चितवन । रसुवामा गएको विनाशकारी बाढीबाट प्रभावित नागरिकको राहत तथा पुनर्स्थापनाका लागि भण्डारा माध्यमिक विद्यालयका विद्यार्थीहरूले ५० हजार १०० रुपैयाँ सहयोग गरेका छन्।
२०८३ साल भदौ १० गते रसुवामा गएको बाढीबाट भएको जनधनको क्षतिप्रति दुःख व्यक्त गर्दै विद्यालयमा अध्ययनरत विद्यार्थीहरूले स्वेच्छिक रूपमा उक्त रकम संकलन गरेका हुन्। संकलित रु. ५०,१०० (पचास हजार एक सय रुपैयाँ) ‘प्रधानमन्त्री दैवी प्रकोप उद्धार कोष’मा जम्मा गरिएको विद्यालयले जनाएको छ।
बाढीका कारण आफन्त तथा घरजम गुमाएर बिचल्लीमा परेका पीडितलाई राहत तथा पुनर्स्थापनामा सहयोग पुगोस् भन्ने उद्देश्यले विद्यार्थीहरूले रकम संकलन गरेका हुन्।
विपद्को कठिन परिस्थितिमा बालबालिकाहरूले देखाएको मानवीय संवेदना र सहयोगी भावनाले विद्यालय परिवारलाई गौरवान्वित बनाएको विद्यालयले जनाएको छ।
"हामी सबैको एउटै आवाज"
