रत्ननगर । चितवनका प्रतिष्ठित व्यवसायी शंकर गिरीले नारायणी यातायात व्यवसायी संघको क्षेत्रीय उपाध्यक्षमा सर्वसम्मत निर्वाचित भएका छन् । संघको ३७औ साधारण सभा तथा १६औ अधिवेशनबाट रत्ननगर निवासी गिरी संघको क्षेत्रीय उपाध्यक्षमा सर्बसम्मत चयन भएका हुन् । गिरीले उमेदवारी दिएको पदमा अन्य व्यक्तिले उम्मेदबारी नदिएपछि उनी सर्बसम्मत चयन भएका हुन् ।
नेपाल उद्योग बाणिज्य महासंघका केन्द्रीय सदस्य तथा रत्ननगर उद्योग बाणिज्य संघका अध्यक्ष गिरी ३५ बर्ष देखि यातायात क्षेत्रमा क्रियाशिल छन् । चितवन जिल्लाको प्रनिनिधित्व गर्दै संघको क्षेत्रीय उपाध्यक्षमा निर्वाचित भएपछि उनले यातायात क्षेत्रमा रहेको व्यवसायीको लगानी सुरक्षाका लागि नीतिगत पहल गर्ने प्रतिबद्धता जनाए ।
चितवन जिल्ला लगायत अन्य जिल्लाहरुमा समेत यात्रुबहाक बसलाई व्यवस्थित गर्दै स्तरीय बससेवा सञ्चालनमा ध्यान केन्द्रीत गर्ने उनले बताए । यातायात क्षेत्रका समस्या कयौं छन उनले भने सबै भन्दा ठुलो लगानी सुरक्षा हो । सवारी दुर्घटना न्यूनीकरण र सचेतनाका विषयहरुलाई समेत प्रशासनसंग सहकार्य गरेर अगाडि बढ्ने गिरीले बताए ।
