नवलपरासी । जिल्ला प्रहरी कार्यालय नवगलपरासी र इलाका प्रहरी कार्यालय महेशपुरबाट खटिएको प्रहरी टोलीले दोहोरो नागरिकतासम्बन्धी कसुरमा एक पुरुषलाई पक्राउ गरेको छ ।
झुटो विवरण पेस गरी नेपाली नागरिकता लिएका भारतको महाराजगन्ज जिल्ला तहसिल निचलौल अवगत लक्ष्मीपुर खुर्द (तिलपुर) निवासी ५४ वर्षीय मदनलाल कलवार पक्राउ परेका हुन् ।
प्रहरी टोलीले नवलपरासी (बर्दघाट सुस्तापश्चिम)को सरावल गाउँपालिका–७, भुजहवाबाट पक्राउ गरी नवलपरासी जिल्ला अदालतबाट पाँच दिन म्याद थप गरी नागरिकतासम्बन्धी कसुरमा अनुसन्धान कार्य भइरहेको सूचना अधिकारी प्रनाउ मदन थापाले जानकारी दिए ।
