राप्ती । चितवनको राप्ती नगरपालिकाले बुधवार हिउँदे अधिवेशनका रुपमा १६औँ नगरसभा सम्पन्न गरेको छ । हिउँदे नगर सभाले आर्थिक ऐन संसोधन सहित एक विधेयक पारित गरेको छ । नगर सभाले आ.व. २०८२/०८३ को आर्थिक ऐन, विनियोजन ऐन, बजेट तथा कार्यक्रम संशोधन र आर्थिक कार्यविधि तथा वित्तीय उत्तरदायित्व सम्वन्धमा व्यवस्था गर्न वनेको विधेयक २०८२ पारित गरिएको कार्यवहाक मेयर देवेन्द्र लामाले जानकारी दिए ।
नगर सभाले १५औँ नगर सभामा समावेश भएका र दायित्वमा रहेका भुक्तानीलाई प्राथमिकतामा राख्ने निर्णय गरेको छ । करिब १२ करोड दायित्वमा रहेको योजना र विभिन्न शिर्षकका कार्यक्रमलाई भुक्तानी गर्ने निर्णय भएको हो । राप्ती नगरपालिकामा २०७९ साल देखिका भुक्तानी रहेको र सो योजनाको अवस्था हेरी भुक्तानी गर्ने प्रकृया अगाडी बढाउने तयारी भएको लामाले बताए । यसका साथै गत नगर सभामा विनियोजन गरेका योजनाहरु मध्ये सञ्चालन हुन नसक्ने तथा तत्काल नगरी नहुने अन्य आवश्यक योजनाहरुलाई साविकमा विनियोजन गरेको बजेटको परिधि भित्र रही रकमान्तर र बजेट संशोधन गरिएको प्रमुख प्रशासकीय अधिकृत सुरेन्द्र प्रधानले बताए ।
"हामी सबैको एउटै आवाज"
