भरतपुर । भरतपुर महानगरपालिका वडा नं–२१, पर्वत चोकस्थित दुई मोटरसाइकल एकापसमा ठक्कर खाइ दुर्घटना हुँदा चार जना घाइते भएका छन् ।
पर्वत चोकबाट पार्वतीपुरतर्फ आउँदै गरेको बागमती प्रदेश ०२–०५० प ८०४० नम्बरको मोटरसाइकल र चनौलीबाट गीतानगरतर्फ जाँदै गरेको बागमती प्रदेश ०२–०५८ प ७७१५ नम्बरको मोटरसाइकल एकापसमा ठोक्किँदा दुर्घटना भएको हो ।
दुर्घटनामा ७७१५ नम्बरको मोटरसाइकलका चालक धनुषा घर भई हाल भरतपुर–१० बस्ने २५ वर्षीय अमन सुवेदी, ८०४० नम्बरको मोटरसाइकलका चालक भरतपुर–२१ बस्ने २१ वर्षीय सुवास रिमाल, सोही मोटरसाइकलपछाडि सवार निजका दिदी २८ वर्षीया गंगामाया रिमाल रावल र गंगामायाका १ वर्षीय छोरा ग्रिस रावल घाइते भएका हुन् ।
घाइतेहरुको एलाइभ हस्पिटल, भरतपुरमा उपचार भइरहेको र उपचारमा निजका आफन्त सुजन क्षेत्री संलग्न रहेको प्रहरीले जनाएको छ ।
