‘लालीबजार’ प्रतिबन्धको माग गर्दै माइतीघरमा प्रदर्शन
काठमाण्डाै – चलचित्र ‘लालीबजार’ विरुद्ध काठमाण्डाैकाे माइतीघर मण्डलमा प्रदर्शन भएको छ । आफ्नो समुदायको मानमर्दन र चरित्रहत्या हुने गरी चलचित्र निर्माण गरिएको भन्दै बादी समुदायका प्रतिनिधिहरूले आज प्रदर्शन गरेका हुन् ।
बादी समुदायको गर्विलो इतिहासलाई बङ्ग्याएर समाजमा नकारात्मक भ्रम फैलाउन खोजिएको आरोप लगाउँदै उनीहरूले ‘लालीबजार’ चलचित्रको निर्माण र प्रदर्शनमा तुरुन्त रोक लगाउन माग गरेका छन् ।
प्रदर्शनमा सहभागी अधिकारकर्मीहरूले बादी जातिको सम्मान कायम गर, लालीबजार चलचित्र बन्द गर लेखिएका ब्यानर र प्लेकार्डहरू प्रदर्शन गरेका छन् । चलचित्रमा प्रयोग गरिएका दृष्यहरूले समुदायको नैतिकतामाथि प्रहार गरेको उनीहरूको तर्क छ ।
