राप्ती । भाद्र १
राप्ती नगरपालिका वडा नं. ३ की कार्यवाहक वडा अध्यक्ष एवं कार्यपालिका सदस्य कविता राईलाई मातृशोक परेको छ । राई आमा ठुलिमाया राईको सोमवार विहान ५ बजे ९२ बर्षको उमेरमा निधन भएको हो ।
स्व ठुलिमाया राईको निधनको दुखद घडीमा समग्र राप्ती नगरपालिका दुःखी भएको जनाउँदै निधनबाट परिवारजन तथा आफन्तमा परेको अपूरणीय क्षतिप्रति नगरपालिकाले सहानुभूति व्यक्त गरेको छ ।
राप्तीका नगर प्रमुख शमशेर लामाको सचिवालयद्धारा जारी गरिएको विज्ञप्तिमा दिवंगत आत्माको चिरशान्तिको कामना गर्दै शोकाकुल परिवारजनमा ईश्वरले धैर्यधारण गर्ने शक्ति प्रदान गरून् भन्ने प्रार्थनासहित हार्दिक समवेदना व्यक्त गरिएको छ । नगर प्रमुखको सचिवालयका तर्फबाट पूर्णबहादुर मगरले शोक तथा समवेदना व्यक्त गरेका हुन् ।
