"हामी सबैको एउटै आवाज"

"हामी सबैको एउटै आवाज"

ट्रेन्डिङ

भ्रष्टाचारबाट लुकाएको सम्पत्तिमा कारबाही गर्न उजुरीको ओइरो

Table of Content


काठमाडौं । उजुरी मागेको दुई सातामै सार्वजनिक पदाधिकारीविरुद्ध सम्पत्ति छानबिन आयोगमा २५० भन्दा बढी उजुरी परेका छन् । गएको वैशाख ३१ गते आयोगले भ्रष्टाचार वा अरू अपराध गरेर सम्पत्ति आर्जन गरेका सार्वजनिक पदाधिकारीविरुद्ध उजुरी आह्वानको सूचना निकालेको थियो ।

प्रधानमन्त्री वालेन्द्र शाह (बालेन) नेतृत्वको मन्त्रिपरिषद्ले सर्वोच्च अदालतका पूर्वन्यायाधीश राजेन्द्रकुमार भण्डारीको अध्यक्षतामा सम्पत्ति छानबिन आयोग गठन गरेको हो । स्वतः छानबिनको सूचीमा पर्ने वा नपर्ने जोकोही सार्वजनिक पदाधिकारीका बारेमा उजुरी दिन सकिने आयोगले जनाएको छ ।

‘सार्वजनिक जिम्मेवारीमा रहेका राजनीतिक पदाधिकारी र कर्मचारीहरूले अस्वाभाविक रूपमा गरेको आर्जन, त्यस्तो आर्जन ती व्यक्तिहरूले आफू, आफ्नो परिवारका सदस्य, आफन्त वा नाता नपर्ने अरू व्यक्तिका नाममा लुकाएको हुन सक्ने’ भन्दै उजुरी मागिएको छ । आयोगका सदस्य एवं प्रवक्ता गणेश केसीले यो अवधिमा २५० भन्दा बढी उजुरी दर्ता भइसकेको जानकारी दिए ।

‘‘अहिलेसम्म ढाई सयभन्दा बढी उजुरी दर्ता भइसकेका छन् । त्यति नै संख्यामा सम्पत्ति विवरणको फाराम पनि प्राप्त भइसकेको छ,’’ नेपाल प्रहरीका पूर्वडीआईजी समेत रहेका प्रवक्ता केसीले बाह्रखरीसँग भने, ‘‘उजुरी र सम्पत्ति विवरण गरेर पाँच सयको संख्यामा होला । हामी अहिले उजुरी र सम्पत्ति विवरण संकलनमै व्यस्त छौँ ।’’

उजुरी खोलिएको छैन । त्यसैले को कसका विरुद्ध उजुरी छन् भनेर भन्न नसकिने उनले बताए ।

उजुरीकर्ताले सार्वजनिक पदाधिकारीले भ्रष्टाचारबाट आर्जित सम्पत्ति नेपाल र विदेशमा जहाँ लुकाएर राखेको भए पनि सूचना दिन सक्नेछन् । शंकास्पद व्यक्तिको सम्पत्तिका विषयमा कार्यालयमै उपस्थित भएर र इमेलमार्फत पनि आयोगमा उजुरी दिइएको छ ।

पूर्वमन्त्री, पूर्वसचिव, सुरक्षा निकायका पदाधिकारी, कर्मचारीलगायत अधिकारीहरूले आफ्नो सम्पत्ति विवरण पनि बुझाइरहेका उनले जानकारी दिए । ‘‘सम्पत्ति विवरण पनि यो दुई साताकै बीचमा ढाई सयको संख्यामा आइसकेको छ,’’ केसीले भने, ‘‘अनलाइनबाट पनि विवरणहरू प्राप्त भइरहेको छ । सम्पत्ति विवरण संकलन कार्य भइरहेको छ, खोलेका छैनौँ ।’’  

आयोगलाई आर्थिक वर्ष २०६२/०६३ देखि २०८२/०८३ चैत मसान्तसम्मको अवधिमा सार्वजनिक पद धारण गरेका राजनीतिक पदाधिकारी, कर्मचारी र उनीहरूका परिवारका नाममा समेत देशविदेशमा रहेका सम्पत्ति विवरण संकलन र छानबिन गरी प्रतिवेदन पेस गर्ने कार्यादेश प्राप्त छ । आयोगलाई पूर्वन्यायाधीश र उच्चपदस्थ सैनिकको पनि सम्पत्ति छानबिन गर्ने अधिकार दिइएको छ ।

सम्पत्ति विवरण फाराम भर्नुपर्ने अधिकारीहरू २५ हजारभन्दा बढी रहेका अनुमान छ ।

आयोगका अध्यक्ष भण्डारीले उजुरीका निम्ति समयसीमा नराखिएको बताए । सम्पत्ति विवरण बुझाउन भने एक महिनाको समय तोकिएको छ ।

“अस्वाभाविक रूपले आर्जन गरेको सम्पत्तिबारे उजुरी दिन समयसीमा तोकिएको छैन, छानबिनका क्रममा जहिले पनि दिन सकिन्छ,” भण्डारीले भने ।

आयोगलाई एक वर्षको म्याद दिइएको छ । स्वतः छानबिनको सूचीमा पर्ने वा नपर्ने जुनसुकै सार्वजनिक जिम्मेवारीमा रहेका राजनीतिक पदाधिकारी र कर्मचारीविरुद्ध गैरकानुनी सम्पत्ति आर्जनका उजुरी दिन सकिने आयोगले जनाएको छ ।

साथै, उनीहरूका परिवारका सदस्य, आफन्त, नातासम्बन्ध, सम्बन्ध नै नपर्ने अरू व्यक्तिका नाममा सम्पत्ति राखेको सूचना आयोगलाई दिन सकिनेछ ।

admin

admin@hamroraptifm.com https://hamroraptifm.com

Leave a Reply

Your email address will not be published. Required fields are marked *

Recent News

Trending News

Editor's Picks

शाहको फेसबुक पोस्टले फोहोर संकलन रोकिएको मुद्दामा सर्वोच्चले दियो ११ बुँदे निर्देशनात्मक आदेश 

काठमाडौँ — ‘आजबाट सिंहदरबारको फोहोर उठ्दैन । साच्चिकै देश सफा गर्नु परे, त्यहाँका नेताहरूलाई सिसडोलमा डम्प गर्नुपर्ने हुन्छ ।’काठमाडौं महानगरपालिकाका तत्कालीन मेयर र हालका प्रधानमन्त्री वालेन्द्र शाहले २५ चैत २०७९ मा लेखेको फेसबुक पोस्ट हो यो ।  यो पोस्टकै आधारमा काठमाडौं महानगरपालिकाले मुलुकको प्रमुख प्रशासनिक केन्द्र सिंहदरबार, राष्ट्रपति कार्यालय शीतल निवास र प्रधानमन्त्री निवास बालुवाटारको फोहोर उठाउन बन्द...

४ महिनामा २३ प्रतिशत बजेट खर्च, पूँजीगत खर्च साढे ७ प्रतिशतमा सीमित

काठमाण्डाै – चालू आर्थिक वर्ष २०८३/८४ को पहिलो चार महिनामा सरकारले वार्षिक बजेटको २३.३७ प्रतिशत मात्रै खर्च गरेको छ । महालेखा नियन्त्रक कार्यालयका अनुसार कात्तिक मसान्तसम्ममा सरकारले कुल ४ खर्ब ९६ अर्ब ५२ करोड रुपैयाँ खर्च गरेको हो । बजेट खर्चमध्ये चालूतर्फ सबैभन्दा धेरै २७.२९ प्रतिशत खर्च भएको छ । चालू शीर्षकमा विनियोजित १२ खर्ब ७० अर्ब...

राष्ट्रिय कर दिवसको अवसरमा १९ विधामा करदाता सम्मानित

काठमाण्डौ – राष्ट्रिय कर दिवसको अवसरमा सरकारले विभिन्न १९ विधामा उत्कृष्ट करदातालाई सम्मान गरेको छ । आज काठमाण्डौमा भएको कार्यक्रममा अर्थमन्त्री डा. स्वर्णिम वाग्लेले करदाताहरुलाई सम्मान गर्नुभयो । सरकारले यस वर्ष भाटभटेनी सुपरमार्केटलाई विशेष सम्मान गरेको छ । नवयुवा आन्दोलनका बेला भाटभटेनीका १२ स्टोरमा आगजनी, लुटपाट र तोडफोड भएको थियो । ठूलो क्षति हुँदा पनि...

भरतपुर अस्पतालमा चाडपर्वपछि बिरामीको चाप, ५०० बेडको स्वीकृति भएपनि १०० बेडको मात्र दरबन्दीले सञ्चालनमा कठिनाइ

भरतपुर, मंसिर १- भरतपुर अस्पतालमा चाडपर्व पछिको समयमा बिरामीहरूको भीड लागेको छ। अस्पतालका प्रमुख मेडिकल सुपरिटेन्डेन्ट डा विश्वबन्धु बगालेका अनुसार लामो बिदा र चाडपर्वका बेला खानपानको शैलीमा हुने परिवर्तनका कारण नियमित स्वास्थ्य जाँच गराउने तथा औषधि सेवन गर्ने बिरामीहरूको चाप बढेको हो। डा बगालेले दिएको जानकारी अनुसार असार, साउन, भदौ र असोज महिनाको अन्त्यसम्म अस्पतालमा...

राप्ती नदी बचाउन जुटे स्थानीय, १६ भन्दा बढी स्थानमा एकैसाथ सरसफाइ अभियान !

राप्ती, चितवन। ‘स्वच्छ राप्ती, स्वस्थ समाज, समृद्ध राप्ती’ भन्ने नारासहित चौथो राप्ती नदी दिवसको अवसरमा राप्ती नदीका विभिन्न स्थानमा सरसफाइ अभियान सम्पन्न भएको छ। नदी तथा जलस्रोतको संरक्षण, स्वच्छ वातावरण निर्माण र जनचेतना अभिवृद्धि गर्ने उद्देश्यले मंसिर १ गते बिहान ७ बजेदेखि अभियान सञ्चालन गरिएको हो। अभियानअन्तर्गत भिमफेदी, हेटौंडा राप्ती पुल, मनहरी, लोथर, सौराहा ड्याक,...

अध्यक्ष : सुभद्रा आले मगर
सम्पादक : राजु थापा
कार्यकारी सम्पादक : पुर्ण बहादुर मगर
सह सम्पादक : अशोक बहादुर परियार
ले आउट : प्रबेश देसार
सवाददाता : अनिल अधिकारी

सम्पर्क

इमेल : infohamroraotifm@gmail.com

मोबाइल : 9762345745

ठेगाना : राप्ती ५ भण्डारा, चितवन , बागमति प्रदेश , नेपाल

कम्पनी विवरणहरू

कला पाठशाला कलेज प्रा.लि द्वारा संचालित पुर्बी चितवनको सर्बाधिक सुनिने हाम्रो राप्ती 88.5 एफ एमको अनलाइन सस्करण हो !

सन्चार रजिस्ट्रारको कार्यालय दर्ता न १४०/०७९/०८०