"हामी सबैको एउटै आवाज"

"हामी सबैको एउटै आवाज"

ट्रेन्डिङ

कर्मचारीलाई चेतावनी दिँदै गृहमन्त्रीको ‘गुडमर्निङ’!

Table of Content


काठमाडौं : गृहमन्त्री सुधन गुरुङले शनिबार बिहान राष्ट्रसेवक कर्मचारीहरूलाई राजनीतिक दलको झोला नबोक्न र नेताको चाकडी नगर्न कडा चेतावनी दिएका छन्।

शनिबार बिहान फेसबुकमा लेख्दै उनले सरकार गठन भएदेखि नै कर्मचारीको काम दलको झोला बोक्ने वा नेताको चाकडी गर्ने नभई देश र जनताको सेवा गर्ने हो भनेर स्पष्ट पारिँदै आएको उल्लेख गरेका छन्। नेता र कर्मचारी दुवैको साझा उद्देश्य देशप्रति समर्पित भएर जनताको सेवा गर्नु हुनुपर्नेमा उनले जोड दिएका छन्।

कर्मचारी प्रशासनलाई लक्षित गर्दै उनले लेखेका छन्, ‘यति कुरा पटक-पटक स्पष्ट पारिसक्दा पनि कसैले अझै दलको झोला बोकेर राजनीति गर्न पाइन्छ भन्ने भ्रम पालेको छ भने त्यो भ्रम आजै त्यागे हुन्छ।’

आफ्नो पदीय जिम्मेवारी बिर्सेर जनताको कामभन्दा नेताको चाकडीलाई प्राथमिकता दिने जोकोहीमाथि कानुनबमोजिम कडा कारबाही हुने र यसमा कुनै सम्झौता नहुने चेतावनीसमेत उनले दिएका छन्।

सरकारलाई कसैको चाकडी गर्ने कर्मचारी नभई जनताको दुःख बुझ्ने, कर्तव्य निभाउने र देशप्रति इमानदार राष्ट्रसेवक चाहिएको गृहमन्त्री गुरुङको भनाइ छ।

‘गुड मर्निङ’ स्टाटसको विगत र सन्दर्भ
गृहमन्त्री गुरुङको बिहानीपख आउने ‘गुड मर्निङ’ स्टाटस विगतदेखि नै राजनीतिक र सामाजिक वृत्तमा विशेष चासोको विषय बन्ने गरेको छ।

गत चैतमा पहिलोपटक गृहमन्त्री बनेलगत्तै उनले बिहानै फेसबुकमा ‘गुड मर्निङ’ वा ‘गुड मर्निङ नेपाल’ लेख्ने र लगत्तै प्रहरीबाट उच्चपदस्थ व्यक्तिहरूको पक्राउ तथा कारबाहीका घटना हुने शृङ्खला चलेको थियो।

त्यतिबेला पूर्वप्रधानमन्त्री केपी शर्मा ओली, पूर्वगृहमन्त्री रमेश लेखक तथा काठमाडौँका तत्कालीन प्रमुख जिल्ला अधिकारी छवि रिजाललगायतको पक्राउ र छानबिनका क्रममा गुरुङका ‘गुड मर्निङ’ पोस्टहरू निकै भाइरल भएका थिए।

बिहानै उनको त्यस्तो स्टाटस देख्नासाथ सरकार वा प्रहरीले कुनै विशेष ‘एक्सन’ लिँदैछ कि भन्ने चर्चा र कौतूहल सामाजिक सञ्जालमा चल्ने गरेको थियो।

उक्त शैलीप्रति सार्वजनिक वृत्तमा मिश्रित प्रतिक्रिया आएको थियो। समर्थकहरूले यसलाई सुशासन र भ्रष्टाचारविरुद्धको आक्रामक कदमका रूपमा प्रशंसा गरेका थिए भने आलोचकहरूले पदीय मर्यादा र अनुसन्धानको गोपनीयताविपरीत ‘सस्तो लोकप्रियता’ खोजेको भन्दै आलोचना गरेका थिए।

पछि वैशाखमा बिचौलिया दीपक भट्टसँगको व्यापारिक सम्बन्ध र जग्गा विवादका कारण राजीनामा दिएर छानबिनपश्चात् जेठ २६ मा पुनः गृह मन्त्रालयको जिम्मेवारीमा फर्किएयता गुरुङले त्यस्ता साङ्केतिक ‘गुड मर्निङ’ र ‘काउन्टडाउन’ पोस्ट लेख्न छाडेका छन्।

admin

admin@hamroraptifm.com https://hamroraptifm.com

Leave a Reply

Your email address will not be published. Required fields are marked *

Recent News

Trending News

Editor's Picks

राप्तीमा आइरिस इङ्लिस बोर्डिङ स्कुलको ३०औँ वार्षिकोत्सव तथा अभिभावक दिवस सम्पन्न

राप्ती, चितवन । राप्ती नगरपालिका–२, गड्यौलीस्थित आइरिस इङ्लिस बोर्डिङ स्कुलको ३०औँ वार्षिकोत्सव तथा अभिभावक दिवस कार्यक्रम सम्पन्न भएको छ। विद्यालयले हरेक वर्ष आयोजना गर्दै आएको वार्षिकोत्सव कार्यक्रम यस वर्ष पनि विविध सांस्कृतिक तथा शैक्षिक गतिविधिसहित सम्पन्न गरेको हो। कार्यक्रममा प्रमुख अतिथि मदन पुरी, विद्यालय व्यवस्थापन समिति ( बी.डी. ) का अध्यक्ष कृष्णप्रसाद नहर्की, अभिभावक शिक्षक...

स’नस’नीपूर्ण खुलासा : प्रधानमन्त्रीका सल्लाहकार कुमार बेनविरु’द्धको माइतीघर प्रद’र्शनमा कसले गर्‍यो खर्च व्यवस्थापन ? राजनीतिक कनेक्सनको चर्चा !

प्रधानमन्त्रीका सल्लाहकार कुमार बेनलाई नि’शाना बनाएर मंसिर ४ गते माइतीघर मण्डलामा गरिएको प्रद’र्शनको पर्दापछाडिको आर्थिक व्यवस्थापन र राजनीतिक सम्बन्धबारे ग’म्भीर विवरण बाहिर आएका छन्। प्राप्त विवरणअनुसार, उक्त प्रदर्शनका लागि नेपाल विद्यार्थी संघ (नेविसंघ) मार्फत पर्चा तथा पम्प्लेट तयार गरिएको थियो। त्यसको खर्च व्यवस्थापनमा नेपाली कांग्रेसका सभापति गगनकुमार थापाको सचिवालयसँग जोडिएका व्यक्तिहरूमार्फत समन्वय भएको दा’बी गरिएको...

कर्मचारीलाई चेतावनी दिँदै गृहमन्त्रीको ‘गुडमर्निङ’!

काठमाडौं : गृहमन्त्री सुधन गुरुङले शनिबार बिहान राष्ट्रसेवक कर्मचारीहरूलाई राजनीतिक दलको झोला नबोक्न र नेताको चाकडी नगर्न कडा चेतावनी दिएका छन्। शनिबार बिहान फेसबुकमा लेख्दै उनले सरकार गठन भएदेखि नै कर्मचारीको काम दलको झोला बोक्ने वा नेताको चाकडी गर्ने नभई देश र जनताको सेवा गर्ने हो भनेर स्पष्ट पारिँदै आएको उल्लेख गरेका छन्। नेता र कर्मचारी...

फाप्ला अन्तर्राष्ट्रिय क्रिकेट रंगशाला निर्माणका लागि ठेक्का आह्वान

काठमाडौं, मंसिर ५ – कैलालीको धनगढीस्थित फाप्ला अन्तर्राष्ट्रिय क्रिकेट रंगशाला निर्माण प्रक्रिया अघि बढेको छ । सुदूरपश्चिम प्रदेशको महत्त्वाकांक्षी खेल पूर्वाधार आयोजनाका रूपमा रहेको रंगशाला निर्माणका लागि सरकारले बोलपत्र आह्वान गरेको छ । भौतिक पूर्वाधारमन्त्री सुनिल लम्सालको पहलमा मंसिर ४ गते रंगशालाको पूर्वाधार निर्माणका लागि राष्ट्रिय प्रतिस्पर्धात्मक बोलपत्र (एनसीबी) आह्वान गरिएको हो । भौतिक पूर्वाधार...

एन्फा निलम्बन फुकुवाको प्रक्रिया अघि बढ्यो : खेलकुद मन्त्री पोखरेल

काठमाण्डौ – शिक्षा तथा खेलकुदमन्त्री सस्मित पोखरेलले नेपाली फुटबलमाथि अन्तरराष्ट्रिय फुटबल महासङ्घ (फिफा)ले लगाएको निलम्बन फुकुवाको प्रक्रिया अघि बढेको बताउनुभएको छ । थाइल्यान्डमा फिफा र एशियाली फुटबल महासङ्घ (एएफसी) का अध्यक्षसहितका पदाधिकारीसँग छलफल गरेर स्वदेश फर्किएका मन्त्री पोखरेलले फिफा अध्यक्ष जियानी इन्फान्टिनोलाई नेपाल भ्रमणको निम्तोसमेत दिएको जानकारी दिनुभयो । उहाँका अनुसार निलम्बन फुकुवासँगै फिफा र...

अध्यक्ष : सुभद्रा आले मगर
सम्पादक : राजु थापा
कार्यकारी सम्पादक : पुर्ण बहादुर मगर
सह सम्पादक : अशोक बहादुर परियार
ले आउट : प्रबेश देसार
सवाददाता : अनिल अधिकारी

सम्पर्क

इमेल : infohamroraotifm@gmail.com

मोबाइल : 9762345745

ठेगाना : राप्ती ५ भण्डारा, चितवन , बागमति प्रदेश , नेपाल

कम्पनी विवरणहरू

कला पाठशाला कलेज प्रा.लि द्वारा संचालित पुर्बी चितवनको सर्बाधिक सुनिने हाम्रो राप्ती 88.5 एफ एमको अनलाइन सस्करण हो !

सन्चार रजिस्ट्रारको कार्यालय दर्ता न १४०/०७९/०८०