"हामी सबैको एउटै आवाज"

"हामी सबैको एउटै आवाज"

ट्रेन्डिङ

भण्डारामा बिमला मेकअप स्टुडियो सञ्चालनमा

Table of Content

चितवनको राप्ती नगरपालिका भण्डारामा शनिबारदेखि बिमला मेकअप स्टुडियो सञ्चालनमा आएको छ । सौन्दर्य पेशामा एक दशकभन्दा लामो समयदेखि सक्रिय रहँदै आएकी बिमला पाठक डल्लाकोटीले भण्डारामा आफ्नो दोस्रो शाखा विस्तार गरेकी हुन् ।

यसअघि मनहरीमा विगत १० वर्षदेखि सफलतापूर्वक पार्लर सञ्चालन गर्दै आएकी डल्लाकोटीले स्थानीय महिलालाई लक्षित गर्दै गुणस्तरीय सेवा प्रदान गर्ने उद्देश्यले भण्डारामा नयाँ स्टुडियो सञ्चालनमा ल्याएको बताइन् । आधुनिक मेकअप प्रविधि, अनुभवी जनशक्ति र ग्राहकको आवश्यकता अनुसारको सेवामा स्टुडियो केन्द्रित रहने उनको भनाइ छ ।

स्टुडियो उद्घाटन कार्यक्रम राप्ती नगरपालिका वडा नं. ७ की अध्यक्ष सुमिता डल्लाकोटी तथा सञ्चालिका बिमला पाठक डल्लाकोटीकी सासुआमा रिता कुमारी श्रेष्ठ पाठकले संयुक्त रूपमा रिबन काटेर उद्घाटन गरेका हुन् । उद्घाटन समारोहमा स्थानीय जनप्रतिनिधि, समाजसेवी, व्यवसायी तथा स्थानीयवासीको उपस्थिति रहेको थियो ।

उद्घाटन कार्यक्रममा बोल्दै वडा अध्यक्ष सुमिता डल्लाकोटीले महिलाहरू आत्मनिर्भर बन्ने दिशामा यस्ता व्यवसायले महत्वपूर्ण भूमिका खेल्ने बताइन् । उनले स्थानीय स्तरमै गुणस्तरीय सेवा उपलब्ध हुँदा रोजगारी सिर्जना हुनुका साथै महिलाको आर्थिक सशक्तीकरणमा टेवा पुग्ने उल्लेख गरिन् ।

स्टुडियो सञ्चालनको अवसरमा निशुल्क स्किन टेष्टको व्यवस्था गरिएको छ भने उद्घाटनको अवसर पारेर सबै सेवामा १० प्रतिशत छुटको व्यवस्था गरिएको सञ्चालिका बिमला पाठक डल्लाकोटीले जानकारी दिइन् । ग्राहकको छाला र आवश्यकताअनुसार सेवा दिन स्किन टेष्ट उपयोगी हुने उनले बताइन् ।

स्टुडियोमा बेहुली श्रृङ्गार, पार्टी मेकअप, हेयर स्टाइलिङ, फेसियल, स्किन केयर, मेनिक्योर, पेडिक्योर लगायत मेकअपसम्बन्धी सम्पूर्ण सेवा उपलब्ध हुने जनाइएको छ । साथै आगामी दिनमा व्युटिसियन तालिम समेत सञ्चालन गरिने योजना रहेको सञ्चालिकाले बताइन् । तालिममार्फत स्थानीय युवती तथा महिलालाई स्वरोजगार बन्न प्रेरित गर्ने उद्देश्य रहेको उनको भनाइ छ ।

स्थानीयस्तरमै गुणस्तरीय सौन्दर्य सेवा र तालिम उपलब्ध गराउने उद्देश्यले सञ्चालनमा आएको बिमला मेकअप स्टुडियोले भण्डारा क्षेत्रका महिलाहरूलाई सहज सेवा प्रदान गर्ने अपेक्षा गरिएको छ । व्यवसायिक अनुभव, सेवाप्रतिको समर्पण र आधुनिक प्रविधिको प्रयोगमार्फत स्टुडियोले आफ्नो पहिचान बनाउने विश्वास सञ्चालिकाको छ ।

admin

admin@hamroraptifm.com https://hamroraptifm.com

Leave a Reply

Your email address will not be published. Required fields are marked *

Recent News

Trending News

Editor's Picks

जनकपुर–अयोध्या सीधा रेल सेवाकाे तालिका सार्वजनिक

काठमाण्डाै – नेपालको जनकपुरधाम र भारतको उत्तर प्रदेशमा रहेको अयोध्या सीधा रेल सेवामार्फत जोडिने भएका छन् । भारतीय रेल्वे मन्त्रालयले नयाँ रेल सेवा सञ्चालन गर्ने घोषणा गर्दै तालिका सार्वजनिक गरेको हो । मन्त्रालयका अनुसार जनकपुरधामबाट हरेक शनिवार र अयोध्या क्यान्टबाट हरेक सोमवार रेल छुट्ने गरी सेवा सञ्चालन हुनेछ । झन्डै ६०४ किलोमिटर लामो रेलमार्गले जनकपुरधामलाई अयोध्याको...

स्थायी लेखा नम्बर लिनेको संख्या ८१ लाख नाघ्यो

काठमाण्डौ – असोज मसान्तसम्म व्यवसायिक, व्यक्तिगत तथा करकट्टी गर्ने निकायले लिएका स्थायी लेखा नम्बर (प्यान) सहित कुल करदाता संख्या ८१ लाख ९५ हजार ४१४ पुगेको छ । आन्तरिक राजस्व विभागको तथ्यांकअनुसार आर्थिक वर्ष २०८२–८३ को असार मसान्तसम्म विभिन्न प्रकारका स्थायी लेखा नम्बर लिनेको संख्या ७९ लाख १० हजार ८६४ थियो । चालु आर्थिक वर्षको असोज...

सुशासन र समृद्धि प्राप्तिमा छठी माता र सूर्य भगवनको कृपा बनिरहनेछ : राष्ट्रपति पौडेल

काठमाण्डौ – राष्ट्रपति रामचन्द्र पौडेलले छठ पर्वले समाजमा विद्यमान वर्गीय, जातीय, लैङ्गिकलगायत सबै प्रकारका विभेद, कुरीति र विसङ्गतिको अन्त्य गरी सम्पूर्ण नेपालीमा राष्ट्रिय एकता अभिवृद्धि गर्ने विश्वास व्यक्त गर्नुभएको छ । छठ पर्व २०८३ का अवसरमा शुभकामना सन्देश दिँदै राष्ट्रपति पौडेलले मौलिक संस्कृतिको संरक्षण तथा संवर्द्धन गर्न र आपसी सद्थप सुदृढ पार्न यस पर्वले प्रेरणा...

खगोलविज्ञान ओलम्पियाडमा नेपाललाई पहिलो रजतसहित चार पदक

काठमाण्डौ – रुसमा सम्पन्न ५औँ ओपन वल्र्ड एस्ट्रोनोमी ओलम्पियाडमा नेपाली विद्यार्थीले पहिलो पटक रजत पदक जित्न सफल भएका छन् । प्रतियोगितामा नेपालले एक रजत र तीन कांस्यसहित चार पदक जितेको हो । रुसको सिरियसमा हिजो सम्पन्न प्रतियोगितामा रिवाश राईले रजत पदक जितेका छन् । त्यस्तै, ओमराज पुरी, स्नेहा कोइराला र सुयश कोइरालाले कांस्य पदक हात...

बूढीगण्डकी जलविद्युत् आयोजनामा लगानी गर्न यूएईसँग नेपालको प्रस्ताव

काठमाण्डौ – नेपालले बूढीगण्डकी जलविद्युत् आयोजनामा लगानीका लागि संयुक्त अरब इमिरेट्स (यूएई)सँग प्रस्ताव गरेको छ । यूएईको भ्रमणमा रहनुभएका गृहमन्त्री सुधन गुरुङ र त्यहाँका वैदेशिक व्यापार मन्त्री डा. थानी बिन अहमद अल जेयोदीबीच आबुधावीमा हिजो भएको शिष्टाचार भेटमा नेपालले यस्तो प्रस्ताव गरेको हो । त्यस अवसरमा गृहमन्त्री गुरुङले कृषि तथा सेवा क्षेत्रको विकास तथा सुरक्षा...

अध्यक्ष : सुभद्रा आले मगर
सम्पादक : राजु थापा
कार्यकारी सम्पादक : पुर्ण बहादुर मगर
सह सम्पादक : अशोक बहादुर परियार
ले आउट : प्रबेश देसार
सवाददाता : अनिल अधिकारी

सम्पर्क

इमेल : infohamroraotifm@gmail.com

मोबाइल : 9762345745

ठेगाना : राप्ती ५ भण्डारा, चितवन , बागमति प्रदेश , नेपाल

कम्पनी विवरणहरू

कला पाठशाला कलेज प्रा.लि द्वारा संचालित पुर्बी चितवनको सर्बाधिक सुनिने हाम्रो राप्ती 88.5 एफ एमको अनलाइन सस्करण हो !

सन्चार रजिस्ट्रारको कार्यालय दर्ता न १४०/०७९/०८०