"हामी सबैको एउटै आवाज"

"हामी सबैको एउटै आवाज"

ट्रेन्डिङ

चितवनका युवा समाजसेवी शेरबहादुर परियारद्वारा बाढी पिढित र अभिभावकविहीन विद्यार्थीलाई गरे सहयोग

Table of Content

रसुवा : चितवनका युवा समाजसेवी तथा पर्यटन व्यवसायी शेरबहादुर परियारले बाढी र भूकम्पबाट प्रभावित तथा अभिभावक गुमाएका विद्यार्थीको सहयोगका लागि खाद्यान्न उपलब्ध गराउनुका साथै अधुरो छात्रावास भवन निर्माण सम्पन्न गर्ने जिम्मेवारी लिएका छन् ।

रसुवा र नुवाकोटको सिमानामा पर्ने उत्तरगया गाउँपालिका–५ वेत्रावतीस्थित नीलकण्ठ माध्यमिक विद्यालयमा आश्रित १५७ विद्यार्थीका लागि परियार र जर्मन नागरिक हार्टमुट ड्राम्सटसको संयुक्त पहलमा दुई महिनालाई पुग्ने खाद्यान्न सहयोग गरिएको हो । स्थानीय सरकारसँग समन्वय गरी उपलब्ध गराइएको उक्त सहयोग विशेषगरी २०७२ सालको भूकम्प र गत भदौ १० गतेको बाढीबाट प्रभावित, अभिभावक गुमाएका तथा विपन्न परिवारका विद्यार्थीलाई लक्षित गरी सञ्चालन गरिएको आवासीय सुविधाका लागि हो ।

खाद्यान्न सहयोग हस्तान्तरण कार्यक्रममा समाजसेवी शेरबहादुर परियारसँगै उनका भाइ शिरलाल परियार, व्यवसायी शान्तामणि न

हर्की तथा स्थानीय विप्लव खड्का र ऋतृ ग्याम्दानको उपस्थिति थियो । कार्यक्रममा उत्तरगया गाउँपालिका–५ का वडाध्यक्ष यमनाथ आचार्य र विद्यालयका प्रधानाध्यापक माधव लामिछानेलाई खाद्यान्न हस्तान्तरण गरिएको थियो ।

खाद्यान्न सहयोगसँगै अधुरो छात्रावास निर्माणको जिम्मेवारी

861801738_1109048341878711_3565934181377327738_n.jpg

खाद्यान्न हस्तान्तरणपछि परियारसहितको टोलीले बाढी प्रभावित क्षेत्रको स्थलगत निरीक्षण गरेको थियो । निरीक्षणका क्रममा उनले विद्यार्थीको आवासीय सुविधा थप व्यवस्थित बनाउन अधुरो अवस्थामा रहेको साढे दुईतले छात्रावास भवन निर्माण सम्पन्न गर्ने जिम्मेवारीसमेत लिएको घोषणा गरे ।

बाढीबाट प्रभावित, अभिभावक गुमाएका तथा विपन्न परिवारका बालबालिकालाई सुरक्षित आवाससहित अध्ययनको वातावरण उपलब्ध गराउने उद्देश्यले छात्रावास निर्माण गरिएको भए पनि आवश्यक पूर्वाधार र खाद्यान्न व्यवस्थापनमा समस्या रहँदै आएको थियो ।

विद्यालयका प्रधानाध्यापक माधव लामिछानेले विद्यार्थीको आवासीय व्यवस्थापन र नियमित सञ्चालनमा कठिनाइ भइरहेको अवस्थामा खाद्यान्न सहयोगसँगै अधुरो भवनसमेत निर्माण सम्पन्न गरिदिने प्रतिबद्धता आउनु खुसीको विषय भएको बताए ।

विद्यार्थीका लागि खाद्यान्नको व्यवस्था र छात्रावास निर्माण सम्पन्न गर्ने पहलले विपन्न तथा संकटबाट प्रभावित बालबालिकाको शिक्षा निरन्तरता र आवासीय व्यवस्थापनमा सहयोग पुग्ने अपेक्षा गरिएको छ ।

admin

admin@hamroraptifm.com https://hamroraptifm.com

Leave a Reply

Your email address will not be published. Required fields are marked *

Recent News

Trending News

Editor's Picks

शाहको फेसबुक पोस्टले फोहोर संकलन रोकिएको मुद्दामा सर्वोच्चले दियो ११ बुँदे निर्देशनात्मक आदेश 

काठमाडौँ — ‘आजबाट सिंहदरबारको फोहोर उठ्दैन । साच्चिकै देश सफा गर्नु परे, त्यहाँका नेताहरूलाई सिसडोलमा डम्प गर्नुपर्ने हुन्छ ।’काठमाडौं महानगरपालिकाका तत्कालीन मेयर र हालका प्रधानमन्त्री वालेन्द्र शाहले २५ चैत २०७९ मा लेखेको फेसबुक पोस्ट हो यो ।  यो पोस्टकै आधारमा काठमाडौं महानगरपालिकाले मुलुकको प्रमुख प्रशासनिक केन्द्र सिंहदरबार, राष्ट्रपति कार्यालय शीतल निवास र प्रधानमन्त्री निवास बालुवाटारको फोहोर उठाउन बन्द...

४ महिनामा २३ प्रतिशत बजेट खर्च, पूँजीगत खर्च साढे ७ प्रतिशतमा सीमित

काठमाण्डाै – चालू आर्थिक वर्ष २०८३/८४ को पहिलो चार महिनामा सरकारले वार्षिक बजेटको २३.३७ प्रतिशत मात्रै खर्च गरेको छ । महालेखा नियन्त्रक कार्यालयका अनुसार कात्तिक मसान्तसम्ममा सरकारले कुल ४ खर्ब ९६ अर्ब ५२ करोड रुपैयाँ खर्च गरेको हो । बजेट खर्चमध्ये चालूतर्फ सबैभन्दा धेरै २७.२९ प्रतिशत खर्च भएको छ । चालू शीर्षकमा विनियोजित १२ खर्ब ७० अर्ब...

राष्ट्रिय कर दिवसको अवसरमा १९ विधामा करदाता सम्मानित

काठमाण्डौ – राष्ट्रिय कर दिवसको अवसरमा सरकारले विभिन्न १९ विधामा उत्कृष्ट करदातालाई सम्मान गरेको छ । आज काठमाण्डौमा भएको कार्यक्रममा अर्थमन्त्री डा. स्वर्णिम वाग्लेले करदाताहरुलाई सम्मान गर्नुभयो । सरकारले यस वर्ष भाटभटेनी सुपरमार्केटलाई विशेष सम्मान गरेको छ । नवयुवा आन्दोलनका बेला भाटभटेनीका १२ स्टोरमा आगजनी, लुटपाट र तोडफोड भएको थियो । ठूलो क्षति हुँदा पनि...

भरतपुर अस्पतालमा चाडपर्वपछि बिरामीको चाप, ५०० बेडको स्वीकृति भएपनि १०० बेडको मात्र दरबन्दीले सञ्चालनमा कठिनाइ

भरतपुर, मंसिर १- भरतपुर अस्पतालमा चाडपर्व पछिको समयमा बिरामीहरूको भीड लागेको छ। अस्पतालका प्रमुख मेडिकल सुपरिटेन्डेन्ट डा विश्वबन्धु बगालेका अनुसार लामो बिदा र चाडपर्वका बेला खानपानको शैलीमा हुने परिवर्तनका कारण नियमित स्वास्थ्य जाँच गराउने तथा औषधि सेवन गर्ने बिरामीहरूको चाप बढेको हो। डा बगालेले दिएको जानकारी अनुसार असार, साउन, भदौ र असोज महिनाको अन्त्यसम्म अस्पतालमा...

राप्ती नदी बचाउन जुटे स्थानीय, १६ भन्दा बढी स्थानमा एकैसाथ सरसफाइ अभियान !

राप्ती, चितवन। ‘स्वच्छ राप्ती, स्वस्थ समाज, समृद्ध राप्ती’ भन्ने नारासहित चौथो राप्ती नदी दिवसको अवसरमा राप्ती नदीका विभिन्न स्थानमा सरसफाइ अभियान सम्पन्न भएको छ। नदी तथा जलस्रोतको संरक्षण, स्वच्छ वातावरण निर्माण र जनचेतना अभिवृद्धि गर्ने उद्देश्यले मंसिर १ गते बिहान ७ बजेदेखि अभियान सञ्चालन गरिएको हो। अभियानअन्तर्गत भिमफेदी, हेटौंडा राप्ती पुल, मनहरी, लोथर, सौराहा ड्याक,...

अध्यक्ष : सुभद्रा आले मगर
सम्पादक : राजु थापा
कार्यकारी सम्पादक : पुर्ण बहादुर मगर
सह सम्पादक : अशोक बहादुर परियार
ले आउट : प्रबेश देसार
सवाददाता : अनिल अधिकारी

सम्पर्क

इमेल : infohamroraotifm@gmail.com

मोबाइल : 9762345745

ठेगाना : राप्ती ५ भण्डारा, चितवन , बागमति प्रदेश , नेपाल

कम्पनी विवरणहरू

कला पाठशाला कलेज प्रा.लि द्वारा संचालित पुर्बी चितवनको सर्बाधिक सुनिने हाम्रो राप्ती 88.5 एफ एमको अनलाइन सस्करण हो !

सन्चार रजिस्ट्रारको कार्यालय दर्ता न १४०/०७९/०८०