"हामी सबैको एउटै आवाज"

"हामी सबैको एउटै आवाज"

ट्रेन्डिङ

प्रतिनिधिसभा सदस्य आरेन राईको व्यवहारप्रति नागरिकको चर्को आलोचना

Table of Content

सुनसरी : खोटाङबाट निर्वाचित प्रतिनिधिसभा सदस्य तथा श्रम संस्कृति पार्टीका प्रमुख सचेतक आरेन राई यतिबेला विवादमा तानिएका छन् । सोमबार दिउँसो काभ्रेको रोशी खोलामा आएको बाढीका कारण सडक अवरुद्ध भएपछि ड्युटीमा खटिएका प्रहरीसँग भएको भनिएको आक्रोशपूर्ण व्यवहारका कारण उनको चौतर्फी आलोचना भइरहेको छ ।

घटनास्थलमा खटिएका सुरक्षाकर्मीहरूसँग राईले असहज र आक्रामक शैलीमा प्रस्तुत भएको भिडियो तथा विवरण सामाजिक सञ्जालमा सार्वजनिक भएसँगै सर्वसाधारणले उनको व्यवहारप्रति असन्तुष्टि जनाएका छन् । विशेषगरी खोटाङका नागरिकहरूले एक जिम्मेवार जनप्रतिनिधिबाट अपेक्षित संयम र परिपक्वता नदेखिएको टिप्पणी गरेका छन् ।

नेपाल पत्रकार महासंघ खोटाङका पूर्व अध्यक्ष दिलिप खत्रीले जनप्रतिनिधिले सार्वजनिकस्थलमा संयमित र जिम्मेवार व्यवहार देखाउनुपर्ने उल्लेख गर्दै राईको उक्त व्यवहार उपयुक्त नभएको बताए । ‘ड्युटीमा खटिएका सुरक्षाकर्मीमाथि आक्रोश देखाउनु जनप्रतिनिधिको आचरणसँग मेल खाँदैन,’ उनले भने ।

यता, श्रम संस्कृति पार्टीका कार्यकर्ताहरूले भने राईको बचाउ गरेका छन् । रोशी खोला घटनाको वास्तविकता बाहिर आए जस्तो नभई बढाइचढाइ गरेर प्रस्तुत गरिएको श्रम संस्कृति पार्टी खोटाङकी उपाध्यक्ष संगीता किराँती राईले बताएकी छिन् । उक्त आरोपबारे प्रतिक्रिया दिँदै सांसद राईले आफू दिक्तेलबाट काठमाडौं जाने क्रममा प्रहरीले असहज व्यवहार गरेपछि सामान्य सम्झाइबुझाइ गरेको बताएका छन् । ‘मैले कसैलाई दुव्र्यवहार गरेको होइन, परिस्थिति स्पष्ट पार्ने प्रयास मात्र गरेको हुँ,’ उनले भने ।

सामाजिक सञ्जालमा भने यस विषयले व्यापक चर्चा पाएको छ । कतिपयले राईको आलोचना गर्दै सार्वजनिक पदमा रहेका व्यक्तिले अझ जिम्मेवार र अनुशासित हुनुपर्ने बताएका छन् भने केहीले घटनालाई अतिरञ्जित गरिएको दाबी गरेका छन् । उक्त घटनाले जनप्रतिनिधिको आचरण, सुरक्षाकर्मीप्रतिको व्यवहार तथा संकटका बेला समन्वयको भूमिकाबारे पुनः बहस सुरु गराएको छ ।

रोशी खोला जस्तो संवेदनशील स्थानमा देखिएको समस्यामा सम्बन्धित निकायहरूसँग समन्वय गरी समाधानतर्फ पहल गर्नु जनप्रतिनिधिको दायित्व हुने भन्दै नागरिकस्तरबाट समेत प्रश्न उठिरहेका छन् । सार्वजनिक पदमा रहेका व्यक्तिको व्यवहारले जनविश्वासमा प्रत्यक्ष असर पार्ने भएकाले संयमता, परिपक्वता र जिम्मेवारीबोध अझ आवश्यक हुने खोटाङवासीको भनाइ छ । 

admin

admin@hamroraptifm.com https://hamroraptifm.com

Leave a Reply

Your email address will not be published. Required fields are marked *

Recent News

Trending News

Editor's Picks

नारायणी महोत्सवमा भोलि ७ गते कुमा सागर एण्ड द ख्वपाको कन्सर्ट हुने

चितवन । चितवनको नारायणगढस्थित नारायणी नदी किनारमा जारी दोस्रो नारायणी महोत्सव २०८३ मा भोलि मंसिर ७ गते चर्चित नेपाली सांगीतिक समूह कुमा सागर एण्ड द ख्वपाको विशेष लाइभ कन्सर्ट आयोजना हुने भएको छ । साँझ ५ बजेपछि ९ बजेसम्म उक्त कन्सर्ट हुने । महोत्सवमा दिनदिनै नारायणी कला मन्दिर नारायणगढको विभिन्न प्रस्तुति तथा आदिवासी जनजातीको साँस्कृतिक...

चितवनका सीडीओको स्टन्ट फ्लपः दुई महिनादेखि ‘राइनो क्रुज’ नारायणीमा बेवारिसे

चितवनः चितवन र नवलपुर जोड्ने नारायणी नदीको पुलमा अड्किएको नेपालकै पहिलो लक्जरी ‘राइनो क्रुज’ बेवारिस बनेको छ। नेपालको जलपर्यटन क्षेत्रमा नयाँ इतिहास रच्ने दाबीका साथ सञ्चालनमा ल्याइएको क्रुज नदीको गैँडाकोटतर्फ दुई महिनादेखि भग्न र खिया लागेको अवस्थामा लडिराखेको छ। गत असोज ११ मा नारायणी नदीमा आएको बाढीले गैँडाकोट स्टेसनबाट ६० टनको क्रुज बगाएको थियो। बाढीको...

पिठुवा सिंचाईको ३२ औं साधारणसभा: नहर संरक्षणमा उपभोक्ता आफैँ सचेत हुनुपर्छ : उपप्रमुख पाठक

रत्ननगर। रत्ननगर–१६ स्थित पिठुवा सिँचाइ जल उपभोक्ता संस्थाको ३२औँ साधारण सभा शनिवार सम्पन्न भएको छ। सभामा रत्ननगर नगरपालिकाका उपप्रमुख यादवप्रसाद पाठकले सिँचाइ नहरको संरक्षणका लागि उपभोक्ता आफैँ सचेत र जिम्मेवार बन्नुपर्ने बताउनुभएको छ। उपप्रमुख पाठकले सिंचाई नगरको छेउछाउबाट ढुंगा, गिट्टी निकाल्न सिफारिस दिने पनि पिठुवाबासी नै हुने र उत्खनन गरेर बिक्री गरी आम्दानी गर्ने पनि...

पाँच एमओयू तथा सम्झौतापत्र टुंगियो, चारवटामा छलफल जारी

काठमाडौं । प्रधानमन्त्री वालेन्द्र शाह (बालेन)को भ्रमणमा नेपाल र भारतबीच हस्ताक्षर हुने पाँचवटा समझदारी (एमओयू) तथा सम्झौतापत्रको टुंगो लागेको छ । “प्रधानमन्त्रज्यूको भारत भ्रमणमा दुई देशबीच पूर्वाधार, शिक्षा, खेलकुद, स्वास्थ्य लगायतका क्षेत्रमा पाँचवटा एमओयू तथा सम्झौतापत्रमा हस्ताक्षर हुने तय भएको छ,” परराष्ट्र मन्त्रालय स्रोतले भन्यो, “अझै थप चारवटा एमओयू तथा सम्झौतापत्रमा छलफल चलिरहेको छ ।...

चिसो बढेसँगै सगरमाथा क्षेत्रबाट बाहिरिने पर्यटकको सङ्ख्या बढ्दो

काठमाण्डौ – चिसो बढ्दै गएसँगै हवाई मार्गबाट सगरमाथा क्षेत्र छोड्ने पर्यटकको सङ्ख्या पनि बढेको छ । जिल्ला प्रहरी कार्यालय सोलुखुम्बुको साप्ताहिक तथ्याङ्कअनुसार पछिल्लो अवधिमा खुम्बु क्षेत्रमा प्रवेश गर्नेभन्दा बाहिरिने पर्यटकको सङ्ख्या दोब्बरभन्दा धेरै देखिन्छ । तथ्याङ्कअनुसार पछिल्लो एक हप्ताको अवधिमा हवाई मार्गमार्फत सगरमाथा क्षेत्र (खुम्बु)बाट १ हजार १८० पर्यटक बाहिरिएका छन् भने ५२९ पर्यटक प्रवेश...

अध्यक्ष : सुभद्रा आले मगर
सम्पादक : राजु थापा
कार्यकारी सम्पादक : पुर्ण बहादुर मगर
सह सम्पादक : अशोक बहादुर परियार
ले आउट : प्रबेश देसार
सवाददाता : अनिल अधिकारी

सम्पर्क

इमेल : infohamroraotifm@gmail.com

मोबाइल : 9762345745

ठेगाना : राप्ती ५ भण्डारा, चितवन , बागमति प्रदेश , नेपाल

कम्पनी विवरणहरू

कला पाठशाला कलेज प्रा.लि द्वारा संचालित पुर्बी चितवनको सर्बाधिक सुनिने हाम्रो राप्ती 88.5 एफ एमको अनलाइन सस्करण हो !

सन्चार रजिस्ट्रारको कार्यालय दर्ता न १४०/०७९/०८०