानको प्रशंसा गर्नुभयो।

इलाका प्रहरी कार्यालय भण्डाराका प्रमुख रुपेश बिष्टले भने, “सुरक्षा र न्याय केवल प्रहरीको जिम्मेवारी नभई समुदाय र संस्थाको सहकार्य बिना पूर्ण हुँदैन। पीडित सेवा संघले यही पुलको काम गर्दै आएको छ।”

वीरेन्द्र आदर्श विद्यालयका प्रधानाध्यापक सोमनाथ तिवारीले संघसँगको सहकार्यले अभिभावकविहीन बालबालिकाको शिक्षा, मनोबल र भविष्य सुरक्षित राख्न महत्वपूर्ण भूमिका खेलेको बताउनुभयो।

संस्थापक निर्देशक दिनानाथ न्यौपानेका अनुसार संघले विगत वर्षहरूमा सञ्चालन गरेका परियोजना र कार्यक्रमहरूले समुदायमा सकारात्मक प्रभाव पारेको छ। उहाँले भन्नुभयो, “सहभागितामूलक अभ्यास, सामाजिक परीक्षण र नियमित मूल्याङ्कनमार्फत संघले पारदर्शिता, जवाफदेहिता र प्रभावकारिता सुनिश्चित गर्दै आएको छ। आगामी दिनमा पनि समुदायसँगको सहकार्य र सामाजिक न्यायमा योगदान निरन्तर जारी रहनेछ।”

सामाजिक परीक्षणले संघको संस्थागत पारदर्शिता, लाभान्वित वर्गप्रतिको जवाफदेहिता, समुदायसँगको विश्वास र सहभागितामूलक विकासमा महत्वपूर्ण योगदान देखाएको छ। सहभागी वक्ताहरूले यस्तो अभ्यासले दीर्घकालीन सामाजिक रूपान्तरण, मानवअधिकार संरक्षण र स्थानीय स्तरमा सुशासन प्रवर्द्धनमा ठूलो भूमिका खेल्ने बताएका छन्।

admin

admin@hamroraptifm.com https://hamroraptifm.com

Leave a Reply

Your email address will not be published. Required fields are marked *

Recent News

Trending News

Editor's Picks

जनकपुर–अयोध्या सीधा रेल सेवाकाे तालिका सार्वजनिक

काठमाण्डाै – नेपालको जनकपुरधाम र भारतको उत्तर प्रदेशमा रहेको अयोध्या सीधा रेल सेवामार्फत जोडिने भएका छन् । भारतीय रेल्वे मन्त्रालयले नयाँ रेल सेवा सञ्चालन गर्ने घोषणा गर्दै तालिका सार्वजनिक गरेको हो । मन्त्रालयका अनुसार जनकपुरधामबाट हरेक शनिवार र अयोध्या क्यान्टबाट हरेक सोमवार रेल छुट्ने गरी सेवा सञ्चालन हुनेछ । झन्डै ६०४ किलोमिटर लामो रेलमार्गले जनकपुरधामलाई अयोध्याको...

स्थायी लेखा नम्बर लिनेको संख्या ८१ लाख नाघ्यो

काठमाण्डौ – असोज मसान्तसम्म व्यवसायिक, व्यक्तिगत तथा करकट्टी गर्ने निकायले लिएका स्थायी लेखा नम्बर (प्यान) सहित कुल करदाता संख्या ८१ लाख ९५ हजार ४१४ पुगेको छ । आन्तरिक राजस्व विभागको तथ्यांकअनुसार आर्थिक वर्ष २०८२–८३ को असार मसान्तसम्म विभिन्न प्रकारका स्थायी लेखा नम्बर लिनेको संख्या ७९ लाख १० हजार ८६४ थियो । चालु आर्थिक वर्षको असोज...

सुशासन र समृद्धि प्राप्तिमा छठी माता र सूर्य भगवनको कृपा बनिरहनेछ : राष्ट्रपति पौडेल

काठमाण्डौ – राष्ट्रपति रामचन्द्र पौडेलले छठ पर्वले समाजमा विद्यमान वर्गीय, जातीय, लैङ्गिकलगायत सबै प्रकारका विभेद, कुरीति र विसङ्गतिको अन्त्य गरी सम्पूर्ण नेपालीमा राष्ट्रिय एकता अभिवृद्धि गर्ने विश्वास व्यक्त गर्नुभएको छ । छठ पर्व २०८३ का अवसरमा शुभकामना सन्देश दिँदै राष्ट्रपति पौडेलले मौलिक संस्कृतिको संरक्षण तथा संवर्द्धन गर्न र आपसी सद्थप सुदृढ पार्न यस पर्वले प्रेरणा...

खगोलविज्ञान ओलम्पियाडमा नेपाललाई पहिलो रजतसहित चार पदक

काठमाण्डौ – रुसमा सम्पन्न ५औँ ओपन वल्र्ड एस्ट्रोनोमी ओलम्पियाडमा नेपाली विद्यार्थीले पहिलो पटक रजत पदक जित्न सफल भएका छन् । प्रतियोगितामा नेपालले एक रजत र तीन कांस्यसहित चार पदक जितेको हो । रुसको सिरियसमा हिजो सम्पन्न प्रतियोगितामा रिवाश राईले रजत पदक जितेका छन् । त्यस्तै, ओमराज पुरी, स्नेहा कोइराला र सुयश कोइरालाले कांस्य पदक हात...

बूढीगण्डकी जलविद्युत् आयोजनामा लगानी गर्न यूएईसँग नेपालको प्रस्ताव

काठमाण्डौ – नेपालले बूढीगण्डकी जलविद्युत् आयोजनामा लगानीका लागि संयुक्त अरब इमिरेट्स (यूएई)सँग प्रस्ताव गरेको छ । यूएईको भ्रमणमा रहनुभएका गृहमन्त्री सुधन गुरुङ र त्यहाँका वैदेशिक व्यापार मन्त्री डा. थानी बिन अहमद अल जेयोदीबीच आबुधावीमा हिजो भएको शिष्टाचार भेटमा नेपालले यस्तो प्रस्ताव गरेको हो । त्यस अवसरमा गृहमन्त्री गुरुङले कृषि तथा सेवा क्षेत्रको विकास तथा सुरक्षा...

अध्यक्ष : सुभद्रा आले मगर
सम्पादक : राजु थापा
कार्यकारी सम्पादक : पुर्ण बहादुर मगर
सह सम्पादक : अशोक बहादुर परियार
ले आउट : प्रबेश देसार
सवाददाता : अनिल अधिकारी

सम्पर्क

इमेल : infohamroraotifm@gmail.com

मोबाइल : 9762345745

ठेगाना : राप्ती ५ भण्डारा, चितवन , बागमति प्रदेश , नेपाल

कम्पनी विवरणहरू

कला पाठशाला कलेज प्रा.लि द्वारा संचालित पुर्बी चितवनको सर्बाधिक सुनिने हाम्रो राप्ती 88.5 एफ एमको अनलाइन सस्करण हो !

सन्चार रजिस्ट्रारको कार्यालय दर्ता न १४०/०७९/०८०