चितवन । नेकपा एमालेले बागमती प्रदेशको मुख्यमन्त्री संसदीय दलका नेता नफेर्ने भएकाे छ ।
पार्टीका अध्यक्ष केपी शर्मा ओली र महासचिव शंकर पोखरेलसहित शुक्रबार बेलुका बागमती प्रदेशका सीमित नेताहरुसँग छलफल गरी संसदीय दलका नेता नफेर्ने निर्णयमा पुगेका हुन् ।
संसदीय दलका नेता जगन्नाथ थपलियालाई बागमती प्रदेशको मुख्यमन्त्री बनाउने निर्णय भएकाे छ ।
बागमती प्रदेशका नेकपा एमालेका प्रमुख सचेतक एकलाल श्रेष्ठले विधि र पद्धति अनुसार नै मुख्यमन्त्री चयन हुने बताए । उनले शुक्रबारको छलफलमा आफू पनि सहभागी भएको जानकारी दिँदै भने, ‘पार्टी अध्यक्ष, महासचिवसहितको बैठकमा पार्टीको विधि पद्धति अनुसार नै मुख्यमन्त्री छनौट हुने निर्णय भएको हो ।’
सञ्चार माध्यममा पार्टी संसदीय दलको नेता परिवर्तन गरेरै भएपनि किरण थापा मगरलाई मुख्यमन्त्री बनाउने भन्ने विषय चर्चामा आएको थियो । नेकपा एमालेमा संसदीय दलको नेता नै मुख्यमन्त्री बन्ने परम्परा रहेको छ ।
