काठमाण्डौ – प्रि–सिजनको मैत्रीपूर्ण खेलमा म्यानचेस्टर युनाइटेड र पीएसजीले बराबरी खेले
काठमाण्डौ – स्वीडेनको गोथेनवर्गमा भएको प्रि–सिजन मैत्रीपूर्ण खेलमा म्यानचेस्टर युनाइटेड र पेरिस सेन्ट जर्मेन (पीएसजी)ले १–१ गोलको बराबरी खेलेका छन् ।
खेलको दोस्रो मिनेटमै इब्राहिम म्बायेको गोलमा पीएसजीले अग्रता लिएको थियो । तर युनाइटेडका ब्रायन एम्बुमोले ३२औँ मिनेटमा गोल गर्दै खेल बराबरीमा ल्याए । त्यसपछि पनि एम्बुमोले युनाइटेडका लागि अग्रता दिलाउने केही राम्रा अवसर सिर्जना गरे ।
तर, थप गोल हुन सकेन । दोस्रो हाफमा युनाइटेडका नयाँ खेलाडी युरी टिलेमान्सले डेब्यु गरे भने कप्तान ब्रुनो फर्नान्डेस पनि मैदानमा प्रवेश गरे । पीएसजीले दोस्रो हाफमा मार्किन्होस, भिटिन्हा, नचुनो मेन्डेस र जोआओ नेभेसजस्ता अनुभवी खेलाडी मैदानमा उतारे पनि जितका निर्णायक गोल गर्न सकेन ।
यसअघि एट्लेटिको मड्रिडसँगको खेलमा २ गोल गरेका एम्बुमोले पिएसजीसँगको खेलमा पनि गोल गरेका हुन् ।
