भरतपुर । नेशनल क्याम्पियन फर एजुकेसन (एनसिई) नेपाल र गैर सरकारी संस्था महासंघ नेपाल चितवन शाखाले मंगलबार दीप प्रज्ज्वलन गरी शिक्षाका लागि विश्वव्यापी कार्य सप्ताह सुरु गरेको छ । भरतपुर चौबिसकोठीमा दीप प्रज्वलन गरी सप्ताह सुरु भएको घोषणा एनसिई नेपालका संयोजक तथा गैसस महासंघ चितवनका अध्यक्ष रामचन्द्र आचार्यले गरेका थिए । उनका अनुसार सप्ताह कार्यक्रम चितवनमा वैशाख ८ देखि १४ गतेसम्म हुनेछ ।
उनका अनुसार सप्ताहव्यापी कार्यक्रमअन्तर्गत नीतिगत बहस तथा अन्तक्र्रिया कार्यक्रम, ऐक्यबद्धता ¥याली, भर्ना अभियान, सुझावपत्र हस्तान्तरण, रेडियो जिङ्गल र सामाजिक सञ्चालको परिचालन रहेको छ । एनसिई नेपालका सचिव कमलराज खनालले आगामी आइतबार शिक्षाका लागि नीतिगत बहस तथा अन्तक्र्रिया कार्यक्रम हुने जानकारी दिए ।
‘शिक्षामा पर्याप्त लगानीको लागि अभियानको ज्योति बालिराखौँ भन्ने नाराका साथ सप्ताह कार्यक्रम हुने अध्यक्ष आचार्यले बताए ।
एनसिई नेपालले निःशुल्क सार्वजनिक शिक्षा उपलब्ध गराउन सरकारलाई दबाब दिइरहेको छ ।
