काठमाडौँ । काभ्रेको रोशी खोलामा फसेकाहरूको सशस्त्र प्रहरीले उद्धार गरेको छ।
वर्षातको कारण जिल्ला काभ्रे नमोबुद्ध नगरपालिका–६ चौकीडाँडा र काभ्रेको रोशी गाउँपालिका ७ बेशी स्थित रोशी खोलामा पानीको सतह बढ्न गई सडक कट्टान गरी बाटो पूर्ण रूपमा अवबरोध भई फसेकाहरूको सशस्त्र प्रहरीले उद्धार गरेको हो।
५ वटा इभी हाइस खोलामा फसेको फसेको जानकारी पाउनासाथ नम्बर १५ गण काभ्रे र मनसुन प्रतिकार्य वेश भकुण्डेबाट सशस्त्र प्रहरीको टोली तत्कालै उद्धार कार्यको लागि खटिएको छ।
बिपी राजमार्ग सडकखण्डमा आवतजावत गर्ने सवारी साधनहरू सम्भावित जोखिमलाई मध्य नजर गर्दै बिपी राजमार्ग सडकखण्डमा रोशी गाउँपालिका ७ लासटोलबाट काठमाडौँतर्फ आउँदै गरेको १ सय ६० वटा सवारी साधनहरू रोकेर राखिएको सशस्त्रका डीएसपी शैलेन्द्र थापाले जानकारी दिए।
