पुर्ण बहादुर मगर
चैत्र ३ / भण्डारा
राप्ती नगरपालिका वडा नं ६ अन्र्तगत रहेका ३० घरपरिवारलाई विजुलीबाट चल्ने चुलहो वितरण गरिएको छ । मंगलवार चितवन राष्ट्रिय निकुञ्ज खगेन्द्रमल्ली उपभोत्त,ा समुह अन्तृगतको राप्ती एकता मध्यवर्ती सामुदायिक वन उपभोक्ता समुहले आफ्नो १३ औँ बार्षिक साधरण सभामा विजुलीबाट बल्ने चुल्हो वितरण गरेको हो । कार्यक्रम राप्ती नगरपालिका नगर प्रमुख शमशेर लामाले स्थानीय सरकारले गर्नुपर्ने काम र क्रियाकलापमा सामुदायिक वन आफै सक्रिय भएकोमा खुशि व्यक्त गरे । प्रमुख लामाले यस वनले पर्यावरणमा समेत उल्लेखनिय काम गरेको बताए । अहिले अधिकांश वन घाटामा छन तर पनि राप्ती एकताले आफ्नै आम्दानी सहित प्रदेश सम्म पुगेर उपभोक्तालाई सक्रिय बनाएको बताए । आगामी दिनमा नगरपालिकाले सहयोग गर्ने प्रतिवद्धता जाहेर गरे ।
कार्यक्रममा बोल्दै प्रर्वी सेक्टर सौरहाका संरक्षण अधिकृत रविन चौधरीले वनको संरक्षणमा स्थानीयको भुमिको बिषयमा प्रकाश पारेका थिए । उनले वन जोगाउन पर्ने र यसको लागि स्थानीयस्तर वाटै सक्रियता आवश्यक रहेको भन्दै सवैलाई सहयोग गर्न अनुरोध गरे । कार्यक्रममा खगेन्द्रमल्ली उपभोक्ता समुहका अध्यक्ष धर्मराज सेढाई,वडा नं ६ का वडा सदस्य राजकुमार तामाङ,खगेन्द्मल्ली रेन्ज पोष्टका रञ्जर अक्षय चौधरी, देवीस्थान मध्यवर्ती सामुदायिक वन उपभोक्ता समुहका अध्यक्ष विक्रम चौधरी लगायतकाले शुभकामना मन्तव्य राखेका थिए ।
सभामा संस्थाका सचिव टाइसन लामाले बार्षिक प्रगती प्रतिवेदन तथा आर्थिक प्रतिवेदन प्रस्तुत गरेका थिए भने संस्थाकी कोषाध्यक्ष राधा चौधरीले स्वागत मन्तव्य राखेकी थिइन । कार्यक्रम समुहका अध्यक्ष द्धारिकाराज सेढाइको अध्यक्षतामा सम्पन्न भएको थियो ।
