१८ गते साउन । खैरहनी
खैरहनी नगरपालिका–६ स्थित एकता टोल विकास चोकमा निर्माण गरिएको प्रतिक्षालयका कारण गाउँ छिर्ने बाटो साँघुरो भएको भन्दै स्थानीयवासीले नगरपालिकाको ध्यानाकर्षण गराएका छन् ।
झरीको समेत पर्वाह नगरी छाता ओढेर नगरपालिकामा पुगेका स्थानीयले नगर प्रमुखलाई सामूहिक निवेदन बुझाउँने तयारीका साथ नगरपालिका पुगेका स्थानीयबासी प्रतिक्षालयले नगरपालिकाको मापदण्डअनुसार हुनुपर्ने सडक क्षेत्र ओगटेको दाबी गरेका छन् । उनीहरूले हालको संरचना आवश्यक परिमाणमा घटाई मापदण्डअनुसारको बाटो खुला गर्न माग गरेका छन् ।
खैरहनी नगरपालिका–६ एकता टोल विकास संस्थाको तर्फबाट बुझाउने निवेदनमा टोलवासीको सर्वसम्मत निर्णयअनुसार बाटो सहज र सुरक्षित बनाउन प्रतिक्षालयको संरचना परिमार्जन गर्न आग्रह गरिएको छ । स्थानीयले नगरपालिकाले जनभावनाअनुसार छिट्टै आवश्यक निर्णय लिने विश्वास व्यक्त गरेका छन् ।
