०चितवन, फागुन २१-चितवनमा ६४ दशमलव १२ प्रतिशत मत खसेको छ । जिल्ला निर्वाचन कार्यालय चितवनका निर्वाचन अधिकृत भिमसेन कार्कीका अनुसार चितवनमा २ लाख ८३ हजार ४२८ मत खसेको छ । जिल्लामा ४ लाख ४२ हजार ८२ मतदाता रहेको थिए ।
चितवनमा सवैभन्दा धेरै चितवन क्षेत्र नम्बर ३मा भोट खसेको छ । १ लाख ५५ हजार २१२ मतदाता रहेको यस निर्वाचन क्षेत्रमा १ लाख ५३ जनाले मतदान गरेका छन् । यसरी हेर्दा मतदान प्रतिशत ६४ दशमलव ४६ प्रतिशत हो ।
यस्तै निर्वाचन क्षेत्र नम्बर १मा ९६ हजार १५४ र निर्वाचन क्षेत्र नम्बर २मा सबैभन्दा कम ८७ हजार २२१ भोट खसेको छ । चितवनमा हाल १ सय ६२ मतदान स्थल र ४ सय ९४ मतदान केन्द्र कायम गरिएको छ ।
