काठमाण्डौ – अहिले सिन्धुपाल्चोक, रसुवा, नुवाकोट, धादिङ लगायतका जिल्लाहरुमा मध्यमसम्मको वर्षा भैरहेको छ ।
गण्डकी प्रदेशका धेरैजसो ठाउँ तथा बागमती र लुुम्बिनी प्रदेशका केही ठाउँमा मध्यम वर्षा भैरहेको मौसम पूर्वानुमान महाशाखाले जनाएको छ ।
साथै कोशी र कर्णाली प्रदेशका थोरै ठाउँमा थप वर्षाको सम्भावना रहेकोले आवश्यक सतर्कता अपनाउन महाशाखाले आग्रह गरेको छ । गएराति काठमाण्डौको विष्णुमती नदीमा बाढी आएकोमा अहिले भने पानीको बहाव घटेको छ ।
लमजुङको मस्र्याङ्दी नदीमा बाढी आएकाले नदीको तल्लो तटीय क्षेत्रका बासिन्दाहरुलाई सतर्कता अपनाउन बाढी पूर्वानुमान महाशाखाले आग्रह गरेको छ ।
