भरतपुर, साउन २६
भरतपुर महानगरपालिका–२८, मेघौलीमा आज बिहान ६५ वर्षीय मङ्गले बोटेको बाघको आक्रमणबाट मृत्यु भएको छ।
मर्निङवाकमा निस्किएका बोटेलाई बाघले आक्रमण गरी मारेको भरतपुर–२८ का वडा अध्यक्ष डण्डपाणी रिजालले पुष्टि गरेका हुन् ।
बोेटेको लास मेघौली एयरपोर्ट नजिकै जंगलमा फेला परेको उनले जानकारी दिए । बोटेलाई आक्रमण गर्ने बाघ अहिले पनि घटनास्थल नजिकैको झाडीमै बसिरहेकाले सुरक्षा टोलीले सतर्कताका साथ घेराबन्दी गरी नियन्त्रणको प्रयास गरिरहेको उनले बताए ।
जिल्ला प्रहरी कार्यालय चितवनका सूचना अधिकारी (डिएसपी) चन्द्रभुसन यादवले घटनाबारे बुझ्ने काम भइरहेको भन्दै बाघकै आक्रमणबाट मृत्यु भएको भन्ने विषय पुष्टि भइनसकेको बताए ।
