"हामी सबैको एउटै आवाज"

"हामी सबैको एउटै आवाज"

ट्रेन्डिङ

चितवनमा रक्तदान प्रिमियर लिग हुँदै, विजेता टोलीलाई एक लाख रुपैयाँ पुरस्कार

Table of Content

भरतपुर, असोज २९-

रक्तदान संस्कृतिको विकास, युवापुस्तामा मानवीय सेवाभावको अभिवृद्धि तथा रक्तदानसम्बन्धी जनचेतना विस्तार गर्ने उद्देश्यले चितवनमा ‘रक्तदान प्रिमियर लिग’ आयोजना हुने भएको छ। नेपाल रक्तदाता संगठनको आयोजनामा सञ्चालन हुन लागेको उक्त प्रिमियर लिग आगामी मङ्सिर महिनादेखि सुरु हुने भएको हो।

रक्तदानलाई सामाजिक अभियानका रूपमा स्थापित गर्दै विद्यालय तहदेखि नै विद्यार्थीहरूलाई मानवीय सेवामा सहभागी गराउने लक्ष्यसहित प्रिमियर लिग आयोजना गर्न लागिएको आयोजकले जनाएको छ। पछिल्लो समय अस्पतालहरूमा रगतको आवश्यकता बढ्दै गएको अवस्थामा नियमित रक्तदानको महत्त्व बुझाउने, नयाँ रक्तदाता तयार गर्ने र युवाहरूलाई रक्तदान अभियानसँग जोड्ने उद्देश्यले यो कार्यक्रम अघि बढाइएको हो।

उक्त प्रिमियर लिगमा कक्षा १२ वा सोभन्दा माथि सञ्चालन भएका विद्यालय तथा शैक्षिक संस्थाहरूमा अध्ययनरत युवाहरुले सहभागिता जनाउन सक्नेछन्। विद्यार्थी, शिक्षक तथा शैक्षिक संस्थालाई रक्तदान अभियानमा सक्रिय बनाउँदै स्वस्थ प्रतिस्पर्धामार्फत सामाजिक उत्तरदायित्वको भावना विकास गर्ने आयोजकको अपेक्षा छ।

प्रिमियर लिगलाई थप आकर्षक र प्रभावकारी बनाउन प्रतियोगिता तीन चरणमा सञ्चालन गरिनेछ। विभिन्न चरणमा रक्तदान, जनचेतना तथा सिर्जनात्मक गतिविधिमार्फत सहभागी शैक्षिक संस्थाहरूको सक्रियता र योगदानलाई मूल्याङ्कन गरिने अवधारणा रहेको छ। प्रतियोगितामा सहभागी टोलीहरूले रक्तदानको महत्त्व र आवश्यकताबारे समुदायमा सन्देश प्रवाह गर्ने अवसरसमेत प्राप्त गर्नेछन्।

प्रतियोगिताको विजेता टोलीलाई नगद एक लाख रुपैयाँ, ट्रफी तथा विशेष सम्मान प्रदान गरिनेछ। पुरस्कारले सहभागी शैक्षिक संस्था र विद्यार्थीहरूलाई रक्तदान अभियानमा थप उत्साहित बनाउने विश्वास आयोजकले लिएको छ। प्रतियोगितामार्फत रक्तदानलाई केवल एकदिने कार्यक्रमका रूपमा नभई निरन्तर सञ्चालन हुने सामाजिक अभियानका रूपमा विकास गर्ने लक्ष्य राखिएको छ।

यस प्रिमियर लिगमा रक्तदान कार्यक्रमका अतिरिक्त वक्तृत्वकला प्रतियोगिता, कविता प्रतियोगिता, भिडियो तथा टिकटक प्रतियोगिता, प्रश्नोत्तर प्रतियोगिता, चित्रकला तथा फोटोग्राफी प्रतियोगिता र सार्वजनिक जनचेतना कार्यक्रमजस्ता गतिविधिहरू पनि समावेश गर्ने योजना रहेको छ। यस्ता गतिविधिले विद्यार्थीहरूको प्रतिभा प्रस्फुटन गर्नुका साथै रक्तदानसम्बन्धी सकारात्मक सन्देश समाजका विभिन्न तहसम्म पुर्‍याउन सहयोग गर्ने अपेक्षा गरिएको छ।

नेपाल रक्तदाता संगठनले रक्तदानसम्बन्धी जनचेतना अभिवृद्धि, रक्तदाता परिचालन तथा आवश्यक परेको समयमा रगतको सहज उपलब्धताका लागि विभिन्न अभियान सञ्चालन गर्दै आएको छ। रक्तदान प्रिमियर लिगलाई पनि सोही अभियानको एक नवीन र प्रभावकारी कार्यक्रमका रूपमा अघि बढाउन लागिएको हो।

आयोजकका अनुसार यस कार्यक्रमले शैक्षिक संस्था, विद्यार्थी, युवा, सामाजिक संघसंस्था तथा विभिन्न सरोकारवालाबीच सहकार्यको वातावरण निर्माण गर्नेछ। साथै, रक्तदानसम्बन्धी विद्यमान भ्रम र गलत धारणालाई हटाउँदै नियमित रक्तदान गर्न सक्ने स्वस्थ व्यक्तिहरूलाई यस अभियानमा जोड्न मद्दत पुग्ने विश्वास गरिएको छ।

आगामी मङ्सिरदेखि सुरु हुने रक्तदान प्रिमियर लिगले चितवनमा रक्तदान अभियानलाई नयाँ उचाइमा पुर्‍याउनुका साथै अन्य जिल्लामा समेत यस्तै रचनात्मक अभियान सञ्चालन गर्न प्रेरणा दिने अपेक्षा गरिएको छ। मानवीय सेवामा युवाको सहभागिता बढाउने र आवश्यकतामा परेका बिरामीका लागि रगतको उपलब्धता सहज बनाउन सहयोग पुर्‍याउने यस अभियानलाई सफल बनाउन सबै शैक्षिक संस्था तथा सरोकारवालाको सहकार्य महत्त्वपूर्ण हुने देखिन्छ।

admin

admin@hamroraptifm.com https://hamroraptifm.com

Leave a Reply

Your email address will not be published. Required fields are marked *

Recent News

Trending News

Editor's Picks

शाहको फेसबुक पोस्टले फोहोर संकलन रोकिएको मुद्दामा सर्वोच्चले दियो ११ बुँदे निर्देशनात्मक आदेश 

काठमाडौँ — ‘आजबाट सिंहदरबारको फोहोर उठ्दैन । साच्चिकै देश सफा गर्नु परे, त्यहाँका नेताहरूलाई सिसडोलमा डम्प गर्नुपर्ने हुन्छ ।’काठमाडौं महानगरपालिकाका तत्कालीन मेयर र हालका प्रधानमन्त्री वालेन्द्र शाहले २५ चैत २०७९ मा लेखेको फेसबुक पोस्ट हो यो ।  यो पोस्टकै आधारमा काठमाडौं महानगरपालिकाले मुलुकको प्रमुख प्रशासनिक केन्द्र सिंहदरबार, राष्ट्रपति कार्यालय शीतल निवास र प्रधानमन्त्री निवास बालुवाटारको फोहोर उठाउन बन्द...

४ महिनामा २३ प्रतिशत बजेट खर्च, पूँजीगत खर्च साढे ७ प्रतिशतमा सीमित

काठमाण्डाै – चालू आर्थिक वर्ष २०८३/८४ को पहिलो चार महिनामा सरकारले वार्षिक बजेटको २३.३७ प्रतिशत मात्रै खर्च गरेको छ । महालेखा नियन्त्रक कार्यालयका अनुसार कात्तिक मसान्तसम्ममा सरकारले कुल ४ खर्ब ९६ अर्ब ५२ करोड रुपैयाँ खर्च गरेको हो । बजेट खर्चमध्ये चालूतर्फ सबैभन्दा धेरै २७.२९ प्रतिशत खर्च भएको छ । चालू शीर्षकमा विनियोजित १२ खर्ब ७० अर्ब...

राष्ट्रिय कर दिवसको अवसरमा १९ विधामा करदाता सम्मानित

काठमाण्डौ – राष्ट्रिय कर दिवसको अवसरमा सरकारले विभिन्न १९ विधामा उत्कृष्ट करदातालाई सम्मान गरेको छ । आज काठमाण्डौमा भएको कार्यक्रममा अर्थमन्त्री डा. स्वर्णिम वाग्लेले करदाताहरुलाई सम्मान गर्नुभयो । सरकारले यस वर्ष भाटभटेनी सुपरमार्केटलाई विशेष सम्मान गरेको छ । नवयुवा आन्दोलनका बेला भाटभटेनीका १२ स्टोरमा आगजनी, लुटपाट र तोडफोड भएको थियो । ठूलो क्षति हुँदा पनि...

भरतपुर अस्पतालमा चाडपर्वपछि बिरामीको चाप, ५०० बेडको स्वीकृति भएपनि १०० बेडको मात्र दरबन्दीले सञ्चालनमा कठिनाइ

भरतपुर, मंसिर १- भरतपुर अस्पतालमा चाडपर्व पछिको समयमा बिरामीहरूको भीड लागेको छ। अस्पतालका प्रमुख मेडिकल सुपरिटेन्डेन्ट डा विश्वबन्धु बगालेका अनुसार लामो बिदा र चाडपर्वका बेला खानपानको शैलीमा हुने परिवर्तनका कारण नियमित स्वास्थ्य जाँच गराउने तथा औषधि सेवन गर्ने बिरामीहरूको चाप बढेको हो। डा बगालेले दिएको जानकारी अनुसार असार, साउन, भदौ र असोज महिनाको अन्त्यसम्म अस्पतालमा...

राप्ती नदी बचाउन जुटे स्थानीय, १६ भन्दा बढी स्थानमा एकैसाथ सरसफाइ अभियान !

राप्ती, चितवन। ‘स्वच्छ राप्ती, स्वस्थ समाज, समृद्ध राप्ती’ भन्ने नारासहित चौथो राप्ती नदी दिवसको अवसरमा राप्ती नदीका विभिन्न स्थानमा सरसफाइ अभियान सम्पन्न भएको छ। नदी तथा जलस्रोतको संरक्षण, स्वच्छ वातावरण निर्माण र जनचेतना अभिवृद्धि गर्ने उद्देश्यले मंसिर १ गते बिहान ७ बजेदेखि अभियान सञ्चालन गरिएको हो। अभियानअन्तर्गत भिमफेदी, हेटौंडा राप्ती पुल, मनहरी, लोथर, सौराहा ड्याक,...

अध्यक्ष : सुभद्रा आले मगर
सम्पादक : राजु थापा
कार्यकारी सम्पादक : पुर्ण बहादुर मगर
सह सम्पादक : अशोक बहादुर परियार
ले आउट : प्रबेश देसार
सवाददाता : अनिल अधिकारी

सम्पर्क

इमेल : infohamroraotifm@gmail.com

मोबाइल : 9762345745

ठेगाना : राप्ती ५ भण्डारा, चितवन , बागमति प्रदेश , नेपाल

कम्पनी विवरणहरू

कला पाठशाला कलेज प्रा.लि द्वारा संचालित पुर्बी चितवनको सर्बाधिक सुनिने हाम्रो राप्ती 88.5 एफ एमको अनलाइन सस्करण हो !

सन्चार रजिस्ट्रारको कार्यालय दर्ता न १४०/०७९/०८०