काठमाण्डाै – माथिल्लो त्रिशूली–३ ‘ए’ जलविद्युत् आयोजनाको सुरुङबाट एउटा शव निकालिएको उद्धारकर्मीले बताएका छन् । उद्धार टोलीले सुरुङबाट निकालेको शवकाे पहिचान हुन बाँकी रहेको छ ।
यसअघि यो आयोजनाको सुरुङबाट आज बिहान नेपाली सेना, सशस्त्र प्रहरी, नेपाल प्रहरी र नेपाल विद्युत् प्राधिकरणको टोलीले सप्तरीका सञ्जय साह र काठमाण्डौका कबिर महर्जनलाई जीवितै उद्धार गरेको थियो ।
माथिल्लो त्रिशूली ३ ‘ए’ आयाेजनाकाे सुरुङभित्र ४२ जना इन्जिनियर तथा कर्मचारी फसेका हुन सक्ने नेपाल विद्युत् प्राधिकरणको अनुमान छ । आयोजनाको भूमिगत विद्युत् गृह क्षेत्रमा खोजी तथा उद्धार अभियान चलिरहेको छ ।
