"हामी सबैको एउटै आवाज"

"हामी सबैको एउटै आवाज"

ट्रेन्डिङ

रास्वपाका सांसद राजेश कुमार चौधरीको अडियो भाइरल: ‘आउँदो निर्वाचनमा क्षेत्र नम्बर १ का ४१ वटै वार्डमा घण्टीको हार हुने’ दाबी

Table of Content

रौतहट । राष्ट्रिय स्वतन्त्र पार्टी (रास्वपा) का रौतहट क्षेत्र नम्बर १ का प्रतिनिधिसभा सदस्य राजेश कुमार चौधरीको भनिएको एउटा अडियो सामाजिक सञ्जालमा भाइरल भएको छ। अडियोमा पार्टीको कार्यशैली र संगठनात्मक अवस्थाप्रति असन्तुष्टि व्यक्त गर्दै आगामी निर्वाचनमा क्षेत्रका ४१ वटै वडामा पार्टी पराजित हुन सक्ने दाबी गरिएको सुनिन्छ।

भाइरल अडियोमा पार्टीको वर्तमान कार्यशैली नसुध्रिए रौतहट क्षेत्र नम्बर १ का कुनै पनि वडामा रास्वपाले जित हासिल गर्न नसक्ने आशय व्यक्त गरिएको छ। अडियोमा पार्टीको संगठनात्मक अवस्था कमजोर हुन सक्ने भन्दै नेतृत्वको कार्यशैलीप्रति प्रश्नसमेत उठाइएको छ।

‘४१ वटै वडामा जित्न सकिँदैन’

अडियोमा भनिएको छ, “आउने समयमा १ नम्बर क्षेत्रका ४१ वटा वार्डमध्ये एउटा वार्डमा पनि नजित्ने गरी माइन्ड मेकअप गरेर राख। पार्टीको जुन रवैया छ, यसले ४१ मा एउटा वार्ड पनि जित्न सकिँदैन।”

अडियोमा आगामी निर्वाचन आउन करिब १० महिना बाँकी रहेको उल्लेख गर्दै पार्टीको अवस्था नसुध्रिए चुनावका बेला स्थानीय मतदातामाझ जानसमेत कठिन हुन सक्ने आशय व्यक्त गरिएको छ।

त्यस्तै, पार्टीको चुनाव चिह्न ‘घण्टी’ कै आधारमा मात्रै निर्वाचन जित्न सकिन्छ कि सकिँदैन भन्ने विषय आगामी १० महिनाभित्र स्पष्ट हुने भनाइ पनि अडियोमा सुनिन्छ।

अडियोमा भनिएको छ

 “धेरै दिन बाँकी छैन, अब १० मिनेटको समय छ। चुनावको समय आएपछि रौतहटको मान्छेहरूलाई अनुहार देखाउन पनि गाह्रो हुन्छ। म त फेरि आफ्नै नामबाट चुनाव लड्छु भन्ने आशा पनि गरेको छैन, र त्यो परिस्थिति नहोस्। यदि तिमीहरू सन्तुष्ट छौ भने आशा गर, तर चुनाव लडेपछि सङ्गठन पूरै सफा हुन्छ, धेरै समय लाग्दैन।”

अडियोको आधिकारिकता पुष्टि हुन बाँकी

आफ्नै पार्टीका सांसदको भनिएको अडियो सार्वजनिक भएपछि रास्वपाको स्थानीय संगठन र नेतृत्वको कार्यशैलीबारे विभिन्न प्रश्न उठेका छन्। यद्यपि, अडियोको आधिकारिकता स्वतन्त्र रूपमा पुष्टि भएको छैन।

यस विषयमा सांसद राजेश कुमार चौधरी वा राष्ट्रिय स्वतन्त्र पार्टीको आधिकारिक प्रतिक्रिया सार्वजनिक भएको जानकारी उपलब्ध छैन। अडियोको वास्तविकता, सन्दर्भ र अभिव्यक्तिको आधिकारिकताबारे सम्बन्धित पक्षको प्रतिक्रिया आएपछि थप स्पष्ट हुनेछ।

admin

admin@hamroraptifm.com https://hamroraptifm.com

Leave a Reply

Your email address will not be published. Required fields are marked *

Recent News

Trending News

Editor's Picks

शाहको फेसबुक पोस्टले फोहोर संकलन रोकिएको मुद्दामा सर्वोच्चले दियो ११ बुँदे निर्देशनात्मक आदेश 

काठमाडौँ — ‘आजबाट सिंहदरबारको फोहोर उठ्दैन । साच्चिकै देश सफा गर्नु परे, त्यहाँका नेताहरूलाई सिसडोलमा डम्प गर्नुपर्ने हुन्छ ।’काठमाडौं महानगरपालिकाका तत्कालीन मेयर र हालका प्रधानमन्त्री वालेन्द्र शाहले २५ चैत २०७९ मा लेखेको फेसबुक पोस्ट हो यो ।  यो पोस्टकै आधारमा काठमाडौं महानगरपालिकाले मुलुकको प्रमुख प्रशासनिक केन्द्र सिंहदरबार, राष्ट्रपति कार्यालय शीतल निवास र प्रधानमन्त्री निवास बालुवाटारको फोहोर उठाउन बन्द...

४ महिनामा २३ प्रतिशत बजेट खर्च, पूँजीगत खर्च साढे ७ प्रतिशतमा सीमित

काठमाण्डाै – चालू आर्थिक वर्ष २०८३/८४ को पहिलो चार महिनामा सरकारले वार्षिक बजेटको २३.३७ प्रतिशत मात्रै खर्च गरेको छ । महालेखा नियन्त्रक कार्यालयका अनुसार कात्तिक मसान्तसम्ममा सरकारले कुल ४ खर्ब ९६ अर्ब ५२ करोड रुपैयाँ खर्च गरेको हो । बजेट खर्चमध्ये चालूतर्फ सबैभन्दा धेरै २७.२९ प्रतिशत खर्च भएको छ । चालू शीर्षकमा विनियोजित १२ खर्ब ७० अर्ब...

राष्ट्रिय कर दिवसको अवसरमा १९ विधामा करदाता सम्मानित

काठमाण्डौ – राष्ट्रिय कर दिवसको अवसरमा सरकारले विभिन्न १९ विधामा उत्कृष्ट करदातालाई सम्मान गरेको छ । आज काठमाण्डौमा भएको कार्यक्रममा अर्थमन्त्री डा. स्वर्णिम वाग्लेले करदाताहरुलाई सम्मान गर्नुभयो । सरकारले यस वर्ष भाटभटेनी सुपरमार्केटलाई विशेष सम्मान गरेको छ । नवयुवा आन्दोलनका बेला भाटभटेनीका १२ स्टोरमा आगजनी, लुटपाट र तोडफोड भएको थियो । ठूलो क्षति हुँदा पनि...

भरतपुर अस्पतालमा चाडपर्वपछि बिरामीको चाप, ५०० बेडको स्वीकृति भएपनि १०० बेडको मात्र दरबन्दीले सञ्चालनमा कठिनाइ

भरतपुर, मंसिर १- भरतपुर अस्पतालमा चाडपर्व पछिको समयमा बिरामीहरूको भीड लागेको छ। अस्पतालका प्रमुख मेडिकल सुपरिटेन्डेन्ट डा विश्वबन्धु बगालेका अनुसार लामो बिदा र चाडपर्वका बेला खानपानको शैलीमा हुने परिवर्तनका कारण नियमित स्वास्थ्य जाँच गराउने तथा औषधि सेवन गर्ने बिरामीहरूको चाप बढेको हो। डा बगालेले दिएको जानकारी अनुसार असार, साउन, भदौ र असोज महिनाको अन्त्यसम्म अस्पतालमा...

राप्ती नदी बचाउन जुटे स्थानीय, १६ भन्दा बढी स्थानमा एकैसाथ सरसफाइ अभियान !

राप्ती, चितवन। ‘स्वच्छ राप्ती, स्वस्थ समाज, समृद्ध राप्ती’ भन्ने नारासहित चौथो राप्ती नदी दिवसको अवसरमा राप्ती नदीका विभिन्न स्थानमा सरसफाइ अभियान सम्पन्न भएको छ। नदी तथा जलस्रोतको संरक्षण, स्वच्छ वातावरण निर्माण र जनचेतना अभिवृद्धि गर्ने उद्देश्यले मंसिर १ गते बिहान ७ बजेदेखि अभियान सञ्चालन गरिएको हो। अभियानअन्तर्गत भिमफेदी, हेटौंडा राप्ती पुल, मनहरी, लोथर, सौराहा ड्याक,...

अध्यक्ष : सुभद्रा आले मगर
सम्पादक : राजु थापा
कार्यकारी सम्पादक : पुर्ण बहादुर मगर
सह सम्पादक : अशोक बहादुर परियार
ले आउट : प्रबेश देसार
सवाददाता : अनिल अधिकारी

सम्पर्क

इमेल : infohamroraotifm@gmail.com

मोबाइल : 9762345745

ठेगाना : राप्ती ५ भण्डारा, चितवन , बागमति प्रदेश , नेपाल

कम्पनी विवरणहरू

कला पाठशाला कलेज प्रा.लि द्वारा संचालित पुर्बी चितवनको सर्बाधिक सुनिने हाम्रो राप्ती 88.5 एफ एमको अनलाइन सस्करण हो !

सन्चार रजिस्ट्रारको कार्यालय दर्ता न १४०/०७९/०८०