"हामी सबैको एउटै आवाज"

"हामी सबैको एउटै आवाज"

ट्रेन्डिङ

मलेसिया रोजगारी : स्वास्थ्य परीक्षणको सिन्डिकेटले नयाँ कामदार जाने प्रक्रिया अवरुद्ध

Table of Content

काठमाडौँ । मलेसियामा रोजगारीका लागि जाने श्रमिकको स्वास्थ्य परीक्षण असोज १५ देखि रोकिएको छ । स्वास्थ्य परीक्षण रोकिएपछि मलेसियाको भिसा जारी हुन नसकेको व्यवसायीले बताएका छन् ।

उनीहरुका अनुसार अहिले पनि निरन्तर रुपमा मलेसियामा श्रमिक गइरहेका छन्, तर मलेसियाको फरेन वर्कर सेन्ट्रलाइज्ड म्यानेजमेन्ट सिस्टममा नेपालका २५ म्यानपावर कम्पनीलाई प्रमुख र २५० कम्पनीलाई सहायकका रुपमा छनोट गरेको थियो । 

उक्त प्रणालीमा नेपालका २५ म्यानपावर कम्पनीलाई प्रमुख र २५० कम्पनीलाई सहायकका रुपमा छनोट गरेसँगै विवाद सिर्जना भएको छ ।

मलेसिया सरकारले लागु गरेको प्रणाली अनुसार श्रमिक पठाउन सरकारलाई पत्राचार गरेको छ, तर नेपाल सरकारले भने उक्त प्रणालीमा २५ कम्पनीले मात्रै श्रमिक पठाउने विषय मान्य नहुने भन्दै अस्वीकार गरेको छ ।
सरकारले २५ कम्पनीलाई स्वीकृति नदिएसँगै मलेसियामा रोजगारीका लागि जाने श्रमिकको स्वास्थ्य परीक्षण असोज १५ देखि रोकिएको छ ।

व्यवसायीहरुका अनुसार स्वास्थ्य परीक्षण रोकिए पनि नयाँको लागि रोकिएको, पुरानो सबै प्रक्रिया पूरा गरेका श्रमिकहरु निरन्तर मलेसिया गइरहेका छन् ।

नेपाल वैदेशिक रोजगार व्यवसायी संघका अध्यक्ष डिकबहादुर खत्रीले मलेसिया रोजगारी पूर्ण रूपमा नरोकिएको बताए । उनले बजारमा मलेसियाको रोजगारी बन्द भएको हल्ला चले पनि ती हल्लामात्र रहेको र कानुनी रूपमा मलेसियामा रोजगारीका लागि जान नरोकिएको जानकारी दिए ।

‘मलेसिया रोजगारी रोकियो भनेर बाहिर आएका कुराहरू हल्लामात्र हुन् । जसको प्रक्रिया पूरा भएको छ, ती श्रमिकहरू हिजो पनि उडिरहेका छन्, आज पनि उडिरहेका छन् र भोलि पनि उड्नेछन्,’ अध्यक्ष खत्रीले भने ।
तर, नयाँ जाने श्रमिकहरूको हकमा भने स्वास्थ्य परीक्षणमा देखिएको सिन्डिकेटका कारण प्रक्रिया अवरुद्ध भएको उनको भनाइ छ । खत्रीका अनुसार मलेसियाबाट कामदारको माग आइरहेको छ र श्रमिकहरू पनि गइरहेका छन्, तर स्वास्थ्य परीक्षण गर्ने केही सीमित संस्थाको सिन्डिकेटले नयाँ जाने कामदारको मेडिकल नगरिदिँदा समस्या उत्पन्न भएको छ ।

‘सिन्डिकेटवालाहरूले कामदार पठाउने बाटोको मुखमै बिर्को लगाइदिएका छन्,’ खत्रीले भने, ‘कामदार जान चाहन्छन् । डिमाण्ड पनि छ, तर सिन्डिकेटले ट्रयाप बनाएको छ । उनीहरूले मेडिकल नगरिदिने बित्तिकै प्रक्रिया नै अघि बढ्दैन ।’

विगतमा स्वास्थ्य परीक्षणमा खडा गरिएको सिन्डिकेटले वैदेशिक रोजगार क्षेत्रमा दीर्घकालीन असर पारिरहेको उनले बताए । सरकारले यो सिन्डिकेटलाई पूर्ण रूपमा भत्काउन नसकेको उनको गुनासो छ ।
यता युवा, श्रम तथा रोजगार मन्त्रालयले मलेसियासँग कामदार छनोटसम्बन्धी विवाद समाधान गर्न निरन्तर कूटनीतिक संवाद भइरहेको जनाएको छ । आपसी संवादमार्फत यस विषयलाई यथाशीघ्र टुङ्ग्याउने पक्षमा सरकार दृढ रहेको मन्त्रालयको भनाइ छ ।

मलेसिया रोजगारीको पछिल्लो अवस्थाबारे नेपाल सरकारले अवलम्बन गरेको श्रम नीति, वैदेशिक रोजगार ऐन तथा नियमावली, द्विपक्षीय सन्धि–सम्झौता र अन्तर्राष्ट्रिय कानुनको परिधिभित्र रहेर काम भइरहेको जनाएको छ ।

नेपालको संविधान, प्रचलित कानुन र श्रम समझदारीविपरीत हुने प्रणाली वा पद्धतिले श्रमिकको दीर्घकालीन हित रक्षा गर्न नसक्ने मन्त्रालयले जनाएको छ । मलेसिया जाने श्रमिकको रोजगारी र स्वास्थ्य परीक्षण नरोकिएको मन्त्रालयकी प्रवक्ता मिरा आचार्य जानकारी दिइन् ।

उनले सरकारका तर्फबाट कुनै पनि अवरोध नभएको उल्लेख गरिन् । उनले भनिन्, ‘बायोमेट्रिक जुनसुकै संस्थाबाट गर्ने वा रोकिएको भन्ने विषयमा हामीलाई औपचारिक रूपमा कुनै जानकारी छैन । सरकारले आफैँ मलेसियाको रोजगारी रोक्ने भन्ने कुरै आउँदैन । कुनै विशेष परिस्थितिबाहेक खुला भइसकेका देशमा हामीले रोजगारी रोक्दैनौँ ।’ म्यानपावर कम्पनीहरुमाथिको अनुसन्धानले समग्र मलेसियाको रोजगारीलाई नरोक्ने उनले प्रस्ट पारिन् ।

‘कम्पनीहरुलाई कारबाही गर्नु वा उनीहरुमाथि अनुसन्धान सुरु गर्नु मन्त्रालयको दायित्वभित्र पर्छ, तर त्यसकै कारण मलेसिया सरकारसँगको रोजगारी नै रोकेर काम गर्ने भन्ने हुँदैन,’ प्रवक्ता आचार्यले भनिन् ।
मलेसियाले नेपालका २५ वटा म्यानपावर कम्पनीलाई प्रमुख र थप २५० कम्पनीलाई सहायकका रुपमा म्यानपावरको नाम एफडब्ल्युसिएमएस सिस्टमबाट हटाएको छ । हाल उक्त प्रणालीमा कुनैपनि म्यानपावरको नाम देखिँदैन । 
२५ मुख्य २५० सहित मलेसियाको एफडब्ल्युसिएमएसमा कुनै पनि नेपाली म्यानपावरको नाम भेटिँदैन । बाहिर नाम देखिए पनि रोजगारदातासँग जोडेर हेर्दा सिस्टममा कुनै नेपाली म्यानपावरको नाम भेटिँदैन ।
विवाद चर्किएपछि सूचीकृत २५ प्रमुख कम्पनीले समेत एफडब्ल्युसिएमएसबाट बाहिरिन चाहेको भन्दै सरकारसमक्ष निवेदन दिएका थिए । उनीहरूको मागअनुसार सरकारले परराष्ट्र मन्त्रालयमार्फत मलेसियालाई सूचीबाट नाम हटाउन कूटनीतिक आग्रह गरेको थियो ।

admin

admin@hamroraptifm.com https://hamroraptifm.com

Leave a Reply

Your email address will not be published. Required fields are marked *

Recent News

Trending News

Editor's Picks

नारायणी महोत्सवमा भोलि ७ गते कुमा सागर एण्ड द ख्वपाको कन्सर्ट हुने

चितवन । चितवनको नारायणगढस्थित नारायणी नदी किनारमा जारी दोस्रो नारायणी महोत्सव २०८३ मा भोलि मंसिर ७ गते चर्चित नेपाली सांगीतिक समूह कुमा सागर एण्ड द ख्वपाको विशेष लाइभ कन्सर्ट आयोजना हुने भएको छ । साँझ ५ बजेपछि ९ बजेसम्म उक्त कन्सर्ट हुने । महोत्सवमा दिनदिनै नारायणी कला मन्दिर नारायणगढको विभिन्न प्रस्तुति तथा आदिवासी जनजातीको साँस्कृतिक...

चितवनका सीडीओको स्टन्ट फ्लपः दुई महिनादेखि ‘राइनो क्रुज’ नारायणीमा बेवारिसे

चितवनः चितवन र नवलपुर जोड्ने नारायणी नदीको पुलमा अड्किएको नेपालकै पहिलो लक्जरी ‘राइनो क्रुज’ बेवारिस बनेको छ। नेपालको जलपर्यटन क्षेत्रमा नयाँ इतिहास रच्ने दाबीका साथ सञ्चालनमा ल्याइएको क्रुज नदीको गैँडाकोटतर्फ दुई महिनादेखि भग्न र खिया लागेको अवस्थामा लडिराखेको छ। गत असोज ११ मा नारायणी नदीमा आएको बाढीले गैँडाकोट स्टेसनबाट ६० टनको क्रुज बगाएको थियो। बाढीको...

पिठुवा सिंचाईको ३२ औं साधारणसभा: नहर संरक्षणमा उपभोक्ता आफैँ सचेत हुनुपर्छ : उपप्रमुख पाठक

रत्ननगर। रत्ननगर–१६ स्थित पिठुवा सिँचाइ जल उपभोक्ता संस्थाको ३२औँ साधारण सभा शनिवार सम्पन्न भएको छ। सभामा रत्ननगर नगरपालिकाका उपप्रमुख यादवप्रसाद पाठकले सिँचाइ नहरको संरक्षणका लागि उपभोक्ता आफैँ सचेत र जिम्मेवार बन्नुपर्ने बताउनुभएको छ। उपप्रमुख पाठकले सिंचाई नगरको छेउछाउबाट ढुंगा, गिट्टी निकाल्न सिफारिस दिने पनि पिठुवाबासी नै हुने र उत्खनन गरेर बिक्री गरी आम्दानी गर्ने पनि...

पाँच एमओयू तथा सम्झौतापत्र टुंगियो, चारवटामा छलफल जारी

काठमाडौं । प्रधानमन्त्री वालेन्द्र शाह (बालेन)को भ्रमणमा नेपाल र भारतबीच हस्ताक्षर हुने पाँचवटा समझदारी (एमओयू) तथा सम्झौतापत्रको टुंगो लागेको छ । “प्रधानमन्त्रज्यूको भारत भ्रमणमा दुई देशबीच पूर्वाधार, शिक्षा, खेलकुद, स्वास्थ्य लगायतका क्षेत्रमा पाँचवटा एमओयू तथा सम्झौतापत्रमा हस्ताक्षर हुने तय भएको छ,” परराष्ट्र मन्त्रालय स्रोतले भन्यो, “अझै थप चारवटा एमओयू तथा सम्झौतापत्रमा छलफल चलिरहेको छ ।...

चिसो बढेसँगै सगरमाथा क्षेत्रबाट बाहिरिने पर्यटकको सङ्ख्या बढ्दो

काठमाण्डौ – चिसो बढ्दै गएसँगै हवाई मार्गबाट सगरमाथा क्षेत्र छोड्ने पर्यटकको सङ्ख्या पनि बढेको छ । जिल्ला प्रहरी कार्यालय सोलुखुम्बुको साप्ताहिक तथ्याङ्कअनुसार पछिल्लो अवधिमा खुम्बु क्षेत्रमा प्रवेश गर्नेभन्दा बाहिरिने पर्यटकको सङ्ख्या दोब्बरभन्दा धेरै देखिन्छ । तथ्याङ्कअनुसार पछिल्लो एक हप्ताको अवधिमा हवाई मार्गमार्फत सगरमाथा क्षेत्र (खुम्बु)बाट १ हजार १८० पर्यटक बाहिरिएका छन् भने ५२९ पर्यटक प्रवेश...

अध्यक्ष : सुभद्रा आले मगर
सम्पादक : राजु थापा
कार्यकारी सम्पादक : पुर्ण बहादुर मगर
सह सम्पादक : अशोक बहादुर परियार
ले आउट : प्रबेश देसार
सवाददाता : अनिल अधिकारी

सम्पर्क

इमेल : infohamroraotifm@gmail.com

मोबाइल : 9762345745

ठेगाना : राप्ती ५ भण्डारा, चितवन , बागमति प्रदेश , नेपाल

कम्पनी विवरणहरू

कला पाठशाला कलेज प्रा.लि द्वारा संचालित पुर्बी चितवनको सर्बाधिक सुनिने हाम्रो राप्ती 88.5 एफ एमको अनलाइन सस्करण हो !

सन्चार रजिस्ट्रारको कार्यालय दर्ता न १४०/०७९/०८०