विराटनगर : विराटनगर महानगरपालिका–९ सोमबारेस्थित खाली घरमा गोप्य रूपमा सञ्चालन हुँदै आएको तास खेल्ने अड्डामा प्रहरीले छापा मारेर ६ जनालाई पक्राउ गरेको छ ।
मोरङ प्रहरी प्रमुख एसपी कवित कटवालले बुधबार राति करिब ८ बजेतिर तास खेल्दै गरेका ६ जनालाई नियन्त्रणमा लिएको बताए। उनका कटवालका अनुसार खाली घरलाई व्यवस्थित रूपमा तास खेल्ने स्थल बनाएको पाइएको छ ।
‘एसी जडान गरेर आरामदायी वातावरण तयार पारिएको रहेछ,’ उनले भने, ‘त्यहाँ दैनिकजस्तै तास खेल्ने गरिएको पाइयो ।’ प्रहरीले तीन बुक तास, नगद ४४ हजार १६५ रुपैयाँ र भारतीय २ हजार ५०० रुपैयाँ बरामद गरेको छ ।
पक्राउ परेकाहरूमाथि आवश्यक कानुनी प्रक्रिया अघि बढाइ थप अनुसन्धान भइरहेको प्रहरीले जनाएको छ । सबै जनालाई जिल्ला प्रहरी कार्यालयमा राखिएको छ ।
