काठमाडौं । आज राष्ट्रिय स्वतन्त्र पार्टीको २९ वटा जिल्लामा जिल्ला अधिवेशन हुँदैछ । हिजो ३६ जिल्लामा जिल्ला अधिवेशन सम्पन्न गरेको रास्वपाले आज भने २९ जिल्लामा अधिवेशन गर्न लागेको हो । आज हुने अधिवेशनबाट जिल्लामा नयाँ नेतृत्व चयन हुनेछ, जसले आसन्न स्थानीय चुनाव र प्रदेश चुनावको तयारीमा लाग्ने छ ।
आज कोशी प्रदेशका ४ जिल्ला उदयपुर, सोलुखुम्बु, खोटाङ र ईलाममा र मधेश प्रदेशका ४ जिल्ला सिराहा, धनुषा, पर्सा र सर्लाहीमा जिल्ला अधिवेशन हुँदैछ । बागमती प्रदेशका २ जिल्ला चितवन र ललितपुरमा अधिवेशन हुँदा गण्डकी प्रदेशका ४ जिल्ला तनहुँ, नवलपुर, गोरखा र लमजुङले पनि नयाँ नेतृत्व चयनका लागि अधिवेशन गर्दैछ ।
उता, लुम्बिनी प्रदेशका ३ जिल्ला अर्घाखाँची, रुपन्देही र प्युठानमा जिल्ला अधिवेशनबाट नयाँ नेतृत्व आउँदै गर्दा कर्णाली प्रदेशका ६ जिल्ला सुर्खेत, जाजरकोट, दैलेख, रुकुम, मुगु र जुम्लाले पनि अधिवेशनबाट नयाँ नेतृत्व पाउनेछ । साथै, सुदूरपश्चिम प्रदेशका ६ जिल्ला अछाम, डोटी, डडेलधुरा, कैलाली, कञ्चनपुर र बाजुरामा आजै अधिवेशन हुनेछ।
महाधिवेशनअघि गर्ने भनिएको ६६ जिल्लाको जिल्ला अधिवेशन मध्ये विशेष परिस्थितिका कारण मधेस प्रदेशको बारा जिल्ला अधिवेशन भने आगामी जेठ २६ गते हुँदैछ। योसँगै पार्टीको मुख्य सङ्गठन रहेको अधिकांश जिल्लाको अधिवेशन सम्पन्न हुनेछ भने बाँकी ११ जिल्लाहरूको अधिवेशन राष्ट्रिय महाधिवेशन पश्चात् क्रमशः गरिने रास्वपाले जनाएको छ ।
"हामी सबैको एउटै आवाज"
